رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
تمہیں بتاؤ، وہ کون ہے جو ہر ایک لمحہ ستا رہا ہے؟
نہ نیند راتوں کو آ رہی ہے نہ چین دن کو ہی آ رہا ہے
یہ اشک دامن بھگو رہے ہیں یہ آنکھیں سُوجی ہوئی ہیں میری
میں ایک جلوے کی اس کے طالب مگر وہ پردے گرا رہا ہے
طوافِ کعبہ کو دیکھ تو لے، تڑپ رہا ہے وجود میرا
نہ پاؤں اب میرے اٹھ رہے ہیں نہ سامنے گھر وہ آ رہا ہے
بیاباں ہو کہ صحرا ہو مجھے تیرا سہارا ہو
تُو ہی خورشید ہو میرا تُو ہی میرا ستارا ہو
بلندی ہو کہ پستی ہو کہیں بیٹھوں کہیں جاؤں
وہیں پر میرا کعبہ ہو،۔ وہیں تیرا نظارا ہو
نہ یہ دنیا نہ وہ عقبیٰ مِری تو اک تمنا ہے
رہوں قدموں تلے تیرے تُو ہی میرا کنارہ ہو
دل کی حالت بگڑ رہی ہے کیوں
ہر نفس مجھ کو بے کلی ہے کیوں
دل لگاتا ہے بس صدا تیری
بے قراری یہ بڑھ رہی ہے کیوں
اس کے کوچے میں عمر گزری پھر
کوچۂ یار اجنبی ہے کیوں
دامن بھی چاک اور گریباں بھی تار تار
دل ٹکڑے ہو کے دیکھیۓ روتا ہے زار زار
کاندھے بھی جھک گئے ہیں گناہوں کے بوجھ سے
لرزاں ہوں ہر قدم پہ میں گرتی ہوں بار بار
ایماں کو کر قوی مِرے قربت بھی اپنی دے
مجھ کو پناہ دے تِری رحمت کے میں نثار
عارفانہ کلام نعتیہ کلام
کتنے نایاب تھے لمحے جو وہاں پر گزرے
جب اٹھے ہاتھ دعاؤں کو تو گوہر برسے
تک رہے تھے تِرے گھر کو وہ سماں بھی کیا تھا
تو گزرتا ہے ہوا آئی تو ہم یہ سمجھے
کتنی ہی بار کیا ہم نے تو زمزم سے وضو
کتنی ہی بار تِری یاد میں آنسو چھلکے
