آگ لگا کر گھر کو جب خود گھر والا انجان بنے

 آگ لگا کر گھر کو جب خود گھر والا انجان بنے

اے لوگو پھر تم ہی بتاؤ کیوں نہ وہ گھر شمشان بنے

آج امیدوں کے مرگھٹ پر اڑتے ہیں آہوں کے گِدھ

جانے اسی مرگھٹ میں کل کن نغموں کا ایوان بنے

اس کے چہرے کی ریکھائیں میں بھی تو اک بار پڑھوں

کاش کبھی تو خوابوں ہی میں وہ میرا مہمان بنے

ساز سکوت شب ہوں نہ سوز رباب ہوں

 سازِ سکوتِ شب ہوں نہ سوزِ رباب ہوں

پڑھ لو مجھے کہ ایک سُلگتی کتاب ہوں

اے گردشِ مدام! نہ ہنس میرے حال پر

میں فصلِ نو بہار کا دُھندلا سا خواب ہوں

میں وہ سبق ہوں جو نہ کبھی یاد ہو سکا

جس کو زمانہ پڑھ نہ سکا، وہ نصاب ہوں

دل تو برساتا ہے ہر روز ہی غم کے ساون

 دل تو برساتا ہے ہر روز ہی غم کے ساون

پھر بھی بجھتے نہیں یادوں کے سلگتے ایندھن

زندگی خوابوں کی چلمن میں یوں اٹھلاتی ہے

جیسے سکھیوں میں گھری ہو کوئی شرمیلی دلہن

اب تو ہر روز ہی اک آنچ نئی اٹھتی ہے

یہ مِرا جسم نہ بن جائے دہکتا مدفن

ابھرا جو چاند اونگھتی پرچھائیاں ملیں

 ابھرا جو چاند اونگھتی پرچھائیاں ملیں

ہر روشنی کی گود میں تنہائیاں ملیں

شہرِ وفا میں ہم جو چلے آئے دفعتاً

ہر ہر قدم پہ درد کی شہنائیاں ملیں

غنچے ہنسے تو حسن کا کوسوں پتہ نہ تھا

روٹھی ہوئی کچھ ایسی بھی رعنائیاں ملیں

ابھرا جو چاند اونگھتی پرچھائیاں ملیں

 ابھرا جو چاند اونگھتی پرچھائیاں ملیں

ہر روشنی کی گود میں تنہائیاں ملیں

شہر وفا میں ہم جو چلے آئے دفعتاً

ہر ہر قدم پہ درد کی شہنائیاں ملیں

غنچے ہنسے تو حسن کا کوسوں پتہ نہ تھا

روٹھی ہوئی کچھ ایسی بھی رعنائیاں ملیں