دل میں کھلا ہوا جو گلستان نعت ہے

 عارفانہ کلام حمد نعت منقبت

دل میں کِھلا ہوا جو گُلستانِ نعت ہے

لفظوں پہ دم بہ دم مِرے بارانِ نعت ہے

لب پہ درود، عشقِ نبیؐ دل میں موجزن

آ دیکھ میرے پاس بھی سامانِ نعت ہے

ہم سے بیاں نہ ہو سکے گی جانتے ہیں آپ

جا کے خُدا سے پوچھیے کیا شانِ نعت ہے

پرانا دوست تھا دستک نئی تھی

 پرانا دوست تھا دستک نئی تھی

مِری دہلیز پر خوشبو رکھی تھی

کوئی تو بات اس کی مان لیتی

محبت عمر میں مجھ سے بڑی تھی

مِری آنکھوں پہ اس کا ہاتھ تھا اور

ہتھیلی پر سمندر کی نمی تھی

سردار کائنات ہی سلطان نعت ہے

 عارفانہ کلام حمد نعت منقبت

سردارِ کائناتﷺ ہی سلطانِ نعت ہے

پڑھ لو درودِ عشق یہی جانِ نعت ہے

بادل کا ٹکڑا سایہ کرے مجھ پہ بھی حضورؐ

پھر میں بھی کہہ سکوں گی یہ فیضانِ نعت ہے

کیا حقِ بندگی ہو ادا ان حروف سے

محبوب کی ثنا میں تو قرآنِ نعت ہے

سبز ہے نور بھی حصار بھی سبز

 عارفانہ کلام نعتیہ کلام

سبز ہے نور بھی حِصار بھی سبز

آپﷺ کے شہر کا غبار بھی سبز

معجزہ ہے یہ آپﷺ کی ضَو کا 

ہو گیا سارا ریگزار بھی سبز

شوقِ دیدارﷺ میں مہکتے ہوئے

پھول تو پھول، سارے خار بھی سبز

رہنا تھا مجھ کو تیری نظر کے کمال میں

 رہنا تھا مجھ کو تیری نظر کے کمال میں

لیکن میں دن گزار رہی ہوں زوال میں

گھیرا ہے اس طرح مجھے وحشت کے جال نے

سب خواب میرے ڈوب گئے اس ملال میں

مجھ سے نظر چُرا کے گزرنے لگی ہوا

آنے لگی جو ہجر کی خوشبو وصال میں

کوئی وظیفہ مجھے بھی بتا مرے درویش

 کوئی وظیفہ مجھے بھی بتا، مِرے درویش 

تجھے ہوئی ہے فقیری عطا، مرے درویش 

میں دل سے کہہ رہی تھی؛ باز آ محبت سے

وہ ہاتھ جوڑے ہوئے رو پڑا، مرے درویش 

مِری خطا تو بس اتنی ہے اس تعلق میں

یہی کہ ہونی کو ہونے دیا، مرے درویش 

یہ مرے عشق کا دائرہ صاحبا

 یہ مِرے عشق کا دائرہ صاحبا

ہے تِرے گرد ہی گھومتا صاحبا

تیری آواز سے یوں ہری ہو گئی

جیسے مجھ میں ہو  سورج اُگا، صاحبا

اپنا ہونا مجھے راس آیا نہیں

پھر مجھے تیرا ہونا پڑا، صاحبا

دل بصیرت راز ہے

 دل بصیرت، راز ہے

یہ حقیقت راز ہے

وہ ضروری تھا مگر

رب کی حکمت راز ہے

قیمتی پتھر ہے وہ

اس کی قیمت راز ہے

غم رسیدہ روح کی زنجیر گر تم توڑ بھی ڈالو

 اے طلب زاد

غم رسیدہ روح کی زنجیر

گر تم توڑ بھی ڈالو

مِری چُپ کے قُفل

گر کھول بھی ڈالو

تو آنکھوں کی نمی جو

میری سانسوں میں جمی ہے

تیری راہ میں رکھ کر اپنی شام کی آہٹ

تیری راہ میں رکھ کر اپنی شام کی آہٹ

دم بخود سی بیٹھی ہے میرے بام کی آہٹ

کیوں ٹھہر گئی دل میں اس قیام کی آہٹ

