سروں پر سے ردائیں مانگتی ہیں

عہدِ حاضر کی ایک نظم

سروں پر سے رِدائیں مانگتی ہیں

نجانے کیا فِضائیں مانگتی ہیں

نکلتے ہیں پِسر جب گھر سے باہر

دعا جینے کی مائیں مانگتی ہیں

نہِیں کچھ مانگتی ہم سے یہ بہنیں

فقط یہ فاختائیں مانگتی ہیں

کڑکتی دھوپ میں گلتی یہ نعشیں

قیادت سے گھٹائیں مانگتی ہیں

سِتم سہتے رہے ہم خامشی سے

یہ آہیں اب صدائیں مانگتی ہیں

حدیں اپنے وطن کی ہم سے یارو

شہِیدوں سی وفائیں مانگتی ہیں

رشیدؔ اتنا تو تُو بے حِس نہِیں تھا

تیری آنکھیں سزائیں مانگتی ہیں

رشید حسرت