عارفانہ کلام حمد نعت منقبت
آپ ہیں خیر الوریٰ یا سیدی یا مصطفیٰؐ
آپ ہیں رب کی عطا یا سیدی یا مصطفیٰؐ
جس نے تم سے کی دغا یا سیدی یا مصطفیٰؐ
اس کو رب نے دی سزا یا سیدی یا مصطفیٰؐ
ہم کو آلام و مصائب سے ملی فورا نجات
جب زباں پہ آ گیا یا سیدی یا مصطفیٰؐ
ہر طرف ایمان کے جو جل رہے ہیں یہ چراغ
یہ تمہاری ہے عطا یا سیدی یا مصطفیٰؐ
ہم کو پیغام محبت عام کرنے کا ہنر
آپ ہی نے ہے دیا یا سیدی یا مصطفیٰؐ
آ گئی ہے جوش پر رحمت خدا کی دفعتاً
آپ کو جب دی صدا یا سیدی یا مصطفیٰؐ
آپ کے قدموں میں مل جائے مجھے تھوڑی جگہ
ہے یہی میری دعا یا سیدی یا مصطفیٰؐ
جب ہمارے سامنے آئے گا راہ پل صراط
آپ کو دیں گے صدا یا سیدی یا مصطفیٰؐ
نام اکرم تلہری ہے جس کا وہ تو اصل میں
آپ پر ہی ہے فدا یا سیدی یا مصطفیٰؐ
اکرم تلہری
No comments:
Post a Comment