رات بھر مجھ کو غم یار نے سونے نہ دیا

رات بھر مجھ کو غمِ یار نے سونے نہ دیا

صبح کو خوفِ شب تار نے سونے نہ دیا ​ 

شمع کی طرح مجھے رات کٹی سولی پر

چین سے یادِ قدِ یار نے سونے نہ دیا ​

یہ کراہا تِرا بیمارِ الم درد کے ساتھ

کسی ہمسایہ کو بیمار نے سونے نہ دیا ​

اے دلِ آزار تُو سویا کِیا آرام سے رات

مجھے پل بھر بھی دلِ زار نے سونے نہ دیا ​

میں وہ مجنوں ہوں ہ زنداں میں نگہبانوں کو

میری زنجیر کی جھنکار نے سونے نہ دیا ​

یاس وغم رنج و تعب میرے ہوئے دشمنِ جاں

اے ظفرؔ شب انہیں دو چار نے سونے نہ دیا ​

 بہادر شاہ ظفر