کرب مسلسل

کربِ مسلسل

بہت نامہرباں موسم مرے حصے میں آیا ہے

نہ چھاؤں ہے نہ پانی

مدتوں میں نے سلگتی آنچ دیتی ریت چھانی

دور تک پھیلے سرابوں کے سوا

اس دشت کی پہنائیوں نے کیا دیا مجھ کو

اور اب تو انگلیاں دانتوں میں رکھ کر

زندگی کرتے رہے صرف اس امید پر

زندگی کرتے رہے

صرف اس امید پر

اِس سے اگلے موڑ پر

ایک دو ہی کوس پر

بخت کا وہ پیڑ ہے

جس کی ٹھنڈی چھاؤں میں

بیٹھی ہے وہ اپسرا

کبھی شکستوں کے دکھ اٹھائے تو اس سے پوچھوں

کبھی شکستوں کے دکھ اٹھائے تو اس سے پوچھوں 

وہ میری مانند ٹوٹ جائے تو اس سے پوچھوں

اسے بھی کوئی ستارہ منزل سے دور کرے 

اسے بھی رستہ نظر نہ آئے تو اس سے پوچھوں

سفر میں وہ بھی کسی کڑے امتحان سے گزرے 

اسے بھی یوں کوئی آزمائے تو اس سے پوچھوں

کسی منزل کسی امکان کا در کھولتا ہے

کسی منزل، کسی امکان کا در کھولتا ہے

اک پرندہ مرے احساس میں پر کھولتا ہے

یہ محبت ہے کہ وحشت ہے کہ شوریدہ سری

سوچتا ہوں ترے بارے میں تو سر کھولتا ہے

بھاؤ کچھ ایسے گرے ہیں کہ ڈراتا ہے کساد

کون اس شہر میں بازارِ ہنر کھولتا ہے

اگر خدا ہے خدا کا کلام زندہ ہے

عارفانہ کلام منقبت سلام مرثیہ بحضور امامِ عالی مقام

اگر خدا ہے، خدا کا کلام زندہ ہے

تو پھر یہ طے ہے کہ میرا امام زندہ ہے

غمِ حسین مٹانے سے مٹ نہیں سکتا

شعورِ اہلِ درود و سلام زندہ ہے

ہمیں تو ظلمتِ شب سے نہیں کوئی تشویش

وہ رشکِ مہر، وہ ماہِ تمام زندہ ہے

کوئی منزل ہے نظر ميں نہ ٹھکانہ طے ہے

کوئی منزل ہے نظر ميں نہ ٹھکانہ طے ہے 

پھر بھی کل صبح يہاں سے مِرا جانا طے ہے

ابھی کچھ اور مسائل ہيں، جو لاحق ہيں ہميں 

تجھ سے ملنے کو کوئی اور زمانہ طے ہے

کئی کردار کہانی سے نکل جاتے ہيں 

کوئی قصہ ہے مکمل، نہ فسانہ طے ہے

بھونچال کی شدت سے زمیں کانپ رہی ہے

بھونچال کی شدت سے زمیں کانپ رہی ہے

اپنی ہے شقاوت سے زمیں کانپ رہی ہے

اس بار تو جمتے ہی نہیں فرش پہ پاؤں

اس بار تو فرصت سے زمیں کانپ رہی ہے

اس بار تو کی وقت نے کچھ ایسی جراحت

زخموں کی اذیت سے زمیں کانپ رہی ہے

اسی طريق سے پھر شش جہات جوڑتے ہيں

اسی طريق سے پھر شش جِہات جوڑتے ہيں
چلو یہ ٹُوٹی ہوئی کائنات جوڑتے ہيں
چلو لگاتے ہيں مخمل ميں ٹاٹ کا پيوند
چلو يہ ارض و سما ساتھ ساتھ جوڑتے ہيں
يہ لوگ پيسے سے پيسہ مِلا کے رکھتے ہيں
ہم ايسے وحشی تو بس پات پات جوڑتے ہيں

ہر چیز کو شمار و عدد سے نہیں بڑھا

ہر چیز کو شُمار و عدد سے نہیں بڑھا
قیمت وفا کی داد و ستد سے نہیں بڑھا
چُھوتا ہوں آسماں کو تو حیرت ہی اس میں کیا
میرا تو قد یہی ہے، میں قد سے نہیں بڑھا
میرے لیے بنائی ہے اس نے یہ کائنات
تارے بھی توڑ لوں تو میں حد سے نہیں بڑھا

شکست ذات سے فریاد کر کے رو پڑا ہوں

شکستِ ذات سے فریاد کر کے رو پڑا ہوں
میں مدت بعد اس کو یاد کر کے رو پڑا ہوں
مجھے تنہائی کے آسیب سے ڈر لگ رہا تھا
میں سمجھوتہ تمہارے بعد کر کے رو پڑا ہوں
کسے معلوم ہے اندر سے میں کتنا دکھی ہوں
فسُردہ انجمن کو شاد کر کے رو پڑا ہوں