رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
تمہارے جنم دن پر
وقت کا پہیہ الٹی سمت میں گھومنے لگا ہے
میں شدید متجسس شاید کسی منظر کی تلاش میں ہوں
میں دیکھ رہا ہوں انسان کی تخلیق کا منظر
میں دیکھ رہا ہوں؛
فرشتوں کو اک دُوجے کے کانوں میں سرگوشیاں کرتے ہوئے
یوں لگتا ہے یہ سب اس تخلیق سے خوش نہیں ہیں
بنی رہی ہے مصیبت مِری انا بڑی دیر
گلے لگا کے تجھے رو نہیں سکا بڑی دیر
ہوس نہ پوری ہوئی جب کہیں تو علم ہوا
تِرے بدن کا رہا مجھ کو آسرا بڑی دیر
میں آج خود سے مِلا اور بہت سی باتیں کیں
تمہارا ذکر کِیا، رویا، پھر ہنسا بڑی دیر
مجھے شاعری سکھاؤ گے؟
تم اچھے شاعر ہو
تمہارے شعروں میں مجھے اپنے لیے محبت نظر آتی ہے
میں چاہتی ہوں میں بھی شعر کہوں اور تم پڑھو اور مسکراؤ
بالکل ایسے ہی جیسے میں تمہارے شعر پڑھ کے مسکراتی ہوں
لیکن مجھے نہیں پتہ شعر کیسے لکھے جاتے ہیں
دشت کی تشنگی بڑھاتا ہوں
میں اداسی کے کام آتا ہوں
تُو مجھے عشق کی سہولت دے
میں تِرا ضبط آزماتا ہوں
قید کرتا ہوں حسرتیں دل میں
پھر انہیں خودکشی سکھاتا ہوں
میں اپنے حصے کا رو چکا ہوں
تمہیں پتہ ہے؟
تمہارے پیچھے تمام شب جاگنا مِرا مشغلہ رہا ہے
یہ میری آنکھوں کے گرد گہرے سیاہ ہلکے
یہ زرد رنگت اداس آنکھیں
بدن کو دیکھو نحیف جیسے
آنکھ جھکتی ہے نہ وہ رنگِ حیا جاتا ہے
یار وہ شخص بڑے زخم لگا جاتا ہے
میں وہ پتھر ہوں کہ وحشت میں اٹھا کر جس کو
بے سبب یوں ہی کہیں پھینک دیا جاتا ہے
زندگی جیسے کوئی تیز ہوا کا جھونکا
یونہی آتا ہے ذرا خاک اُڑا جاتا ہے
یہی کارن جدائی کا بنا تھا
مجھے وہ وقت سے پہلے ملا تھا
اسی نے زخم بھی اتنے دئیے تھے
جسے میں جس قدر اچھا لگا تھا
اداسی میرے پیچھے پڑ گئی تھی
مِرا دل تھا یا کوئی غم سرا تھا
اب ہے سپاہِ عشق کا مجھ پر حصار تنگ
پڑتی دکھائی دیتی ہے راہِ فرار تنگ
اک بے کلی ہے ہونے نا ہونے کے درمیاں
بڑھنے لگا یقیں، تو ہوا اعتبار تنگ
اس وسعتِ خیال کی دولت کو کیا کروں
سوچیں وسیع تر ہیں، مگر اختیار تنگ
