سمٹوں تو صفر سا لگوں پھیلوں تو اک جہاں ہوں میں

 سمٹوں تو صفر سا لگوں پھیلوں تو اک جہاں ہوں میں

جتنی کہ یہ زمین ہے اتنا ہی آسماں ہوں میں

میرے ہی دم قدم سے ہیں قائم یہ نغمہ خوانیاں

گلزار ہست و بود کا طوطیٔ خوش بیاں ہوں میں

مجھ ہی میں ضم ہیں جان لے دریا تمام دہر کے

قطرہ نہ تو مجھے سمجھ اک بحر بیکراں ہوں میں

بخت جاگے تو جہاندیدہ سی ہو جاتی ہے

 بخت جاگے تو جہاندیدہ سی ہو جاتی ہے

شخصیت اور بھی سنجیدہ سی ہو جاتی ہے

گو ہمہ وقت نئی لگتی ہے دنیا، لیکن

شے پرانی ہو تو بوسیدہ سی ہو جاتی ہے

کون ہے وہ کہ جسے موند لوں آنکھیں دیکھوں

آنکھ کھل جائے تو پوشیدہ سی ہو جاتی ہے

ان دنوں میں غربتوں کی شام کے منظر میں ہوں

 ان دنوں میں غربتوں کی شام کے منظر میں ہوں

میری چھت ٹوٹی پڑی ہے دوسروں کے گھر میں ہوں

آئے گا اک دن مِرے اڑنے کا موسم آئے گا

بس اسی امید پر میں اپنے بال و پر میں ہوں

جسم کی رعنائیوں میں ڈھونڈتے ہو تم مجھے

اور میں کب سے تمہاری روح کے پیکر میں ہوں

کھل گئیں آنکھیں کہ جب دنیا کا سچ ہم پر کھلا

 کھل گئیں آنکھیں کہ جب دنیا کا سچ ہم پر کُھلا

اپنے اندر سب کھلے ہیں کون ہے باہر کھلا

قتل سے پہلے ذرا چیخوں پہ اک مقتول کی

کچھ دریچے تو کُھلے لیکن نہ کوئی در کھلا

تنگ ہو جائے زمیں بھی اب تو کوئی غم نہیں

ہم فقیروں کے لیے ہے آسماں سر پر کھلا

ہو چکی ہجرت تو پھر کیا فرض ہے گھر دیکھنا

 ہو چکی ہجرت تو پھر کیا فرض ہے گھر دیکھنا

اپنی فطرت میں نہیں پیچھے پلٹ کر دیکھنا

اب وہ برگد ہے نہ وہ پنگھٹ نہ اب وہ گوپیاں

ایسے پس منظر میں کیا گاؤں کا منظر دیکھنا

جادۂ گل کی مسافت ہی نہیں ہے زندگی

زندگی کرنا ہے انگاروں پہ چل کر دیکھنا

گمان تک میں نہ تھا محو یاس کر دے گا

 گمان تک میں نہ تھا محوِ یاس کر دے گا

وہ یوں ملے گا کہ مجھ کو اُداس کر دے گا

کرم کرے گا مِرے حال پر، مگر پہلے

شرارتاً وہ مجھے غم شناس کر دے گا

شگفتگئ چمن پر بہت غرور نہ کر

خزاں کا دور تجھے بد حواس کر دے گا

گھر سے نکالے پاؤں تو رستے سمٹ گئے

 گھر سے نکالے پاؤں تو رستے سمٹ گئے

ہم یوں چلے کہ راہ کے پتھر بھی ہٹ گئے

ہم نے کھُلے کواڑ پہ دستک سنی، مگر

وہ کون لوگ تھے کہ جو آ کر پلٹ گئے

در بند ہی رکھو کہ ہواؤں کا زور ہے

اب کے کھُلے کواڑ تو سمجھو کہ پٹ گئے

بات مہندی سے لہو تک آ گئی

 بات مہندی سے لہو تک آ گئی

گفتگو اب تم سے تُو تک آ گئی

اب وہ شغلِ چاک دامانی کہاں

اب طبیعت تو رفُو تک آ گئی

جان جائے یار ہے اب ڈر نہیں

بات اپنی آبرو تک آ گئی

کھڑکی سے مہتاب نہ دیکھو

 کھڑکی سے مہتاب نہ دیکھو

ایسے بھی تم خواب نہ دیکھو

ڈُوب رہے سورج میں یارو

دن کی آب و تاب نہ دیکھو

ہرجائی ہیں لوگ یہاں کے

اس بستی کے خواب نہ دیکھو

پھولا پھلا شجر تو ثمر پر بھی آئے گا

 پھولا پھلا شجر تو ثمر پر بھی آئے گا

لیکن اسی لحاظ سے پتھر بھی آئے گا

حالات جب بھی شہر کے فلمائے جائیں گے

پردے پہ میرے قتل کا منظر بھی آئے گا

بے چہرہ پھر رہا ہوں مگر اس یقیں کے ساتھ

آئینہ میرے قد کے برابر بھی آئے گا