سب مشکلوں کا حل تو ہی رب کریم ہے

 عارفانہ کلام حمد نعت مقبت

سب مشکلوں کا حل تُو ہی ربِ کریم ہے

اور ذات پاک تیری غفور رحیم ہے

ذی قدر و ذی جلال تُو ذی شان و ذی شرف

تیری ہی بندگی تو راہِ مستقیم ہے

عزم و یقین و ضبط کا ہر مسئلے کا حل

اک درس گاہ تیرا کلام کریم ہے

وہ خطاکار نہیں میں بھی گنہگار نہیں

 وہ خطاکار نہیں میں بھی گنہگار نہیں

راستہ عشق کا اس پر بھی تو ہموار نہیں

درمیاں، نامِ خدا رکھ دیا آخر میں نے

اب جدائی میں کہیں جیت کہیں ہار نہیں

ایک ہونے کی تو صورت ہی نہیں ہے کوئی

جاں مگر جاں سے جدا ہونے کو تیار نہیں

رات کے پچھلے پہر جس نے جگایا کیا تھا

 رات کے پچھلے پہر جس نے جگایا، کیا تھا

کوئی آسیب زدہ ہجر کا سایہ، کیا تھا

نہ تو ہم سمجھے، نہ کی کوئی وضاحت دل نے

جانے اپنا تھا کہ وہ شخص پرایا، کیا تھا

یہ تو سچ ہے کہ لبوں نے نہ کوئی جنبش کی

پر نگاہوں نے جو پیغام سنایا، کیا تھا

موسم گل پر خزاں کا زور چل جاتا ہے کیوں

 موسم گل پر خزاں کا زور چل جاتا ہے کیوں

ہر حسیں منظر بہت جلدی بدل جاتا ہے کیوں

یوں اندھیرے میں دکھا کر روشنی کی اک جھلک

میری مُٹھی سے ہر اک جگنو نِکل جاتا ہے کیوں

روشنی کا اک مسافر تھک کے گھر آتا ہے جب

تو اندھیرا میرے سورج کو نِگل جاتا ہے کیوں

ہر اک ورق میں نمایاں ہر ایک باب میں ہم

ہر اک ورق میں نمایاں ہر ایک باب میں ہم

تھے حاشیہ کی طرح پھر بھی اس کتاب میں ہم

جواب ہم تھے ہمارے لیے جواب نہ تھے

سوال میں تو تھے شامل نہ تھے جواب میں ہم

کوئی 'ملا' ہی نہیں جس سے حالِ دل کہتے

ملا تو رہ گئے لفظوں کے انتخاب میں ہم

زندہ رہنے کی یہ ترکیب نکالی میں نے

زندہ رہنے کی یہ ترکیب نکالی میں نے

اپنے ہونے کی خبر سب سے چھپا لی میں نے

جب زمیں ریت کی مانند سرکتی پائی 

آسماں تھام لیا،۔ جان بچا لی میں نے

مرحلہ کوئی جدائی کا جو در پیش ہوا

تو تبسم کی ردا غم کو اُڑھا لی میں نے

خزاں کی زرد سے رنگت بدل بھی سکتی ہے

خزاں کی زرد سے رنگت بدل بھی سکتی ہے

بہار آنے کی صورت نکل بھی سکتی ہے

ذرا سنبھل کے جلانا عقیدتوں کے چراغ

بھڑک نہ جائیں کہ مسند یہ جل بھی سکتی ہے

ابھی تو چاک پہ جاری ہے رقص مٹی کا

ابھی کمہار کی نیت بدل بھی سکتی ہے

جنوں میں دامن دل گرچہ تار تار ہوا

جنوں میں دامنِ دل گرچہ تار تار ہوا

مگر یہ جشن سر کوچۂ بہار ہوا

ہر ایک سجدے میں دل کو ترا خیال آیا

یہ اک گناہ عبادت میں بار بار ہوا

کسی کے واسطے تصویرِ انتظار تھے ہم

وہ آ گیا،۔ پہ کہاں ختم انتظار ہوا

سارے موسم بدل گئے شاید

سارے موسم بدل گئے شاید

اور ہم بھی سنبھل گئے شاید

جھیل کو کر کے ماہتاب سپرد 

عکس پا کر بہل گئے شاید

ایک ٹھہراؤ آ گیا کیسا 

زاوئیے ہی بدل گئے شاید

دو بوند آنسو

دو بوند آنسو

پتا ٹوٹا 

شاخ سے دیکھو

آنگن آنگن اڑتا جائے

اک ٹک دیکھوں

میں باوریا

ذہن کے صحراؤں میں چلتی ہے طوفانی ہوا

ذہن کے صحراؤں میں چلتی ہے طوفانی ہوا 

ڈھونڈتی ہے جا بجا کیا جانے دیوانی ہوا

خود ہے سرگرداں کسی کی جستجو میں ہر گھڑی 

کیوں ہے میری خاک پر پھر اتنی حیرانی ہوا

دیکھ پھر طوفاں کی ضد سے ہو گئی گل روشنی 

تُو ہے پاگل تُو نے اس کی بات کیوں مانی ہوا

دل تو ناداں ہے ترے ساتھ کی ضد کرتا ہے

دل تو ناداں ہے تِرے ساتھ کی ضد کرتا ہے 

کتنا پاگل ہے بِنا بات کی ضد کرتا ہے

چاہتا ہے وہ کسی آگ میں جل کر دیکھے

تپتے سورج سے ملاقات کی ضد کرتا ہے

چاند کے دیس کی پریوں کی کہانی سن کر

کسی جادو کی طلسمات کی ضد کرتا ہے 

اپنی دنیا سے چلو میرے جہاں تک آؤ

اپنی دنیا سے چلو میرے جہاں تک آؤ 

راستہ بھولے تھے جس رہ پہ وہاں تک آؤ

سنو! مٹی کے بکھر جانے کے امکاں ہیں بہت 

اس لیے روح سے ہو کر دل و جاں تک آؤ

میری خاموشی کے ہر لفظ کو محسوس کرو 

جنبشِ لب کے بغیر اس کے بیاں تک آؤ

فریب کھایا تو پھر زیست پر عذاب اترے

فریب کھایا تو پھر زیست پر عذاب اترے 

وہ کیا گیا کہ محبت کے سارے خواب اترے 

وہ جان و دل میں اترتا رہا سکوں بن کر 

تھا قرب ایسا رگ و جاں میں ماہتاب اترے

میں جیسے رات کی رانی کی بھینی خوشبو ہوں 

طلوع صبح تصور کا خواب خواب اترے

اجنبی سا اک ستارہ ہوں میں سیاروں کے بیچ

اجنبی سا اک ستارہ ہوں میں سیاروں کے بیچ

اک جدا کردار ہوں اپنے ہی کرداروں کے بیچ

پھر رہی ہوں بے سبب پاگل ہوا سی جا بجا

دھند میں لپٹے ہوئے خاموش کہساروں کے بیچ

اس حصارِ خاک کو جب توڑ کر نکلوں گی میں

ڈھونڈتے رہ جاؤ گے تم مجھ کو دیواروں کے بیچ