دلوں میں درد سا اٹھا لیا جو نام حسین

عارفانہ کلام حمد نعت منقبت سلام

دلوں میں درد سا اٹھا، لیا جو نامِ حسینؑ

مثالِ برق تڑپنے لگے غلامِ حسینؑ

لبِ فُرات جو پیاسے رہے امامِ حسینؑ

خدا نے بھر دیا آبِ بقاء سے جامِ حسینؑ

رضا و صبر میں ان کا جواب کیا ہو گا

کہ جب بھی تیر لگا، ہنس دئیے امامِ حسینؑ

وہ کون ہے جو تمہارا سراغ پا نہ سکا

 وہ کون ہے جو تمہارا سُراغ پا نہ سکا

کہ میں تو اپنے ہی صحرا کے پار جا نہ سکا

وہ اپنا معنوی چہرہ مجھے دِکھا نہ سکا

اس آئینے سے کوئی بھی نظر ملا نہ سکا

یہ ٹھنڈی آگ جُدا ہے بدن کے شعلے سے

بدن کا شعلہ مِری رُوح کو جلا نہ سکا

سبھی نے عید منائی مرے گلستاں میں

احباب کو عید مبارک

جشن عید

سبھی نے عید منائی مِرے گلستاں میں

کسی نے پھول پِروئے کسی نے خار چُنے

بنامِ اذنِ تکلم،۔ بنامِ جبرِ سکوت

کسی نے ہونٹ چبائے کسی نے گیت بُنے

بڑے غضب کا گلستاں میں جشنِ عید ہوا

کہیں تو بجلیاں کوندیں، کہیں چنار جلے

دشت و صحرا اگر بسائے ہیں

 دشت و صحرا اگر بسائے ہیں

ہم گلستاں میں کب سمائے ہیں

آپ نغموں کے منتظر ہوں گے

ہم تو فریاد لے کے آئے ہیں

ایک اپنا دِیا جلانے کو

تم نے لاکھوں دِیے بجھائے ہیں

موج غم اس لیے شاید نہیں گزری سر سے

 موج غم اس لیے شاید نہیں گزری سر سے

میں جو ڈوبا تو نہ ابھروں گا کبھی ساگر سے

اور دنیا سے بھلائی کا صلہ کیا ملتا

آئینہ میں نے دکھایا تھا کہ پتھر برسے

کتنی گم سم مِرے آنگن سے صبا گزری ہے

اک شرر بھی نہ اڑا روح کی خاکستر سے

دل میں لرزاں ہے ترا شعلۂ رخسار اب تک

 دل میں لرزاں ہے تِرا شعلۂ رخسار اب تک

میری منزل میں نہیں رات کے آثار اب تک

پھول مُرجھا گئے، گُلدان بھی گِر کر ٹُوٹا

کیسی خوشبو میں بسے ہیں در و دیوار اب تک

حسرتِ دادِ نہاں ہے مِرے دل میں شاید

یاد آتی ہے مجھے قامتِ دلدار اب تک

عشق کے غمگسار ہیں ہم لوگ

 عشق کے غمگسار ہیں ہم لوگ

حسن کے رازدار ہیں ہم لوگ

دست قدرت کو ناز ہے ہم پر

وقت کے شاہکار ہیں ہم لوگ

ہم سے قائم ہے گلستاں کا بھرم

آبروئے بہار ہیں ہم لوگ

کوئی دیکھے تو سہی یار طرحدار کا شہر

 کوئی دیکھے تو سہی یار طرحدار کا شہر

میری آنکھوں میں سجا ہے لب و رخسار کا شہر

دشتِ احساس میں شعلہ سا کوئی لپکا تھا

اسی بنیاد پہ تعمیر ہوا پیار کا شہر

اس کی ہر بات میں ہوتا ہے کسی بھید کا رنگ

وہ طلسمات کا پیکر ہے کہ اسرار کا شہر

سرو سمن کی شوخ قطاروں کے سائے میں

 سرو سمن کی شوخ قطاروں کے سائے میں

مُرجھا رہے ہیں پھول بہاروں کے سائے میں

چھوٹی سی اِک خلوص کی دنیا بسائیں گے

آبادیوں سے دور چناروں کے سائے میں

تاریکیوں میں اور سیاہی نہ گھولیے

زلفیں بکھیریے نہ ستاروں کے سائے میں

جاتی ہے دھوپ اجلے پروں کو سمیٹ کے

 جاتی ہے دھوپ اجلے پروں کو سمیٹ کے

زخموں کو اب گنوں گا میں بستر پہ لیٹ کے

میں ہاتھ کی لکیریں مٹانے پہ ہوں بضد

گو جانتا ہوں نقش نہیں یہ سلیٹ کے

