گیلی لکڑی کو سلگا کر اشکوں سے عرضی لکھوں گا

 گیلی لکڑی کو سلگا کر اشکوں سے عرضی لکھوں گا

آج دھوئیں کے بادل پر میں بارش کو چٹھی لکھوں گا

اس زنداں کے کچھ قیدی ہی میری بات سمجھ پائیں گے

جب پتھر کی دیواروں پر مٹی سے مٹی لکھوں گا

مجھ جیسے کچھ دیوانے ہی زندہ دل ہوتے ہیں صاحب

میں اتنا کمزور نہیں جو پنکھا اور رسی لکھوں گا

اپنے جیسے دیوانوں کی تھوڑی تو امداد کروں

 اپنے جیسے دیوانوں کی تھوڑی تو امداد کروں

سوچ رہا ہوں ہشیاری سے پاگل پن ایجاد کروں

ضرب لگا کر ایسا چیخوں سناٹے بھی ڈر جائیں

لیکن پہلے آوازیں تو پنجرے سے آزاد کروں

پتھر کھانے سے اچھا ہے پتھر کو ہی توڑا جائے

عشق اجازت دے تو خود کو مجنوں سے فرہاد کروں

چاہتا ہوں کہ تیرا ہجر مصیبت نہ لگے

چاہتا ہوں کہ تیرا ہجر مصیبت نہ لگے

اب کوئی زخم ترے غم کی بدولت نہ لگے

اس کی یادوں کا سفر ختم کروں روئے بغیر

غیر ممکن ہے کہ اس کام میں حکمت نہ لگے

ظرف ٹوٹے ہوئے کشکول سے گر سکتا ہے

ایسی امداد سے بچنا جو سخاوت نہ لگے

اداس دھوپ سے رشتہ بحال کرنے میں

 اداس دھوپ سے رشتہ بحال کرنے میں

درخت سوکھ گئے یہ کمال کرنے میں

ہر ایک بار غموں کا مزاج بدلا تھا

خوشی سے آنکھ ملا کر ملال کرنے میں

ہمارا دل بھی رہا ذمے دار مان لیا

تمہیں کیوں وقت لگا استعمال کرنے میں