شہر کا شہر مِری سوچ سے بڑھ کر نکلا
میں نے قطرہ جسے سمجھا تھا سمندر نکلا
پاؤں چھُونے سے ہی جو نیند میں ڈر جاتا تھا
آج اس شخص کے سامان سے خنجر نکلا
پھر کئی وحشی ہواؤں نے وہ تیور بدلے
شور کرتا ہوا سینے سے قلندر نکلا
روکنے والے نے روکا، نہ کہیں جانے دیا
میں کہ جب بھی کسی بے نام سفر پر نکلا
مجھ پہ اک بار ہی دشمن نے کماں کھینچی تھی
پھر تو میں بارہا اپنے ہی ہدف پر نکلا
رضوان عالم
No comments:
Post a Comment