کبھی ساحل تو کبھی سیلِ خطر ٹھہرے گی
بحرِ ہستی میں اگر موجِ سفر ٹھہرے گی
ورطۂ شب سے نکل آئی اگر کشتئ صبح
ساحلِ نور پہ ٹھہرے گی اگر ٹھہرے گی
سینۂ حسن میں پوشیدہ ہے جو آگ ابھی
تیشۂ عشق سے گلرنگ سحر ٹھہرے گی
کشتئ جاں کو سلامت نہ اگر لے کے گئی
بے کلی دل کے سمندر کا بھنور ٹھہرے گی
ہم سرِ شام چراغوں میں تجھے دیکھیں گے
اب کسی گل پہ نہ تارے پہ نظر ٹھہرے گی
دل کی فریاد کو لازم ہے خموشی ہی غزل
ورنہ اس دہر میں یہ کارِ ہنر ٹھہرے گی
سارا غزل
No comments:
Post a Comment