قلم سے لوح سے بھی قبل دن سے رات سے پہلے

 عارفانہ کلام حمد نعت منقبت

قلم سے لوح سے بھی قبل دن سے رات سے پہلے

نبیﷺ کا نور تھا موجود، موجودات سے پہلے

تلاوت دیدۂ آدم نے کی اسمِ محمدﷺ کی

ستونِ عرش پر کندہ تھا التحیات سے پہلے

وہی تھے صرف جو تلوار لے کر غار سے نکلے

پیمبرؐ، یوں نہ صف آرأ ہوئے، غزوات سے پہلے

آبروئے زمین شرح ایمان و دین

 عارفانہ کلام حمد نعت منقبت

آبروئے زمین، شرحِ ایمان و دین

اشرف العالمین، عینِ عل و یقین

صدق و صادق امین، عرش و سدرہ نشین

اعمل العامیلین، اکرم الاکرمین

اطہر الطاہرین، دور رس دور بین

سید العارفین، قائد مرسلین

میں اس زمانے کا منتظر ہوں زمانہ جب بے مثال ہو گا

 عارفانہ کلام حمد نعت منقبت

میں اُس زمانے کا منتظر ہوں، زمانہ جب بے مثال ہو گا

ہر ایک مسجد مدینہ ہو گی، ہر اک مؤذن بلالؓ ہو گا

چمک اٹھے گر ضمیر اپنے، جو ہو گئے ہم اسیر اپنے

ہر ایک آہٹ چراغ ہو گی، ہر ایک سایہ ہلال ہو گا

حضورؐ کے آئینے اٹھا کر، چلے جو پہچانے جائیں گے ہم

سفارشِ عشقِ مصطفیٰؐ سے ہمارا باطن بحال ہو گا

چلے نہ ایمان اک قدم بھی اگر ترا ہمسفر نہ ٹھہرے

 عارفانہ کلام حمد نعت منقبت

چلے نہ ایمان اک قدم بھی اگر تِراؐ ہمسفر نہ ٹھہرے

تِراؐ حوالہ دیا نہ جائے تو زندگی معتبر نہ ٹھہرے

حقیقتِ بندگی کی راہیں مدینہ طیبہ سے گزریں

ملے نہ اس شخص کو خدا بھی جو تیریؐ دہلیز پر نہ ٹھہرے

کُھلی ہوں آنکھیں کہ نیند والی، نہ جائے کوئی بھی سانس خالی

درودؐ جاری رہے لبوں پر، یہ سلسلہ لمحہ بھر نہ ٹھہرے

جہاں بھی ہو وہیں سے دو صدا سرکار سنتے ہیں

 عارفانہ کلام حمد نعت منقبت

جہاں بھی ہو، وہیں سے دو صدا، سرکارؐ سُنتے ہیں

سرِ آئینہ سُنتے ہیں، پسِ دیوار سُنتے ہیں

مِرا ہر سانس اُن کی آہٹوں کے ساتھ چلتا ہے

مِرے دل کے دھڑکنے کی بھی وہ رفتار سُنتے ہیں

کھڑے رہتے ہیں اہلِ تخت بھی دہلیز پر اُن کی

فقیروں کی صدائیں بھی شہِ ابرارﷺ سُنتے ہیں

تیری خوشبو میری چادر ورفعنا لک ذکرک

 عارفانہ کلام حمد نعت مقبت

وَرَفَعْنَا لَکَ ذِکْرَک 

تیری خوشبو، میری چادر

تیرے تیور، میرا زیور

تیرا شیوہ، میرا مسلک 

وَرَفَعْنَا لَکَ ذِکْرَک

میری منزل، تیری آہٹ 

ہر بات اک صحیفہ تھی امی رسول کی

 عارفانہ کلام حمد نعت مقبت

ہر بات اک صحیفہ تھی اُمّی رسولﷺ کی 

الفاظ تھے خُدا کے ، زباں تھی رسولﷺ کی

