میں عرش و فرش پر محو خیال طور رہتا ہوں

 میں عرش و فرش پر محوِ خیال طور رہتا ہوں

عیاں سیرت سے ہوں، صورت سے گو مستور رہتا ہوں

حقیقت میں میرا مسکن تو مے خانہ ہے مے خانہ

نہ حاجت جام و مینا کی، نشے میں چُور رہتا ہوں

میرا سایہ نہ چھوڑے گا قیامت تک میرا پیچھا

یہ اتنا پاس آتا ہے، میں جتنا دور رہتا ہوں

زندگی زندہ دلی ہے، مردنی چھا جائے کیوں

 زندگی زندہ دلی ہے، مردنی چھا جائے کیوں

موت کی آغوش میں جانے سے پھر گھبرائے کیوں

کشمکش ہے اس لیے قاصد کا ہے بس انتظار

ناز ہے اپنی وفا پر بن بلائے جائے کیوں

کیوں نہ ہو جلوہ نما جو دوستی جب عام ہے

پھر نگاہِ شوق کو وہ اس قدر ترسائے کیوں

میری زندگی کے ہیں چار دن انہیں کیوں نہ ہنس کر گزار لوں

 میری زندگی کے ہیں چار دن انہیں کیوں نہ ہنس کر گزار لوں

جو الجھ الجھ کے بگڑ گئی، اسے اب سلجھ کے سنوار لوں

کبھی اس طرح، کبھی اس طرح پھنسے، پھنس کے پھڑ پھڑکا کیے

پھرا لے کے پاپ کی گٹھڑیاں، انہیں کیوں نہ سر سے اتار لوں

مجھے آزمائش میں ڈال کے اسے اب تسلی تو ہو چکی

دی فلک نے اب تک جو بے کلی اسے اب سکون و قرار لوں

یا رب ہمیں اب ایسا کوئی ہم سفر تو دے

 یا رب ہمیں اب ایسا کوئی ہمسفر تو دے

ذوقِ سفر ہو، منزلِ نو کی خبر تو دے

گُل کا بسیرا ہو گیا کانٹوں کی سیج پر

منزل کٹھن سہی مگر شوقِ سفر تو دے

چرخِ کُہن سے ہم کو اُمیدِ وفا نہیں

خُوشیاں نہ دے سکا ہے نہ دے غمِ دہر تو دے