ملا ہے جب سے پروانہ محمد کی گدائی کا

عارفانہ کلام نعتیہ کلام

ملا ہے جب سے پروانہ محمدﷺ کی گدائی کا

دو عالم اک علاقہ ہے مِری کشور کشائی کا

خدا کی بندگی کرتا ہوں میں انؐ کے وسیلے سے

درِ سرکارﷺ آئینہ ہے عرشِ کبریائی کا

مِری جانب سے اے موجِ صبا آقاؐ سے کہہ دینا

”کہ حسرت سنج ہوں عرضِ ستم ہائے جدائی کا“

پہلے زبان شوق سے حمد خدا کروں

عارفانہ کلام حمدیہ و نعتیہ کلام

پہلے زبانِ شوق سے حمدِ خدا کروں​

پھر ابتدائے مدحتِ خیر الوراﷺ کروں​

یارب مِرے سخن کو وہ حسنِ کمال دے​

فرضِ ثنا نماز کی صورت ادا کروں​

ہر گفتگو کا محور و مرکز حضورؐ ہیں​

آئے انہیںؐ کا ذکر، کوئی تذکرہ کروں

تم خوش جمال ہو تو ثبوت جمال دو​

 تم خوش جمال ہو تو ثبوتِ جمال دو​

میں تیرہ بخت ہوں مِری قسمت اجال دو​

ایسی خوشی نہ دو جو ہو باعثِ ملال ​

جو وجہِ سرخوشی ہو مجھے وہ ملال دو​

جس میں تمہارے حسن کے سب خدوخال ہوں ​

ایسا کوئی سخن، کوئی ایسا خیال دو​

بچا رہا ہے ترا غم ہزار غم سے مجھے

وہ سکھ ملے رہِ ہستی کے پیچ و خم سے مجھے

سلام آنے لگے منزلِ عدم سے مجھے

جہانِ عیش وطرب میں کہیں نہیں ملتی

وہ سرخوشی جو میسر ہے تیرے غم سے مجھے

شعورِ ذات، غمِ کائنات، لطفِ حیات

ہر آئینہ ہے میسر تِرے کرم سے مجھے

سیلاب ماہ و سال کی کوشش فضول ہے​

سیلابِ ماہ و سال کی کوشش فضول ہے​

رخسارِِ کائنات پہ صدیوں کی دھول ہے​

دامن جو کھینچتا ہے دمِ رخصتِ چمن​

گُلچیں! مِری نظر میں وہ کانٹا بھی پھول ہے​

ہر چیز کی حدود مقرر ہیں دہر میں ​

اک دشتِ آرزو ہے کہ بے عرض و طول ہے​

کہکشاں وقت کی پلکوں پہ اتر آئی ہے

کہکشاں وقت کی پلکوں پہ اتر آئی ہے ​

آسماں تک مِری آہوں کی پذیرائی ہے​

کیا تجلی ہے کہ ہر آنکھ میں در آئی ہے​

کیا تماشا ہے کہ ہر شخص تماشائی ہے​

بارہا سلسلہ کفارۂ جاں تک پہنچا​

بارہا تجھ سے نہ ملنے کی قسم کھائی ہے​

فلک نے سانس لینے کا بھی اس میں دم نہیں رکھا

فلک نے سانس لینے کا بھی اس میں دَم نہیں رکھّا

خوشی کے دور میں جس نے خیالِ غم نہیں رکھا

تمہارے شہر میں کوئی نہیں پُرسانِ حال اپنا

کسی نے زخمِ دل پر پیار کا مرہم نہیں رکھا

مِرے صبر و تحمل پر زمانہ رشک کرتا ہے

مصائب میں بھی، میں نے آنکھ کو پُرنم نہیں رکھا

بس ایک دو نفس کا ہے نادیدہ فاصلہ

بس ایک دو نفس کا ہے نادیدہ فاصلہ

دارِ فنا سے دور نہیں قریۂ بقا

راہِ وفا میں کوئی نہیں اپنا رہنما

کس کو سنائیں اپنے بھٹکنے کا ماجرا

آج اس گلی کا ایک درِیچہ نہیں کھلا

اے چشمِ دِلکشا تِری غیرت کو کیا ہوا

چہرہ وقت سے اٹھے گا نہ پردا کب تک

چہرۂ وقت سے اٹھے گا نہ پردا کب تک 

پسِ امروز رہے گا رخِ فردا کب تک

اُسکی آنکھوں میں نمی ہے مِرے ہونٹوں پہ ہنسی 

میرے اللہ! یہ نیرنگِ تماشا کب تک

یہ تغافل، یہ تجاہل، یہ ستم، یہ بیداد 

کب تک اے خانہ براندازِ تمنا کب تک

کریں گے نقد حسرت کا شمار آہستہ آہستہ​

کریں گے نقدِ حسرت کا شمار آہستہ آہستہ​
اتاریں گے تمنا کا ادھار آہستہ آہستہ​
یقیں میری وفا پر ان کو آتے آتے آئے گا​
چھٹے گا بے یقینی کا غبار آہستہ آہستہ​
ابھرتا ہے کوئی چہرہ طلوعِ مہر کی صورت​
بناتا ہے مصور شاہکار آہستہ آہستہ​

قیمت شناس دل سر بازار کون ہے​

قیمت شناسِ دل، سرِ بازار کون ہے​

اس جنسِ بے بہا کا خریدار کون ہے​

ہم نے روش روش پہ بکھیرا ہے خونِ دل​

ہم سے سوا بہار کا حق دار کون ہے​

ہم جانتے ہیں دوستو! آدابِ انجمن​

ہم سے زیادہ نقش بہ دیوار کون ہے​

دوستوں سے پیار دشمن سے حذر کرتے رہے

دوستوں سے پیار دشمن سے حذر کرتے رہے

حسبِ توفیق امتیازِ خیر و شر کرتے رہے

دل کی دھڑکن بند ہو جانے پہ یہ عقدہ کھلا

دل کی ہر خواہش پہ ہم صرفِ نظر کرتے رہے

تیری محفل میں اڑا لائی ہوائے شوقِ دید

لاکھ ہم عذرِ شکستِ بال و پر کرتے رہے

قصہ یاراں حدیث دیگراں لکھتے رہے​

قصۂ یاراں، حدیثِ دیگراں لکھتے رہے​

ہم جو لکھنا چاہتے تھے وہ کہاں لکھتے رہے​

دل کا ایک اک حرف ایک اک حرفِ جاں لکھتے رہے​

میری ساری زندگی کرّ و بیاں لکھتے رہے​

قربتوں کے سر قلم کرتے رہے اہلِ قلم​

فاصلے اک دوسرے کے درمیاں لکھتے رہے​