تو وہ چراغ جو ہمہ شب ضوفشاں رہے

 تُو وہ چراغ جو ہمہ شب ضو فشاں رہے

میں وہ دیا کہ شام سے جس میں دھواں رہے

اس واسطے کہ بچھڑیں بھی تو دوست ہی رہیں

کچھ فاصلہ بھی تیرے مِرے درمیاں رہے

میں ایسے اجنبی کی طرح ہوں جہان میں

جس سے کسی نے یہ بھی نہ پوچھا؛ کہاں رہے

ہر لمحہ انتظار کی کیفیتِ شدید

اپنے ہی گھر میں جیسے کوئی بے اماں رہے

کچھ زندگی بھی ہم سے بہت خوش گماں نہ تھی

کچھ ہم بھی زندگی سے سے ذرا بد گماں رہے

ہیں لوگ اپنے آپ سے کس درجہ مطمئن

آخر مجھی پہ عیب مِرے کیوں عیاں رہے

ذکا صدیقی