کیوں گزر نہیں جاتی اس مقام کی آہٹ

ہاتھ کی لکیروں سے کس طرح نکالوں میں

تیری یاد کے موسم تیرے نام کی آہٹ

ایسی سر تال تان بیٹھے ہیں

 ایسی سُر تال، تان بیٹھے ہیں

چھوڑ کر آن بان بیٹھے ہیں

میری آنکھوں میں دیکھ میرے فقیر

تیرے مجذوب دھیان بیٹھے ہیں

اے مِرے سبز لہجے والے سُن

دل میں تیرے نشان بیٹھے ہیں

پہلے ست رنگ خواب بنتا ہے

 پہلے ست رنگ خواب بنتا ہے

عشق پھر اضطراب بنتا ہے

تُو مِرا وقت کھا گیا سارا

میرا تجھ سے حساب بنتا ہے

سچ بتا اس مقام پر مجھ سے

کیا تِرا اجتناب بنتا ہے؟

وہ بچھڑ کر نڈھال تھا ہی نہیں

 وہ بچھڑ کر نڈھال تھا ہی نہیں

یعنی اس کو ملال تھا ہی نہیں

سرمئی ہجر کو ہرا کرتا

اس میں ایسا کمال تھا ہی نہیں

میرے تو پاؤں پڑ گیا اک دن

جس سفر میں وصال تھا ہی نہیں

ضبط ہونٹوں پہ آ گیا تو پھر

ضبط ہونٹوں پہ آ گیا تو پھر

تیرا سب حوصلہ گیا تو پھر

سالہا سال 📅 کا اکیلا پن

تجھ کو اندر سے کھا گیا تو پھر

ہر طرف یہ سفید سونا پن

منظروں کو جلا گیا تو پھر

ہوئی ہیں گویا گلاب آنکھیں

ہوئی ہیں گویا گلاب🌹 آنکھیں

ہیں مانگیں مجھ سے حساب آنکھیں

ہیں دھانی جذبوں کی تانے چادر

بسی ہیں مجھ میں جو خواب آنکھیں

روانئ بحر بھول جاؤ

جو دیکھ لو یہ چناب آنکھیں

دھیمے رنگوں کی دھوپ جیسی ہے

دھیمے رنگوں کی، دھوپ جیسی ہے

وہ ہنسی، کچی دھوپ جیسی ہے

رنگ آنکھوں کے ہو گئے گہرے

شام بھی، پکی دھوپ جیسی ہے

میں فقط، عکسِ آبِ آئینہ ہوں

یعنی، چمکیلی دھوپ جیسی ہے

کیا امید آس ٹوٹنے تک تھی

کیا امید، آس ٹوٹنے تک تھی

کیا مِری ہار ماننے تک تھی

کیا تِرا ہجر، ہجر ہی رہے گا

کیا تِری خوشبو سوچنے تک تھی

کیا مِری چپ سمجھ نہیں پائے

کیا ہر اک بات بولنے تک تھی

پہلے تو اس نے خود میں کیا مبتلا مجھے

پہلے تو اس نے خود میں کیا مبتلا مجھے

مجھ سے ہی رفتہ رفتہ کیا پھر جدا مجھے

آنکھوں میں رکھ رکھاؤ تو پہلے سا تھا مگر

لہجے کی سلوٹوں سے لگا دوسرا مجھے

جب تک انا تھی مجھ میں محبت نہیں ہوئی

خود کو فنا کیا تو ملا راستہ مجھے

جالے بنتی ہوئی مکڑی نہیں دیکھی جاتی

جالے بُنتی ہوئی مکڑی نہیں دیکھی جاتی

ماں، ترے گھر کی اداسی نہیں دیکھی جاتی

تجھ سلیقے سے ہر اک کونہ چمک اٹھتا تھا

صحن میں اب جمی کائی نہیں دیکھی جاتی

کس طرح تجھ کو بتاؤں، ترے ہونے کی کمی

گھر کے ہر طاق میں بیٹھی نہیں دیکھی جاتی

پچھلی رت کے شوخ زمانے یاد آئے

پچھلی رت کے شوخ زمانے یاد آئے

دل میں چبھتے خار سہانے یاد آئے

آج پھر ہم کو تیرا ملنا یاد آیا

آج پھر کیا کیا نہ فسانے یاد آئے

شوخ ہوا کے آنچل میں تھم تھم کر

شام سے ہی درد پرانے یاد آئے