یا رب ہمیں اب ایسا کوئی ہم سفر تو دے

 یا رب ہمیں اب ایسا کوئی ہمسفر تو دے

ذوقِ سفر ہو، منزلِ نو کی خبر تو دے

گُل کا بسیرا ہو گیا کانٹوں کی سیج پر

منزل کٹھن سہی مگر شوقِ سفر تو دے

چرخِ کُہن سے ہم کو اُمیدِ وفا نہیں

خُوشیاں نہ دے سکا ہے نہ دے غمِ دہر تو دے

کُنجِ قفس میں یوں مجھے بے بال و پر نہ چھوڑ

امرت اگر پلا نہ سکا ہے، زہر تو دے

کب تک سُنا کروں تمہاری لن لرانیاں

نظرِ کرم ادھر بھی ذرا جام بھر تو دے

آ کے ملے، بچھڑ گئے یہ وقت کی ہے بات

راہبر ذرا سا ساتھ سرِ رہ گزر تو دے

کاٹے سے ہی کٹے گی رات تاریکیوں کے بیچ

مسرور اٹھ سفر میں پیامِ سحر تو دے

مسرور کاشمیری