ہے آج اندھیرا ہر جانب اور نور کی باتیں کرتے ہیں

 ہے آج اندھیرا ہر جانب اور نور کی باتیں کرتے ہیں

نزدیک کی باتوں سے خائف ہم دور کی باتیں کرتے ہیں

تعمیر و ترقی والے ہیں کہیے بھی تو ان کو کیا کہیے

جو شیش محل میں بیٹھے ہوئے مزدور کی باتیں کرتے ہیں

یہ لوگ وہی ہیں جو کل تک تنظیم چمن کے دشمن تھے

اب آج ہمارے منہ پر یہ دستور کی باتیں کرتے ہیں

سوچ رہا ہوں کس سیاہی سے آج کے میں حالات لکھوں

 سوچ رہا ہوں کس سیاہی سے آج کے میں حالات لکھوں

کیسے کر لوں دل پتھر کا، کیسے میں جذبات لکھوں

قتل و غارت، عصمت ریزی، چوری ڈاکہ، خونی کھیل

آج کے دور کے انسانوں کے کیا کیا میں عادات لکھوں

چہرہ چہرہ ایک کھنڈر ہے، آنکھوں میں ہے ویرانی

کس چہرے پر کن آنکھوں پر میں اپنے نغمات لکھوں

پہلے کچھ دن مرے زخموں کی نمائش ہو گی

  پہلے کچھ دن مِرے زخموں کی نمائش ہو گی

پھر مِرے حال پہ اس بت کی نوازش ہو گی

ہاں بظاہر تو دھرا جائے گا قاتل، لیکن

پس پردہ اسی قاتل کی سفارش ہو گی

پیاسی دھرتی یوں ہی پیاسی ہی رہے گی یارو

اور دریا پہ مسلسل یہاں بارش ہو گی

گمرہی کا مری سامان ہوا جاتا ہے

  گُمرہی کا مِری سامان ہوا جاتا ہے

راستہ زیست کا آسان ہوا جاتا ہے

اک طرف روح کہ پرواز کو جیسے تیار

اک طرف جسم کہ بے جان ہوا جاتا ہے

دشت غربت ہے کہ آباد ہمارے دم سے

گھر کا آنگن ہے کہ ویران ہوا جاتا ہے

اپنا محاسبہ کبھی کرنے نہیں دیا

 اپنا محاسبہ کبھی کرنے نہیں دیا

خود بینیوں نے ہم کو سنورنے نہیں دیا

حالات نے اگرچہ سجھائی گداگری

میری انا نے مجھ کو بکھرنے نہیں دیا

طوفاں سے کھیلنے کا رہا شوق عمر بھر

ساحل پہ جس نے مجھ کو اترنے نہیں دیا

ہم برا کرتے یا بھلا کرتے

 ہم بُرا کرتے یا بھلا کرتے

سوچ کر کوئی فیصلہ کرتے

تم تعلق کا پاس تو رکھتے

خوش نہ کرتے ہمیں خفا کرتے

دوستو کاش دُکھ کے لمحوں میں

تم دوا کرتے، ہم دعا کرتے

ایک مدت سے جو سینے میں بسا ہے کیا ہے

 ایک مدت سے جو سینے میں بسا ہے کیا ہے

کرب احساس ہے؟ یا کرب انا ہے، کیا ہے؟

دورِ حاضر میں ہر اک شخص ہے کیوں سہما ہوا

دل میں جو خوف ہے، وہ خوف فنا ہے، کیا ہے

مجھ کو اس لفظ کا مفہوم بتا دو یارو

دوستی نام ہے جس کا وہ جفا ہے، کیا ہے