میں کنواری ہوں میں نے تین بچوں کو جنم دیا

 میں کنواری ہوں 

میں نے تین بچوں کو جنم دیا 

اور ایک خواہش کو 

میں نے تین عیسیٰ دو صلیبوں پر لٹکے ہوئے پائے 

پر مریم ہونے کا دعویٰ نہیں کیا 

کنویں میں آگ لگا دو 

سورج کو ڈوبتے دیکھ رہا ہوں

 جانتی ہو، نظمیں لکھ لینے سے

دل کی سیاہی نہیں دھلتی

اس ابلتے کھارے پانی میں

حافظے کی جھاگ نہیں گھلتی

پھر بھی یہ آخری قطرۂ جاں

دل کی سیپی میں سنبھالے

بیرنگ نیتیں کہاں کی نیت کی بات کرتے ہو

 بے رنگ نیتیں

کہاں کی نیت کی بات کرتے ہو؟ 

پاکبازوں کی نیتوں کی؟

مِرے سرہانے تو اس طرح کی کسی بھی نیت کے بت نہیں ہیں

(ہُبل سِراپِس کے بھاری جسوں نے کب سمانا تھا میرے نطفے میں)

مِرے سرہانے

تو جسم کی بھوک کا دیوتا کھڑا ہے

اگر مجھے تم سے محبت ہو گئی تو

 اگر مجھے تم سے محبت ہو گئی تو

تمہارے کُولہے کا تِل

تمثیل کی کان بن جائے گا

غم جس کی یاد میں

نئے استعارے کھودنے وہاں آیا کرے گا

اگر مجھے تم سے محبت ہو گئی تو

نہ آسماں پر کوئی ستارہ نہ کوئی مہتاب جاگتا ہے

 نہ آسماں پر کوئی ستارہ، نہ کوئی مہتاب جاگتا ہے

تمام بستی ہے غرقِ دریا، طلسمِ سیلاب جاگتا ہے

عجیب ہے بے گھری کا لمحہ نہ کوئی چادر نہ کوئی تکیہ

عجیب گھر ہے کہ جس میں آ کر شعورِ اسباب جاگتا ہے

ملالِ تنہائی سے لپٹ کر، ہجومِ خلقت کو یاد کر کے

تمام شب ایک شخص مجھ میں بغیرِ احباب جاگتا ہے

محبت ایک جیسی ہے وفائیں ایک جیسی ہیں

محبت ایک جیسی ہے، وفائیں ایک جیسی ہیں

یہاں موسم بدلنے پر ہوائیں ایک جیسی ہیں

عجب شہرِ سخن آباد ہے، میری سماعت میں

عجب شہرِ خموشاں ہیں صدائیں ایک جیسی ہیں

تِری آنکھوں میں آوازیں مِرے ہونٹوں پہ سناٹا

سفر کی داستانیں کیا سنائیں، ایک جیسی ہیں

مل گئی جب بھی نظر دونوں ہو گئے خاموش

مل گئی جب بھی نظر دونوں ہو گئے خاموش

کچھ نہ تھی بات مگر دونوں ہو گئے خاموش

اپنے ہی عکس سے ایک خوف ہوا یوں بیدار

آئینہ" اور "نظر" ہو گئے دونوں خاموش"