وحدانیت کے پھول کھلے گرم ریت سے 

دی سنگِ بے زباں نے گواہی رسولﷺ کی 

بہبودی و فلاح کے جگنو نکل پڑے 

تاریکیوں میں جب کھلی مٹی رسولﷺ کی 

مر کے اپنی ہی اداؤں پہ امر ہو جاؤں

 عارفانہ کلام حمد نعت منقبت

‎مر کے اپنی ہی اداؤں پہ امر ہو جاؤں

‎اُنؐ کی دہلیز کے قابل میں اگر ہو جاؤں

‎اُنؐ کی راہوں پہ مجھے اتنا چلانا یا رب

‎کہ سفر کرتے ہوئے گردِ سفر ہو جاؤں

‎زندگی نے تو سمندر میں مجھے پھینک دیا

‎اپنی مُٹھی میں وہؐ لے لیں تو گوہر ہو جاؤں

رخ مصطفیٰ کو دیکھا تو دیوں نے جلنا سیکھا

 عارفانہ کلام نعتیہ کلام

رخِ مصطفیٰﷺ کو دیکھا تو دِیوں نے جلنا سیکھا

یہ کرم ہے مصطفیٰؐ کا، شب غم میں ڈھلنا سیکھا

یہ زمیں رکی ہوئی تھی،۔ یہ فلک تھما ہوا تھا

چلے جب میرے محمدﷺ تو جہاں نے چلنا سیکھا

بڑا خوش نصیب ہوں میں میری خوش نصیبی دیکھو

شاہ انبیاءﷺ کے ٹکڑوں پہ ہے میں نے پلنا سیکھا

اے خدا ذات کا اپنی مجھے عرفاں ہو جائے

عارفانہ کلام حمدیہ کلام

اے خدا ذات کا اپنی مجھے عرفاں ہو جائے

میری ہر سانس تیرے تابعِ فرماں ہو جائے

چند شمعیں فروزاں ہے میرے سینے میں

روشنی دے مجھے اتنی کہ چراغاں ہو جائے

صرف دو زاویوں سے خود کو ہمیشہ دیکھوں

زندگی آئینۂ سنت و قرآں ہو جائے

قدم قدم پہ خدا کی مدد پہنچتی ہے

عارفانہ کلام نعتیہ کلام

قدم قدم پہ خدا کی مدد پہنچتی ہے

درود سے میرے دل کو رسد پہنچتی ہے

یہ آسماں بھی وہاں تک نہیں پہنچ سکتا

جہاں تک آپ کے قدموں کی حد پہنچتی ہے

سر اپنا پائے رسالت مابؐ پر رکھ دوں

تو آسماں پہ بلندئ قد پہنچتی ہے

جل رہا ہے محمد کی دہلیز پر دل کو طاق حرم کی ضرورت نہیں

عارفانہ کلام نعتیہ کلام

جل رہا ہے محمدﷺ کی دہلیز پر، دل کو طاقِ حرم کی ضرورت نہیں

میرے آقاؐ کے مجھ پر ہیں اتنے کرم اب کسی کے کرم کی ضرورت نہیں

ہر طلوعِ سحر جن کے سائے تلے، جن کی آہٹ سے نبضِ دو عالم چلے

اُنِ کے قدموں سے لگ کر ہوں بیٹھا ہوا مجھ کو جاہ و حشم کی ضرورت نہیں

حُسنِ خلاقِ کون و مکاں دیکھ لوں، جو نہ دیکھا کبھی وہ سماں دیکھ لوں

مجھ کو آئینۂ مصطفٰےؐ چاہیے، پتھروں کے صنم کی ضرورت نہیں

کاش مداح پیمبر کا لقب مل جائے

 عارفانہ کلام نعتیہ کلام

ایک بے نام کو اعزازِ نسب مل جائے

کاش مدّاحِ پیمبرﷺ کا لقب مل جائے

میری پہچان کسی اور حوالے سے نہ ہو

اقتدارِ درِ سلطانِ عربﷺ مل جائے

آدمی کو وہاں کیا کچھ نہیں ملتا ہو گا

