دل دیا ہے ہم نے بھی وہ ماہ کامل دیکھ کر

دل دیا ہے ہم نے بھی وہ ماہِ کامل دیکھ کر

زرد ہو جاتی ہے جس کو شمعِ محفل دیکھ کر

تیرے عارض پہ یہ نقطہ بھی ہے کتنا انتخاب

ہو گیا روشن تِرے رخسار کا تِل دیکھ کر

آئینے نے کر دیا یکتائی کا دعویٰ غلط

نقشِ حیرت بن گئے اپنا مقابل دیکھ کر 

کچھ اشارے وہ سر بزم جو کر جاتے ہیں

کچھ اشارے وہ سرِ بزم جو کر جاتے ہیں

ناوکِ ناز کلیجے میں اتر جاتے ہیں

اہلِ دل راہِ عدم سے بھی گزر جاتے ہیں

نام لیوا تِرے بے خوف و خطر جاتے ہیں

سفرِ زیست ہوا ختم نہ سوچا، لیکن

ہم کو جانا ہے کہاں اور کدھر جاتے ہیں

کثرت وحدانیت میں حسن کی تنویر دیکھ

کثرت وحدانیت میں حسن کی تنویر دیکھ

دیدۂ حق بِیں سے رنگِ عالمِ تصویر دیکھ

اس قدر کھنچنا نہیں اچھا بتِ بے پیر دیکھ

پیار کی نظروں سے سُوئے عاشقِ دلگیر

کام بن بن کر بگڑ جاتے ہیں لاکھوں رات دن

کس قدر ہے مجھ سے برگشتہ مِری تقدیر دیکھ

قلزم الفت میں وہ طوفان کا عالم ہوا

قلزمِ الفت میں وہ طوفان کا عالم ہوا

جو سفینہ دل کا تھا درہم ہوا، برہم ہوا

تھامنا مشکل دلِ مضطر کو شامِ غم ہوا

یاد آتے ہی کسی کی، حشر کا عالم ہوا

کیا بتائیں کس طرح گزری شبِ وعدہ مِری

منتظر آنکھیں رہیں، دل کا عجب عالم ہوا

وہ جھنکار پیدا ہے تار نفس میں

وہ جھنکار پیدا ہے تارِ نفس میں

کہ ہے نغمہ نغمہ مِری دسترس میں

تصور بہاروں میں ڈوبا ہوا ہے

چمن کا مزہ مل رہا ہے قفس میں

گلوں میں یہ سرگوشیاں کس لیے ہیں

ابھی اور رہنا پڑے گا قفس میں؟

زلف جاناں پہ طبیعت مری لہرائی ہے

زلف جاناں پہ طبیعت مِری لہرائی ہے

سانپ کے منہ میں مجھے میری قضا لائی ہے

آج مے خانے پہ گھنگھور گھٹا چھائی ہے

ایک دنیا ہے کہ پینے کو امڈ آئی ہے

زلفِ شب رنگ کا عکس یہ پیمانے میں

یا پری کوئی یہ شیشے میں اتر آئی ہے

دم آخیر بھی ہم نے زباں سے کچھ نہ کہا

دمِ آخیر بھی ہم نے زباں سے کچھ نہ کہا

جہاں سے اٹھ گئے اہلِ جہاں سے کچھ نہ کہا

چلی جو کشتئ عمرِ رواں تو چلنے دی

رکی تو کشتئ عمرِ رواں سے کچھ نہ کہا

خطائے عشق کی اتنی سزا ہی کافی تھی

بدل کے رہ گئے تیور، زباں سے کچھ نہ کہا

زندگی نام ہے جس چیز کا کیا ہوتی ہے

زندگی نام ہے جس چیز کا کیا ہوتی ہے

چلتی پھرتی یہ زمانے کی ہوا ہوتی ہے

سیر دنیا کی، نہ کچھ یاد خدا ہوتی ہے

عمر انہی جھگڑوں میں تاراج فنا ہوتی ہے

روح جب قالبِ خاکی سے جدا ہوتی ہے

کس کو معلوم، کہاں جاتی ہے، کیا ہوتی ہے

سنوارے ہے گیسو تو دیکھا کرے ہے

سنوارے ہے گیسو تو دیکھا کرے ہے

وہ اب دل کو آئینہ جانا کرے ہے

نہ باتیں کرے ہے نہ دیکھا کرے ہے

مگر میرے بار میں سوچا کرے ہے

محبت سے وہ دشمنی ہے کہ دنیا

ہوا بھی لگے ہے تو چرچا کرے ہے

اک آتی ہے منزل کہ ہر حسن والا

تمنائیوں کی تمنا کرے ہے

وہ حد سے دور ہوتے جا رہے ہیں

وہ حد سے دُور ہوتے جا رہے ہیں

بڑے مغرُور ہوتے جا رہے ہیں

بسے ہیں جب سے وہ میری نظر میں

سراپا نُور ہوتے جا رہے ہیں

جو پھوٹے آبلے دل کی خلش سے

وہ اب ناسُور ہوتے جا رہے ہیں