خاموشی غار حرا دل میرا

 عارفانہ کلام حمد نعت منقبت

خاموشی غار حِرا دل میرا

تیرے قدموں کی صدا دل میرا

گُنبد سبز پہ تاروں کا ہجوم 

اور سرِ بابِ دُعا دل میرا

صُبح کے ساتھ جُھکی شاخِ گُلاب

شاخ کے ساتھ جُھکا دل میرا

وہی پلکوں کا جھپکنا وہی جادو تیرے

 وہی پلکوں کا جھپکنا، وہی جادو تیرے

سارے انداز چرا لائی ہے خوشبو تیرے

تجھ سے میں جسم چراتا تھا، مگر علم نہ تھا

میرے سائے سے لپٹ جائیں گے بازو تیرے

تیری آنکھوں میں پگھلتی رہی صورت میری

میری تصور پہ گرتے رہے آنسو تیرے

تیرے سائے میں چھپا کر تجھے لے جاؤں گا

 تیرے سائے میں چھپا کر تجھے لے جاؤں گا

تُو دیا ہے، میں جلا کر تجھے لے جاؤں گا

سارے رستوں پہ بٹھا رکھے ہیں پہرے تُو نے

کسے رستے سے بھی آ کر تجھے لے جاؤں گا

اس سے پہلے کہ یہ بارش، یہ ہوا رک جائے

اپنی چھتری میں بلا کر تجھے لے جاؤں گا

دل سے دنیا نکال دی میں نے

 دل سے دنیا نکال دی میں نے

آگ کاسے میں ڈال دی میں نے

پیاس چھلکی تھی میری چھاگل سے

آسماں تک اچھال دی میں نے

نقشِ پا ہیں میرے ستاروں پر

وقت کو اپنی چال دی میں نے

یہ تیرے مرے ہاتھ

 یہ تیرے مِرے ہاتھ

خوشبو سے بندھے ہاتھ

کچھ بھی نہ کہا اس نے

اور چُوم لیے ہاتھ

وہ چھت سے دِکھاتی ہے

مہندی سے رنگے ہاتھ

دیا جلایا تن سے دھول اتاری ہے

 دِیا جلایا تن سے دھول اتاری ہے

یہ سب تجھ سے ملنے کی تیاری ہے

گزر رے ہیں لہو کی دھار سے رات اور دن

رات اور دن کے پیچھے اپنی باری ہے

ہم دونوں کے خواب کہاں مل سکتے تھے

تم نے رات اور ہم نے عمر گزاری ہے

پہلے انکار بہت کرتا ہے

پہلے انکار بہت کرتا ہے

بعد میں پیار بہت کرتا ہے

چوم کر جلتی ہوئی پیشانی

وہ، گنہ گار بہت کرتا ہے

مان لیتا ہے وہ ساری باتیں

پھر بھی تکرار بہت کرتا ہے

خاک اگاتی ہیں صورتیں کیا کیا

خاک اگاتی ہیں صورتیں کیا کیا

آئینوں میں ہیں صورتیں کیا کیا

عمر کے بے ثبات صفحوں پر

لکھ رہا ہوں عبارتیں کیا کیا

کھلتے جاتے ہیں بابِ حرف و صدا

ہو رہی ہیں زیارتیں کیا کیا

آدمی ہوں مٹی کا

آدمی ہوں مٹی کا

ذائقہ ہوں پانی کا

بے صدا مسافر ہوں

بے چراغ بستی کا

اور میرے کاندھے پر

بوجھ خالی گٹھڑی کا

فرصت خواب خواب سے کم ہے

فرصتِ خواب خواب سے کم ہے

پیاس ہے اور شراب سے کم ہے

جتنی مجھ سے تمہیں محبت ہے

زندگی، اس حساب سے کم ہے

ایک صورت کہ جو حجاب میں تھی

آئینے میں حجاب سے کم ہے

کیسا تارا ٹوٹا مجھ میں

کیسا تارا ٹوٹا مجھ میں 

جھانک رہی ہے دنیا مجھ میں 

کوئی پرانا شہر ہے جس کا 

کھلتا ہے دروازہ مجھ میں

دیا جلا کے چھوڑ گیا ہے 

کوئی اپنا سایا مجھ میں 

آج دریچے میں وہ آنا بھول گیا

آج دریچے میں وہ آنا بھول گیا

میں بھی اپنا دِیا جلانا بھول گیا

آج مجھے بھی اس کی یاد نہیں آئی

وہ بھی میرے خواب میں آنا بھول گیا

بیلیں دیواروں سے لپٹنا بھول گئیں

موسم بھی اپنا پھول کھلانا بھول گیا

شام رخصت کہ ترستی ہی چلی جاتی ہے

شامِ رخصت کہ ترستی ہی چلی جاتی ہے

وہ مجھے بانہوں میں کستی ہی چلی جاتی ہے

چومتا جاتا ہوں میں پھولوں بھری ڈالی کو

اور خوشبو مجھے ڈستی ہی چلی جاتی ہے 

دور تک پھول برستے ہی چلے جاتے ہیں 

جب وہ ہنستی ہے تو ہنستی ہی چلی جاتی ہے

دیا جلایا تن سے دھول اتاری ہے

دیا جلایا، تن سے دھول اتاری ہے

یہ سب تم سے ملنے کی تیاری ہے

گزر رہے ہیں لہو کی دھار سے رات اور دن

رات اور دن کے پیچھے اپنی باری ہے 

ہم دونوں کے خواب کہاں مل سکتے ہیں

تم نے رات اور میں نے عمر گزاری ہے

مٹی سے کچھ خواب اگانے آیا ہوں

مٹی سے کچھ خواب اگانے آیا ہوں

میں دھرتی کا گیت سنانے آیا ہوں

تُو نے دریاؤں میں دِیئے بہائے ہیں

میں بھی اپنے ہونٹ جلانے آیا ہوں

تجھ سے میرا رشتہ بہت پرانا ہے

میں دنیا میں تیرے بہانے آیا ہوں

دعا کا پھول پڑا رہ گیا ہے تھالی میں

دعا کا پھول پڑا رہ گیا ہے تھالی میں

ہوا اسے بھی اڑا دے نہ بے خیالی میں

وہ مجھ کو مانگ رہا ہے مجھے مِری خاطر

میں خود کو ڈال نہ دوں کاسۂ سوالی میں

بس ایک موجۂ بادِ بہار گزری تھی

پِرو گئی ہے مِرا جسم ڈالی ڈالی میں