ڈوبتی شام نے جب دل میں اداسی رکھی

پھر ہوا اور شجر ہو گئے دونوں خاموش

آخر سخن تمام کیا اس دعا کے ساتھ

آخر سخن تمام کِیا اس دعا کے ساتھ

رہنا گلوں کے بیچ مہکنا ہوا کے ساتھ

اک بے کنار ہجر مِری روح میں مقیم

اک بے پناہ خوف مِری التجا کے ساتھ

اک برگِ خشک شاخ سے گرنے کا منتظر

اور میرا جسم کانپ رہا ہے ہوا کے ساتھ

کس کے دل کی میں تمنا ہوں مجھے کیا معلوم

کس لیے رقص دکھاتا ہوں مجھے کیا معلوم

میں تو بس وقفِ تماشا ہوں مجھے کیا معلوم

کیسا ہنگامہ برابر کے مکاں میں ہے مقیم

میں تو خود شور میں رہتا ہوں مجھے کیا معلوم

کون رہتا ہے مِرے دل کے نہاں خانے میں

کس کے دل کی میں تمنا ہوں مجھے کیا معلوم

رخصت پہ تیری دل نے بہت شور و شر کیا

گزری جو رہگزر میں اسے در گزر کیا

اور پھر یہ تذکرہ کبھی جا کر نہ گھر کیا

چشمِ سلیقہ ساز! تُو خاموش ہی رہی

رخصت پہ تیری دل نے بہت شور و شر کیا

آزردگانِ ہجر کی وحشت عجیب ہے

نکلے نہ گھر سے، اور نہ آباد گھر کیا

اپنی تنہائی میں تنہا ہوں تہہ خاک بھی میں

جیسا دنیا میں تھا ویسا ہوں تہہِ خاک بھی میں

بس تماشا تھا تماشا ہوں تہہِ خاک بھی میں

میں نے جو آگ جلائی تھی سخن میں اپنے

دیکھ اس آگ میں جلتا ہوں تہہِ خاک بھی میں

دشتِ جاں میں بھی تھا تصویرِ تمنا کی مثال

اور تصویرِ تمنا ہوں تہہِ خاک بھی میں

اپنے ہی سامنے دیوار ہو اک عمر سے تم

اپنے ہی سامنے دیوار ہو اِک عمر سے تم

کیسی ذِلت میں گرفتار ہو اک عمر سے تم

جس کو تعبیر سمجھتے ہو، وہ تعبیر نہیں

عرصۂ خواب میں بیدار ہو اک عمر سے تم

اپنے احوال میں خوش رہنے کی تدبیر کرو

کس لیے خوگرِ آزار ہو اک عمر سے تم

روزن کی جگہ آنکھ ہے دیوار نسب میں

جس دن سے تماشا ہوں میں دربارِ نسب میں

روزن کی جگہ آنکھ ہے دیوارِ نسب میں

شاخوں پہ فروزاں ہوں تعلق کے نئے پھول

خوشبو کوئی "پھیلے" مِرے گلزارِ نسب میں

ہر شخص کی نسبت سے طبیعت ہے مکدّر

الجھا ہوں کچھ اس طرح سے پندارِ نسب میں

تو میرے دل سے اٹھا اور تیری راہ سے میں

گزر رہا ہوں عجب سیلِ اشتباہ سے میں

تجھے بھی دیکھتا ہوں غیر کی نگاہ سے میں

تِری پناہ میں آرامِ جسم و جاں ہے، مگر

پناہ مانگ رہا ہوں تِری "پناہ" سے میں

تِری وصال طلب آنکھ سے گریز پہ بھی

بہت قریب ہوں احوال میں گناہ سے میں

یہ تیرا قرب تِری دوستی ہے کتنی دیر

چراغِ بزم تِری منصبی ہے کتنی دیر

شرر نژاد ہے تُو زندگی ہے کتنی دیر

ہواۓ دہر بھی ٹھہری ہے فرصتوں کی حریف

تِرے خیال کی مہلت ملی ہے کتنی دیر

حریمِ ناز سے نکلی تو تیرے جسم کی بات

زبانِ خلقِ خدا پر رہی ہے کتنی دیر

وقت عجیب آ گیا منصب و جاہ کے لیے

وقت عجیب آ گیا، منصب و جاہ کے لیے

صاحبِ دل بھی چل پڑے، تخت و کلاہ کے لیے

اس کا ہدف بھی دیکھنا، میری طرف بھی دیکھنا

قتلِ انا کی شرط ہے، اس سے نِباہ کے لیے

ایک نوائے آتشیں، حلقہ بہ حلقہ جسم میں

پھر سے ہوئی ہے تازہ دم، تازہ گناہ کے لیے

پھر زمین صبح تک خواب ہو جائے گی آسماں

پھر یہاں ہجر کی شب طلسمِ زمان و مکان صبح تک خواب ہو جائے گا

پھر زمین صبح تک خواب ہو جائے گی آسماں صبح تک خواب ہو جائے گا

پھر اچانک تیرے ناز کی لہلہاتی ہری کھیتیاں خشک ہو جائیں گی

وقت تھم جائے گا، اور ہر ایک منظر یہاں تک خواب ہو جائے گا

نرم لمحوں کی آغوش میں زندگی رقص کرتی رہی، اور کہتی رہی

رقص، کر رقص کر، ورنہ خوشبہ کا سیلِ رواں صبح تک خواب ہو جائے گا

مکیں سے کہنے لگا اک مکاں کا سناٹا

مکیں سے کہنے لگا اک مکاں کا سناٹا

ہے تیرے دم سے سلامت یہاں کا سناٹا

بہار اپنی حکایت سے آشنا ہی نہیں

خزاں کے ساتھ کھڑا ہے خزاں کا سناٹا

ہجومِ کار میں اب یاد ہی نہیں رہتا

کہ دل کو کھینچ رہا ہے کہاں کا سناٹا

گزری جو رہ گزر میں اسے در گزر کیا

گزری جو رہگزر میں اسے در گزر کِیا

اور پھر یہ تذکرہ کبھی جا کر نہ گھر کیا

چشمِ سلیقہ ساز تو خاموش ہی رہی

رخصت پہ تیری دل نے بہت شور و شر کیا

آزردگانِ ہجر کی وحشت عجیب ہے

نکلے نہ گھر سے اور نہ آباد گھر کیا