وہ جھنکار پیدا ہے تار نفس میں

وہ جھنکار پیدا ہے تارِ نفس میں

کہ ہے نغمہ نغمہ مِری دسترس میں

تصور بہاروں میں ڈوبا ہوا ہے

چمن کا مزہ مل رہا ہے قفس میں

گلوں میں یہ سرگوشیاں کس لیے ہیں

ابھی اور رہنا پڑے گا قفس میں؟

نہ جینا ہے جینا، نہ مرنا ہے مرنا

نرالی ہیں سب سے محبت کی رسمیں

میں ہونے کو یوں تو رِہا ہوں گیا ہوں

مِری روح اب تک ہے لیکن قفس میں

نہ گرتا میں اے ناز ان کی نظر سے

دل اپنا یہ کم بخت ہوتا جو بس میں

ناز دہلوی