قیمت شناس دل سر بازار کون ہے​

قیمت شناسِ دل، سرِ بازار کون ہے​

اس جنسِ بے بہا کا خریدار کون ہے​

ہم نے روش روش پہ بکھیرا ہے خونِ دل​

ہم سے سوا بہار کا حق دار کون ہے​

ہم جانتے ہیں دوستو! آدابِ انجمن​

ہم سے زیادہ نقش بہ دیوار کون ہے​

ہم کو چمن کی فکر، تمہیں فکرِ آشیاں​

تم ہی کہو کہ بندۂ ایثار کون ہے​

اے صبحِ تابدار! تیری روشنی بخیر​

ہم کشتگانِ شب کا عزادار کون ہے​

اک عمر سے رواں ہے امیدوں کا قافلہ​

کھلتا نہیں کہ قافلہ سالار کون ہے​

اے چشمِ اشکبار! تِرے آنسوؤں کی خیر​

تیرے سوا ایازؔ کا غمخوار کون ہے​

​

ایاز صدیقی​