کچھ نہ کیا ارباب جنوں نے پھر بھی اتنا کام کیا

 کچھ نہ کیا ارباب جنوں نے پھر بھی اتنا کام کیا 

دار بہ دار افتاد سے کھیلے زلف بہ زلف آرام کیا

ساون ساون شعلے بھڑکے گلشن گلشن آگ لگی 

کیسا سورج ابھرا جس نے صبح کو آتش نام کیا

تنہائی بھی سناٹے بھی دل کو ڈستے جاتے ہیں 

رہگیرو کس دیس میں آ کر ہم نے آج قیام کیا

یہ دور یہ قید سخت جیسے

 یہ دور یہ قید سخت جیسے

آویزش وہم و بخت جیسے

یہ دشت کی تیز تر ہوائیں

ٹوٹیں گے کئی درخت جیسے

اک شور فضا میں گونجتا ہے

آوازہ تاج و تخت جیسے

کس چاند کی لگن میں دیوانے آدمی ہیں

 کس چاند کی لگن میں دیوانے آدمی ہیں

خود اپنی روشنی سے بے گانے آدمی ہیں

جو فرق تھا دلوں میں کس طرح جا سکے گا

اک بے وفا کے ٹوٹے یارانے آدمی ہیں

یوں گردش زمانہ تقدیر ہو چکی ہے

جیسے بساط غم پر پیمانے آدمی ہیں

عجیب طرح کا منظر دکھائی دیتا ہے

عجیب طرح کا منظر دکھائی دیتا ہے

ہمارے گھر سے سمندر دکھائی دیتا ہے

یہ دیکھنا ہے کہ اس بار خوبصورت چاند

کسی کے بام سے کیونکر دکھائی دیتا ہے

نہ جانے کیسے فسوں گر نے سحر پھونک دیا

تمام شہر ہی پتھر دکھائی دیتا ہے

کٹھن ہے راہگزر سوچنا ہی پڑتا ہے

کٹھن ہے راہگذر سوچنا ہی پڑتا ہے

مال ذوق سفر سوچنا ہی پڑتا ہے

فقیہہ شہر کا لالہ کنار پیراہن

ہے کس کے خون سے تر سوچنا ہی پڑتا ہے

ہیں آج بھی تو ہزار آفتاب شب آلود

یہ اہتمام سحر سوچنا ہی پڑتا ہے