دلوں کے باب میں لکھا تھا قاعدے کی طرح

 دلوں کے باب میں لکھا تھا قاعدے کی طرح

زیاں سمیٹتے رہیۓ گا فائدے کی طرح

وہ گلبدن ہوا رقصاں تو پھر کُھلا ہم پر

کسی گلاب کے منظوم ترجمے کی طرح

عجیب حسن تھا آرائشوں سے ماند پڑا

وضاحتوں سے بگڑتے معاملے کی طرح

خموشی کا کوئی لہجہ نہیں ہے

 خموشی کا کوئی لہجہ نہیں ہے

ہمیں لگتا ہے پر ایسا نہیں ہے

محبت سب سے اچھی شے ہے لیکن

محبت میں بھی سب اچھا نہیں ہے

یہ میری زندگی اک مسئلہ ہے

مگر یہ مسئلہ میرا نہیں ہے

شاخ امکان پر کوئی کانٹا اگا کوئی غنچہ کھلا

شاخ امکان پر، کوئی کانٹا اُگا، کوئی غنچہ کِھلا، میں نے غزلیں کہیں

ایام ایذا گریزی میں جو بھی ہوا، میں نے ہونے دیا، میں نے غزلیں کہیں

لوگ چیخا کئے، وہ جو معبود ہے، بس اسی کی ثناء، بس اسی کی ثناء

میری شہ رگ سے میرے خدا نے کہا، مجھ کو اپنی سنا، میں نے غزلیں کہیں

حبسِ بیجا میں تھی شہر کی جب ہوا، آپ جیتے رہے، آپ کا حوصلہ

میں اصولوں وغیرہ کا مارا ہوا، مجھ کو مرنا پڑا، میں نے غزلیں کہیں

جو دکھ رہا ہے اسی کے اندر جو ان دکھا ہے وہ شاعری ہے

جو دِکھ رہا ہے اسی کے اندر جو ان دِکھا ہے وہ شاعری ہے

جو کہہ سکا تھا وہ کہہ چکا ہوں جو رہ گیا ہے وہ شاعری ہے

یہ شہر سارا تو روشنی میں کھُلا پڑا ہے، سو کیا لکھوں میں

وہ دور جنگل کی جھونپڑی میں جو اک دِیا ہے وہ شاعری ہے

دلوں💕 کے مابین گفتگو میں تمام باتیں اضافتیں ہیں

تمہاری باتوں کا ہر توقف جو بولتا ہے، وہ شاعری ہے

اگر جانا ہی لازم ہے

اگر جانا ہی لازم ہے

اگر جانا ہی لازم ہے

تو پھر جانے سے پہلے تم

وہ سب سامان لے جاؤ

جو ماضی کے کئی سالوں کے کمروں میں

میرے احساس کی شیلفوں کے خانوں میں

یقیں کے کونے کھدروں میں

یہ ہاتھ میں تیرے ہاتھوں میں رکھ کے بھول گیا

یہ ہاتھ میں تیرے ہاتھوں میں رکھ کے بھول گیا

کہ اک کتاب کتابوں میں رکھ کے بھول گیا

نجومیوں نے بتایا کہ کاتبِ تقدیر

میرا نصیب ستاروں میں رکھ کے بھول گیا

ہے آج بھی دفتر کا ایک اک کاغذ

پر اپنے خواب ترازو میں رکھ کے بھول گیا

نور ہی نور سے مکھڑے پہ وہ نوری آنکھیں

نور ہی نور سے مکھڑے پہ وہ نوری آنکھیں

اس کے انجیل سے چہرے پہ زبوری آنکھیں

چھوڑ آیا ہوں کسی آنکھ میں بینائی کو

اور بچا لایا ہوں چہرے پہ ادھوری آنکھیں

ایک جادو ہے سبھی کا کئی منتر، لیکن

سبز گوں ہیں کہی نیلی کہی بھوری آنکھیں

دل سے اک خواہش بے تاب لگا دیتا ہے

دل سے اک خواہش بیتاب لگا دیتا ہے

پھر وہ پابندئ آداب لگا دیتا ہے

لفظ بے صَوت ہوں لیکن تیرا قاتل لہجہ

میرے اطراف میں اعراب لگا دیتا ہے

پہلے کہتا ہے کہ افلاک سے آگے دیکھوں

پھر کہیں بیچ میں ماہتاب لگا دیتا ہے

شبنم ہے کہ دھوکا ہے کہ جھرنا ہے کہ تم ہو

شبنم ہے کہ دھوکا ہے کہ جھرنا ہے کہ تم ہو

دل دشت میں اک پیاس تماشا ہے کہ تم ہو

اک لفظ میں بھٹکا ہوا شاعر ہے کہ میں ہوں

اک غیب سے آیا ہوا مصرعہ ہے کہ تم ہو

دروازہ بھی جیسے مِری دھڑکن سے جڑا ہے

دستک ہی بتاتی ہے پرایا ہے، کہ تم ہو

جو ہم پہ گزرے تھے رنج سارے وہ خود پہ گزرے تو لوگ سمجھے

جو ہم پہ گزرے تھے رنج سارے وہ خود پہ گزرے تو لوگ سمجھے
جب اپنی اپنی محبتوں کے عذاب جھیلے تو لوگ سمجھے
وہ جن درختوں کی چھاؤں میں سے مسافروں کو اٹھا دیا تھا
انہی درختوں سے اگلے موسم جو پھل نہ اترے تو لوگ سمجھے
اس ایک کچی سی عمر والی کے فلسفے کو کوئی نہ سمجھا
جب اس کے کمرے سے لاش نکلی، خطوط نکلے تو لوگ سمجھے

کالی رات کے صحراؤں میں نور سپارا لکھا تھا

کالی رات کے صحراؤں میں نور سپارا لکھا تھا
جس نے شہر کی دیواروں پر پہلا نعرا لکھا تھا
لاش کے ننھے ہاتھ میں بستہ اور اک کھٹی گولی تھی
خون میں ڈوبی اک تختی پر غین غبارا لکھا تھا
آخر ہم ہی مجرم ٹھہرے جانے کن کن جرموں کے
فردِ عمل تھی جانے کس کی، نام ہمارا لکھا تھا