عارفانہ کلام حمد نعت منقبت
تاجدار جہاں یا نبیﷺ محترم
تم پہ ہر دم کروڑوں درود و سلام
ہم غلاموں پہ ہو آقاﷺ نظر کرم
تم پہ ہردم کروڑوں درود و سلام
آپﷺ کی ہے زمیں آسماں آپﷺ کا
عرش سے فرش تک کل جہاں آپﷺ کا
آپﷺ کی ملک ہے آقاﷺ عرب و عجم
تم پہ ہردم کروڑوں درودﷺ و سلام
یہ زمیں آسماں یہ جہاں کا نظام
آپ کے واسطے ہیں یہ محفل تمام
تم نہ ہوتے تو ہو جاتا سارا ختم
تم پہ ہر دم کروڑوں درود و سلام
آپ صادق امیںﷺ سیدالمرسلینﷺ
خاتم الانبیاءﷺ رحمت اللعالمینﷺ
آپ کی شان کا سب سے اونچا علم
تم پہ ہر دم کروڑوں درود و سلام
حُسنِ یوسف پہ بے شک کٹی انگلیاں
پر تیرے نام پر اے شہ دو جہاںﷺ
تیرے مستانوں نے کر دئیے سر قلم
تم پہ ہر دم کروڑوں درود و سلام
یہ بہاریں نظارے یہ گلشن کے پھول
وجہِ تخلیق کل میرا پیارا رسولﷺ
کل جہاں کی صدا نغمہ سنج ہے ارم
تم پہ ہر دم کروڑوں درود و سلام
سنگ کلمہ پڑھے پیڑ سجدے کریں
چاند شق ہو گیا ڈوبا سورج پھریں
زیر پا آپﷺ کے ہوتے پتھر نرم
تم پہ ہر دم کروڑوں درود و سلام
زلفیں واللیل رخ والضحیٰ ہے تیرا
رب کے محبوب تو دلربا ہے میرا
کوئی تجھ سا نہیں ہے خدا کی قسم
تم پہ ہر دم کروڑوں درود و سلام
حور و غلماں کی ہم کو نہ جنت کی چاہ
آپ کی دید کو آقاﷺ ترسے نگاہ
جلوہ دکھلائیے جلد شاہِ اممﷺ
تم پہ ہر دم کروڑوں درود و سلام
جام الفت کا اپنی پلا دیجیے
اپنا دیوانہ ہم کو بنا دیجیے
عشق میں آپ کے ہی یہ نکل جائے دم
تم پہ ہردم کروڑوں درود و سلام
خالی دامن کو الفت سے بھر دیجیے
ساتھ ہی شوق سنت عطا کیجیے
بھیک مانگے یہی ہاتھ پھیلا کے ہم
تم پہ ہر دم کروڑوں درود و سلام
موت دیدار کا ان کے پیغام ہے
کتنا پیارا یہ دیوانوں انعام ہے
یا نبیؐ یا نبیؐ کہہ کے مر جائیں ہم
تم پہ ہر دم کروڑوں درود و سلام
صدقہ حسنینؑ کا یا شفیع الاممﷺ
واسطہ چار یاروں کا کر دو کرم
دور ہو جائے سارے مسلماں کے غم
تم پہ ہر دم کروڑوں درود و سلام
ہم گنہ گار ہیں، ہم سیہ کار ہیں
اپنے اعمال سے ہم شرمسار ہے
لاج رکھ لینا محشر میں شاہِ امم
تم پہ ہر دم کروڑوں درود و سلام
یہ درود و سلام کیجیے آقاﷺ قبول
معاف کر دیجیے ہم کو پیارے رسولﷺ
چھوڑ کر در تمہارا کہاں جائیں ہم
تم پہ ہر دم کروڑوں درود و سلام
اپنی شایان شاں لطف فرمائیے
اپنے خالد کو قدموں میں بلوائیے
پاس دولت ہے اس کے نہ جاہ و حشم
تم پہ ہر دم کروڑوں درود و سلام
خالد عبداللہ اشرفی
No comments:
Post a Comment