دنیا کو کچھ خبر نہیں کیا حادثہ ہوا

پھینکا تھا اس نے سنگ گلوں میں لپیٹ کے

بدقسمتی کو یہ بھی گوارا نہ ہو سکا

بد قسمتی کو یہ بھی گوارا نہ ہو سکا

ہم جس پہ مر مٹے وہ ہمارا نہ ہو سکا

رہ تو گئی فریبِ مسیحا کی آبرو

ہر چند غم کے ماروں کا چارہ نہ ہو سکا

خوش ہوں کہ بات شورشِ طوفاں کی رہ گئی

اچھا ہوا نصیب کنارا نہ ہو سکا

ہر ایک بات ہے منت کش زباں لوگو

ہر ایک بات ہے منت کشِ زباں لوگو

نہیں ہے کوئی بھی اپنا مزاج داں لوگو

کچھ اس طرح وہ حقائق کو سن کے چونک اٹھے

بکھر گئیں سرِ محفل پہیلیاں لوگو

مِرے لبوں سے کوئی بات بھی نہیں نکلی

مگر تراش لیں تم نے کہانیاں لوگو

آئینۂ جذبات نہاں ہیں تری آنکھیں

آئینۂ جذباتِ نہاں ہیں تِری آنکھیں

اک کارگہِ شیشہ گراں ہیں تری آنکھیں

سر چشمۂ افکار جواں ہیں تری آنکھیں

تابندہ خیالات کی جاں ہیں تری آنکھیں

اندازِ خموشی میں ہے گفتار کا پہلو

گویا نہ سہی، چپ بھی کہاں ہیں تری آنکھیں

اس خاکداں میں اب تک باقی ہیں کچھ شرر سے

اس خاکداں میں اب تک باقی ہیں کچھ شرر سے

دامن بچا کے گزرو یادوں کی رہگزر سے

ہر ہر قدم پہ آنکھیں تھیں فرشِ راہ لیکن

وہ روشنی کا ہالا اترا نہ بام پر سے

کیوں جادۂ وفا پر مشعل بکف کھڑے ہو

اس سیلِ تیرگی میں نکلے گا کون گھر سے

میں روشنی کا مغنی کرن کرن کا سفیر

سفیر

میں روشنی کا مغنی کرن کرن کا سفیر

وہ سیلِ مہ سے کہ رودِ شرار سے آئے

وہ جامِ مے سے کہ چشمِ نگار سے آئے

وہ موجِ باد سے یا آبشار سے آئے

وہ دستِ گل سے کہ پائے فگار سے آئے

وہ لوحِ جاں سے کہ طاقِ مزار سے آئے

تمہیں بھی علم ہو اہل وفا پہ کیا گزری

تمہیں بھی علم ہو اہلِ وفا پہ کیا گزری

تم اپنے خونِ جگر سے کبھی وضو تو کرو

نہیں ہے ریشم و کمخواب کی قبا نہ سہی

ہمارے دامنِ صد چاک کو رفو تو کرو

نگارِ صبحِ گریزاں کی تابشوں کو کبھی

ہمارے خانۂ ظلمت کے رو برو تو کرو

ایک انساں کی حقیقت کیا ہے

انفرادیت پرست

ایک انساں کی حقیقت کیا ہے

زندگی سے اسے نسبت کیا ہے

آندھی اٹھے تو اڑا لے جائے

موج بپھرے تو بہا لے جائے

ایک انساں کی حقیقت کیا ہے

ڈگمگائے تو سہارا نہ ملے

دیکھتی رہ گئی محراب حرم

دیکھتی رہ گئی محرابِ حرم

ہائے انسان کی انگڑائی کا خم

جب بھی اوہام مقابل آئے

مثلِ شمشیر چلی نوکِ قلم

پرِ پرواز پہ یہ راز کھلا

پستیوں سے تھا بلندی کا بھرم

حضور آپ مرے مائی باپ ان داتا

’عید کی بھیک‘

حضور، آپ مِرے مائی باپ، ان داتا

حضور، عید کا دن روز تو نہیں آتا

حضور، آج تو نذرِ علیؑ، نیازِ رسولؐ

حضور، آپ کے گھر میں ہو رحمتوں کا نزول

حضور، آج ملے جان و مال کی خیرات

حضور، آپ کے اہل و عیال کی خیرات

پاؤ گے دل کا زہر لبوں کی مٹھاس میں

میں شاخ سے اڑا تھا ستاروں کی آس میں

مُرجھا کے آ گِرا ہوں مگر سرد گھاس میں

سوچو تو سلوٹوں سے بھری ہے تمام روح

دیکھو تو اک شکن بھی نہیں ہے لباس میں

صحرا کی بود و باش ہے اچھی نہ کیوں لگے

سوکھی ہوئی گلاب کی ٹہنی گلاس میں