سنگریزوں کو جہاں جنبشِ لب مل جائے

دفن جو صدیوں تلے ہے وہ خزانہ دے دے

عارفانہ کلام نعتیہ کلام

دفن جو صدیوں تلے ہے وہ خزانہ دے دے

ایک لمحے کو مجھے اپنا زمانہ دے دے

چھاپ دے اپنے خد و خال مِری آنکھوں پر

پھر رہائش کے لیے آئینہ خانہ دے دے

اور کچھ تجھ سے نہیں مانگتا میرے آقاؐ

نا رسائی کو زیارت کا بہانہ دے دے

تو کجا من کجا تو کجا من کجا

عارفانہ کلام حمدیہ کلام

تو کجا من کجا

تُو امیر حرم، میں فقیرعجم

تیرے گُن اور یہ لب، میں طلب ہی طلب

تُو عطا ہی عطا، میں خطا ہی خطا

تُو کُجا من کُجا، تُو کُجا من کُجا

تُو ابد آفریں، میں ہوں دو چار پل

محبت کا دھواں آنکھوں میں پانی چھوڑ جاتا ہے

 محبت کا دھواں آنکھوں میں پانی چھوڑ جاتا ہے

کسی رستے سے غم گزرے نشانی چھوڑ جاتا ہے

وہ جتنی بار بھی ملتا ہے، پہچانا نہیں کرتا

مگر آنکھوں میں تصویریں پرانی چھوڑ جاتا ہے

اسی باعث تو ہم بے ساختہ ہنسنے سے ڈرتے ہیں

کبھی کا قہقہہ بھی نوحہ خوانی چھوڑ جاتا ہے

تصور سے بھی آگے تک در و دیوار کھل جائیں

عارفانہ کلام نعتیہ کلام

تصور سے بھی آگے تک در و دیوار کُھل جائیں

میری آنکھوں پہ بھی یا رب تیرے اسرار کھل جائیں

میں تیری رحمتوں کے ہاتھ خود کو بیچنے لگوں

مِری تنہائیوں میں عشق کے بازار کھل جائیں

جوارِ عرشِ اعظم اس قدر مجھ کو عطا کردے

مِرے اندر کے غاروں پر تِرے انوار کھل جائیں

گل میں خوشبو تری سورج میں اجالا تیرا

عارفانہ کلام حمدیہ کلام

گُل میں خوشبو تِری، سورج میں اجالا تیرا

پائے ہر شے میں تجھے ڈھونڈنے والا تیرا

کس کی تعمیر و ترقی میں تِرا ہات نہیں

لغزشِ پا کا مداوا تو کوئی بات نہیں

روک لے گرتی فصیلوں کو سنبھالا تیرا

بے سفینہ بھی وہ لہروں پہ ٹھہر سکتا ہے

ایک بے نام کو اعزاز نسب مل جائے

عارفانہ کلام نعتیہ کلام

ایک بے نام کو اعزازِ نسب مل جائے

کاش مداحِ پیمبرﷺ کا لقب مل جائے

میری پہچان کسی اور حوالے سے نہ ہو

اقتدارِ درِ سلطانِ عربﷺ مل جائے

آدمی کو وہاں کیا کچھ نہیں ملتا ہو گا

سنگریزوں کو جہاں جنبشِ لب مل جائے

مجھ کو عشق نبی اس قدر مل گیا

عارفانہ کلام نعتیہ کلام

مفلسِ زندگی اب نہ سمجھے کوئی 

مجھ کو عشقِ نبیﷺ اس قدر مل گیا

جگمگائے نہ کیوں میرا عکسِ دروں

ایک پتھر کو آئینہ گر مل گیا

جس کی رحمت سے تقدیرِ انساں کُھلے

اسؐ کی جانب ہی دروازہء جاں کُھلے