آپ کا زرتار دامن کاروانِ رنگ ہے
لہریا آنچل غبارِ کہکشانِ رنگ ہے
پاؤں پر نقشِ حنا، ماتھے پہ ٹیکا صندلی
یہ زمینِ رنگ ہے، وہ آسمانِ رنگ ہے
نیلوفر نیلم ہے گویا موتیا الماس ہے
کیا تماشا ہے کہ نغموں پر ہے دھوکا نور کا
کیا تماشا ہے کہ نکہت پر گمانِ رنگ ہے
داستانِ رنگ ہے صحنِ چمن میں کشتِ گُل
بلبلوں کا شور شرح داستانِ رنگ ہے
اور کیا ہے رنگ و نغمہ کے سوا عابدؔ کے پاس
رازدانِ نغمہ ہے، افسانہ خوانِ رنگ ہے
عابد علی عابد
No comments:
Post a Comment