اللہ اللہ مصطفٰی ہیں مالک و مختار سوچ

 عارفانہ کلام حمد نعت منقبت

اللہ اللہ مصطفٰیﷺ ہیں مالک و مختار سوچ

پھر بھی پتھر ہیں شکم پر رفعتِ کردار سوچ

بھیج کر احساں جتایا ربِ اکبر نے جِسے

اے مسلماں! اپنے اوپر نعمتِ غفار سوچ

لیلتہ الاسریٰ میں پہنچے قاب قوسين و دنا تک

پَل میں جانا، پَل میں آنا سُرعتِ رفتار سوچ

گنوا دیا ہے جسے تو نے سوچنے کے لیے

 گنوا دیا ہے جسے تُو نے سوچنے کے لیے

وہی گھڑی تھی مِرے یار! فیصلے کے لیے

کسی نے عشق کے آغاز میں کہا تھا میاں

تجھے ملا ہے یہی سانپ پالنے کے لیے

میں دن گزار کے دفتر سے لوٹ آیا ہوں

اداس شام کے منظر کو دیکھنے کے لیے

پہلے برائے وصل دریچے بنائے تھے

 پہلے برائے وصل دریچے بنائے تھے

پھر قصہ گو نے خود وہیں پہرے لگائے تھے

کچھ تتلیوں نے پھُول کی تسکین کے لیے

اک باغباں سے اپنے مراسم بڑھائے تھے

میں داستاں کا آخری حصہ ہوں، مجھ کو پڑھ

اور یہ سمجھ کہ کس لیے، طوفان آئے تھے

شہر کا شہر مری سوچ سے بڑھ کر نکلا

 شہر کا شہر مِری سوچ سے بڑھ کر نکلا

میں نے قطرہ جسے سمجھا تھا سمندر نکلا

پاؤں چھُونے سے ہی جو نیند میں ڈر جاتا تھا

آج اس شخص کے سامان سے خنجر نکلا

پھر کئی وحشی ہواؤں نے وہ تیور بدلے

شور کرتا ہوا سینے سے قلندر نکلا

اے میرے غم زمانے کو بتانے والی

 اک مسکراہٹ کی خاطر

اے میرے غم زمانے کو بتانے والی

لُٹا دی متاعِ زندگی تجھ پر

مگر پھر بھی تُو

میرے اور محبتوں کو

محض اک مذاق سمجھ کر

انجانے ڈگر پر چل پڑی ہے

جس کی راہ پہ خوشیوں کی خزاں کھڑی ہے

باوجود اس کے

میں تِرا رستہ دیکھتا ہوں

امید کے دھوپ سینکتا ہوں

کہ شاید کبھی

میرے عشق کے سورج کی تمازت

تیرے دل کو موم کر دے

اور میرے جذبوں کی صداقت تجھ پر عیاں ہو جائیں

اور ہم یکجاں ہو جائیں

رضوان عالم

کہیں سے روز ہی آتی ہے یہ صدا مجھ کو

 کہیں سے روز ہی آتی ہے یہ صدا مجھ کو

میں ایک سانس کی دوری پہ ہوں بُلا مجھ کو

میں اس وجود میں اس کو پسند آیا نہیں

خدائے کُن! یہ گزارش ہے، پھر بنا مجھ کو

میں زہر پی کے بھی زندہ رہوں گا صدیوں تک

پہ شرط یہ ہے کہ تُو ہاتھ سے پِلا مجھ کو

تھوڑی دیر وہ نین نرالے دیکھے تھے

 تھوڑی دیر وہ نین نرالے دیکھے تھے

پھر منظر میں صرف اُجالے دیکھے تھے

صبح ہوئی تو سارا شہر مقفّل تھا

ہم نے شب بھر خواب میں تالے دیکھے تھے

مجھ کو بلندی یوں بھی راس نہیں آئی

میں نے اس سے گِرنے والے دیکھے تھے

زمین بین کرے آسمان رونے لگے

 زمین بین کرے، آسمان رونے لگے

ہمارے واسطے سارا جہان رونے لگے

ہمارے لہجے نے ہر سمت قتلِ عام کِیا

ہماری باتوں پہ سب بے زبان رونے لگے

وہ رخصتی کے سمے چُپ نہ رہ سکی کہ کہیں

اُسے رُلاتے ہوئے خاندان رونے لگے