مطلع فاراں سے چمکا وہ عجب تر آفتاب

 عارفانہ کلام حمد نعت منقبت

مطلع فاراں سے چمکا وہ عجب تر آفتاب

دیر تک دیکھا کیا حیرت سے چھپ کر آفتاب

اُنﷺ کے آگے اور ٹھہریں کفر کی تاریکیاں

وہ جو ذروں کو بنا دیں مسکرا کر آفتاب

بن گئی ہیں بزم ہستی جگمگانے کے لیے

عارضِ احمدﷺ کی تنویریں سمٹ کر آفتاب

جب بھی کسی سے کہنے ہم اپنا غم گئے ہیں

جب بھی کسی سے کہنے ہم اپنا غم گئے ہیں 

ہونٹوں🗢 تک آتے آتے الفاظ جم گئے ہیں

ہم تک وہ آ سکے ہیں ان تک نہ ہم گئے ہیں

دن رات کیسے کیسے دے دے کے دم گئے ہیں

معیارِ دلنوازی ہیں پر جب سے ہم گئے ہیں

دل بھی ٹھہر گیا ہے، آنسو بھی تھم گئے ہیں

خرد سے ایسے الجھے ہیں کہ سلجھائے نہیں جاتے

خرد سے ایسے الجھے ہیں کہ سلجھائے نہیں جاتے

جہاں میں ہم سے دیوانے کہیں پائے نہیں جاتے

ہمارا اور گلوں کا رنگِ وحشت ایک جیسا ہے

نکل جاتے ہیں یوں دامن کہ سلوائے نہیں جاتے

بغیر ان کے بسا اوقات یہ محسوس ہوتا ہے

کہ جیسے ہم دو عالم میں کہیں پائے نہیں جاتے

حالات کیسے کیسے پہلو بدل رہے ہیں

✰حالات کیسے کیسے پہلو بدل رہے ہیں✰ 

پھولوں میں تُلنے والے کانٹوں میں پل رہے ہیں

کم پل صراط سے کچھ یہ بھی نہیں ہے زاہد

جن راستوں پہ ہم تم مدت سے چل رہے ہیں

اے کشتگانِ مشکل! ٹھہرو نہ ہو کے بد دل

دیکھو چراغِ منزل بجھ بجھ کے جل رہے ہیں

وہ شب کی زلف شکن در شکن میں آگ لگی

وہ پو پھٹی وہ کرن سے کرن میں آگ لگی

وہ شب کی زلفِ شکن در شکن میں آگ لگی

✰سلگ اٹھی وہ ردائے نجوم  و کاہکشاں

وہ دیکھ، دامنِ چرخِ کہن میں آگ لگی

نشاطِ گرمیٔ محفل تھی جس کی تابانی

اسی چراغ سے کیوں انجمن میں آگ لگی

نہیں کسی کی توجہ خود آگہی کی طرف

نہیں کسی کی توجہ خود آگہی کی طرف

کوئی کسی کی طرف ہے کوئی کسی کی طرف

تمہارا جلوۂ معصوم دیکھ لے اک بار

خیال جس کا نہ جاتا ہو بندگی کی طرف

مزاجِ شیخ و برہمن کی برہمی معلوم

کہ اب حیات کا رخ ہے خود آگہی کی طرف

منزلیں نہ بھولیں گے راہرو بھٹکنے سے

منزلیں نہ بھولیں گے راہ رو بھٹکنے سے 

شوق کو تعلق ہی کب ہے پاؤں تھکنے سے 

زندگی کے رشتے بھی دور دور تک نکلے 

روح جاگ اٹھتی ہے پھول کے مہکنے سے 

کتنے تیر کھائے ہیں کتنے غم اٹھائے ہیں 

باز ہی نہیں آتا، دل💗 مگر دھڑکنے سے 

تیرے نام کی تھی جو روشنی اسے خود ہی تو نے بجھا دیا

تیرے نام کی تھی جو روشنی اسے خود ہی تُو نے بجھا دیا

نہ جلا سکی جسے دھوپ، اسے چاندنی 🌕نے جلا دیا

میں ہوں گردشوں میں گھرا ہوا، مجھے آپ اپنی خبر نہیں

وہ جو شخص تھا میرا رہنما، اسے راستوں میں گنوا دیا

جسے تُو نے سمجھا رقیب تھا، وہی شخص تیرا نصیب تھا

تیرے ہاتھ کی وہ لکیر تھا، اسے ہاتھ سے ہی مٹا دیا

کوئی موج گل سے کہہ دے نہ چلے مچل مچل کے

کوئی موج گل سے کہہ دے نہ چلے مچل مچل کے

وہ نظر بدل گئی ہے، میری زندگی بدل کے

شبِ ماہ مختصر تھی مجھے ہائے کیا خبر تھی

کہ طلوع پھر نہ ہو گا میرا ماہتاب ڈھل کے

مِری مشکلات تم نے تو کچھ اور بھی بڑھا دیں

رہِ زندگی میں دو دن مِرے ساتھ ساتھ چل کے

نغمۂ عشق بتاں اور ذرا آہستہ

نغمۂ عشقِ بتاں اور ذرا آہستہ

ذکرِ نازک بدناں اور ذرا آہستہ

میرے محبوب کی یادوں کے بھڑکتے ہیں چراغ

اے نسیمِ گزراں اور ذرا آہستہ

جس طرف سے وہ گزرتے ہیں صدا آتی ہے

اے قرارِ دل و جاں اور ذرا آہستہ

مرے شوق جستجو کا کسے اعتبار ہوتا

مِرے شوق جستجو کا کسے اعتبار ہوتا

سرِ راہ منزلوں تک نہ اگر غبار ہوتا

میں تجھے خدا سمجھ کر نہ گناہگار ہوتا

اگر ایک بے نیازی ہی تِرا شعار ہوتا 

جو ستم زدوں کا یا رب کوئی غمگسار ہوتا

تو غم حیات اتنا نہ دلوں پہ بار ہوتا

اک خلش کو حاصل عمر رواں رہنے دیا

اک خلش کو حاصلِ عمرِ رواں رہنے دیا
جان کر ہم نے انہیں نامہرباں رہنے دیا
آرزوئے قرب بھی بخشی دلوں کو عشق نے
فاصلہ بھی میرے ان کے درمیاں رہنے دیا
کتنی دیواروں کے سائے ہاتھ پھیلاتے رہے
عشق نے لیکن ہمیں بے خانماں رہنے دیا

بخشے پھر اس نگاہ نے ارماں نئے نئے

بخشے پھر اس نگاہ نے ارماں نئے نئے
محسوس ہو رہے ہیں دل و جاں نئے نئے
یوں قیدِ زندگی نے رکھا مضطرب ہمیں
جیسے ہوئے ہوں داخلِ زنداں نئے نئے
کس کس سے اس امانتِ دِیں کو بچائیے
ملتے ہیں روز دشمنِ ایماں نئے نئے