خدا کی بزم جہاں پر ہے یہ عنایت خاص

 عارفانہ کلام حمد نعت منقبت

خدا کی بزمِ جہاں پر ہے یہ عنایتِ خاص

کہ دے کے آپؐ کو بھیجا گیا ہدایتِ خاص

خدا اور اس کے فرشتے درود بھیجتے ہیں

نگاہِ شوق میں آیت یہی ہے آیتِ خاص

بجز زیارتِ روئے رسولﷺ جنت سے

غرض ہی خاص ہمیں ہے کوئی نہ غایتِ خاص

ہر نئی شام سہانی تو نہیں ہوتی ہے

ہر نئی شام سہانی تو نہیں ہوتی ہے

اور ہر عمر جوانی تو نہیں ہوتی ہے

تم نے احسان کیا تھا سو جتایا تم نے

جو محبت ہو جتانی تو نہیں ہوتی ہے

دوستو! سچ کہو کب دل کو قرار آئے گا

ہر گھڑی آس بندھانی تو نہیں ہوتی ہے

کسی کی قید سے آزاد ہو کے رہ گئے ہیں

کسی کی قید سے آزاد ہو کے رہ گئے ہیں

تباہ ہو گئے برباد ہو کے رہ گئے ہیں

اب اور کیا ہو تمنائے وصل کا انجام

دل و دماغ تِری یاد ہو کے رہ گئے ہیں

کہیں تو قصۂ احوال مختصر یہ ہے

ہم اپنے عشق کی روداد ہو کے رہ گئے ہیں

یہ خطہ آراستہ یہ شہر جہاں تاب

یہ خطۂ آراستہ، یہ شہرِ جہاں تاب

آ جائے گا ایک روز یہ ساحل بھی تہہِ آب

تصویرِ عمل، ذوقِ سفر، شوقِ فنا دیکھ

اک موج کہ ساحل کی طلب میں ہوئی سیماب

شاید یہ کوئی ریزۂ دل ہے کہ سرِ چشم

مانندِ مہ وہ مہر چمکتا ہے تہِ آب

ہم اپنے آپ میں رہتے ہیں دم میں دم جیسے

ہم اپنے آپ میں رہتے ہیں دم میں دم جیسے 

ہمارے ساتھ ہوں دو چار بھی جو ہم جیسے   

کسے دماغ جنوں کی مزاج پرسی کا 

سنے گا کون گزرتی ہے شامِ غم جیسے   

بھلا ہُوا کہ تِرا نقش پا نظر آیا 

خرد کو راستہ سمجھے ہوئے تھے ہم جیسے

دیوار یاد آ گئی در یاد آ گیا

دیوار یاد آ گئی، در یاد آ گیا

دو گام ہی چلے تھے کہ گھر یاد آ گیا

کچھ کہنا چاہتے تھے کہ خاموش ہو گئے

دستار یاد آ گئی، سر یاد آ گیا

دنیا کی بے رخی کا گلہ کر رہے تھے لوگ

ہم کو تِرا تپاک مگر یاد آ گیا

اور تو خیر کیا رہ گیا

اور تو خیر کیا رہ گیا

ہاں مگر اک خلا رہ گیا

غم سبھی دل سے رخصت ہوئے

درد بے انتہا رہ گیا

زخم سب مندمل ہوگئے

اک دریچہ کھلا رہ گیا

بجھ گیا رات وہ ستارا بھی

بجھ گیا رات وہ ستارا بھی 

حال اچھا نہیں ہمارا بھی 

یہ جو ہم کھوئے کھوئے رہتے ہیں 

اس میں کچھ دخل ہے تمہارا بھی

ڈوبنا ذات کے سمندر میں

ہے یہ طوفان بھی کنارا بھی

وہ خوش انداز و خوش اطوار کہیں ملتے ہیں

وہ خوش انداز و خوش اطوار کہیں ملتے ہیں
زندگی! تیرے پرستار کہیں ملتے ہیں
جیسے اک موڑ پہ ملتے ہیں کہیں شام و سحر
اس طرح بھی دل و دلدار کہیں ملتے ہیں

جو سماعت کو کریں قلب و نظر سے آمیز
اس کہانی میں وہ کردار کہیں ملتے ہیں

گھوم پھر کر اسی کوچے کی طرف آئیں گے

گھوم پھر کر اسی کوچے کی طرف آئیں گے
دل سے نکلے بھی تو ہم لوگ کہاں جائیں گے
کبھی فرصت سے ملو تو تمہیں تفصیل کے ساتھ
امتیازِ ہوس و عشق بھی سمجھائیں گے
ہم کو معلوم تھا یہ وقت بھی آ جائے گا
ہاں مگر یہ نہیں سوچا تھا کہ پچھتائیں گے

ہمارے حال پہ وہ شادماں نظر آیا

ہمارے حال پہ وہ شادماں نظر آیا
ہمیں بھی اس سے زیادہ کہاں نظر آیا
رہی سہی وہ تب و تاب پیرہن بھی گئی
کہ آئینے کے مقابل دھواں نظر آیا

میں جی رہا تھا شب و روز کے تسلسل میں
وہ ماہتاب مجھے ناگہاں نظر آیا

میں وہ درخت ہوں کھاتا ہے جو بھی پھل میرے

میں وہ درخت ہوں کھاتا ہے جو بھی پھل میرے
ضرور مجھ سے یہ کہتا ہے ساتھ چل میرے
یہ کائنات تصرف میں تھی رہے جب تک
نظر بلند مری،۔۔ فیصلے اٹل میرے

مجھے نہ دیکھ، میری بات سن، کہ مجھ سے ہیں
کہیں کہیں متصادم بھی کچھ عمل میرے

کسی کے ہجر میں جینا محال ہو گیا ہے

کسی کے ہجر میں جینا محال ہو گیا ہے
کسے بتائیں ہمارا جو حال ہو گیا ہے
سحر جو آئی ہے شب کے تمام ہونے پر
تو اس میں کون سا ایسا کمال ہو گیا ہے
کوئی بھی چیز سلامت نہیں، مگر یہ دل
شکستگی میں جو اپنی مثال ہو گیا ہے

سو طرح کے غم اور ترے ہجر کا غم بھی

سو طرح کے غم اور ترے ہجر کا غم بھی
کیا زندگی کرنے کے لئے آئے ہیں ہم بھی
ہاں اس کا تقاضا تو فقظ ایک قدم تھا
افسوس بڑھا پائے نہ ہم ایک قدم بھی
اک رنجِ تعلق ہے کہ جتنا ہے بہت ہے
اک درد محبت جو زیادہ بھی ہے کم بھی

طویل بھی ہے فقط صبر آزما ہی نہیں

طویل بھی ہے فقط صبر آزما ہی نہیں
یہ رات جس میں ستاروں کا کچھ پتا ہی نہیں
نگاہِ دل کو جو رنگِ ثبات سے بھر دے
ابھی وہ پھول کسی شاخ پر کھلا ہی نہیں
جو دیکھتا ہے، کسی کو نظر نہیں آتا
جو جانتا ہے، اُسے کوئی جانتا ہی نہیں