بدن تو جل گئے سائے بچا لیے ہم نے

 بدن تو جل گئے، سائے بچا لیے ہم نے

جہاں بھی دھوپ ملی، گھر بنا لیے ہم نے

اُس امتحان میں سنگین کس طرح اُٹھتی

دُعا کے واسطے جب ہاتھ اُٹھا لیے ہم نے

کٹھن تھی شرطِ رہِ مستقِیم، کیا کرتے

ہر ایک موڑ پہ کتبے سجا لیے ہم نے

محسن غم مت کر

 ماہیا/ثلاثی/سہ حرفی/*ہائیکو/تروینی/ترائلے

محسن غم مت کر

ہر بارش میں بڑھ جاتا ہے

سرکنڈوں کا قد

محسن بھوپالی

دور کونج کی ڈار کہہ گئی جیون راز

 ماہیا/ثلاثی/سہ حرفی/٭ہائیکو/تروینی/ترائلے

دور کونج کی ڈار

اوجھل ہوتے ہوتے بھی 

کہہ گئی جیون راز

محسن بھوپالی 

سانحہ یاد نہیں راہ کے کھو جانے کا

 سانحہ یاد نہیں راہ کے کھو جانے کا

ہاں مگر قافلے والوں کے بھی سو جانے کا

غمِ ایّام کے بخشے ہُوئے لمحوں کی قسم

بزمِ تخیّل سے تو نام نہ لو جانے کا

اب شناسا بھی مِلا کرتے ہیں غیروں کی طرح

یہ صِلہ ہم کو مِلا آپ کے ہو جانے کا

مرے وطن سدا یونہی سجی رہے یہ انجمن

 ملی ترانہ

مِرے وطن

سدا یونہی سجی رہے یہ انجمن

جواں رہے ہمیشہ تیرا بانکپن

مِرے وطن

عظیم تیرے کوہسار، تِری چوٹیاں

ارم سے بھی حسین ہیں یہ تیری وادیاں

رات بھر جینے سے کیا شمع شبستاں کی طرح

 رات بھر جینے سے کیا شمع شبستاں کی طرح

ایک لمحہ ہے بہت شعلۂ‌‌ رقصاں کی طرح

دل کے زخموں پہ بھی پھولوں کا گماں ہوتا ہے

یاد آئی ہے تِری موجِ بہاراں کی طرح

کیوں ہو خاموش رفیقان‌ِ چمن کچھ تو کہو

صبح‌ِ گلشن بھی نہ گزرے شبِ زنداں کی طرح

بدن تو جل گئے سائے بچا لیے ہم نے

 بدن تو جل گئے، سائے بچا لیے ہم نے

جہاں بھی دھوپ ملی، گھر بنا لیے ہم نے

اس امتحان میں سنگین کس طرح اٹھتی

دعا کے واسطے جب ہاتھ اٹھا لیے ہم نے

کٹھن تھی شرطِ رہِ مستقیم، کیا کرتے

ہر ایک موڑ پہ کتبے سجا لیے ہم نے

دوراہے پر بچھڑنا ہے تم کو​ بچھڑ جاؤ لیکن

دوراہے پر

بچھڑنا ہے تم کو​

بچھڑ جاؤ، لیکن​

کسی سنگِ الزام سے تو نوازو​

 اگر زندگی کے کسی موڑ پر ہم ملیں​

تو ہمارے لبوں پر​

یہ طے ہوا ہے کہ قاتل کو بھی دعا دیجے

یہ طے ہوا ہے کہ قاتل کو بھی دعا دیجے 

خود اپنا خون بہا پھر بھی خوں بہا دیجے 

نیاز و ناز بجا ہیں مگر یہ شرط وصال 

ہے سنگ راہ‌ تعلق اسے ہٹا دیجے 

سنا تھا ہم نے کہ منزل قریب آ پہنچی 

کہاں ہیں آپ، اگر ہو سکے صدا دیجے 

سہمے سہمے چلتے پھرتے لاشے جیسے لوگ

سہمے سہمے چلتے پھرتے لاشے جیسے لوگ 

وقت سے پہلے مر جاتے ہیں کتنے ایسے لوگ 

سر پر چڑھ کر بول رہے ہیں پودے جیسے لوگ 

پیڑ بنے خاموش کھڑے ہیں کیسے کیسے لوگ 

چڑھتا سورج دیکھ کے خوش ہیں کون نہیں سمجھائے 

تپتی دھوپ میں کمہلائیں گے غنچے جیسے لوگ 

سروں کی فصل کاٹی جا رہی ہے

سروں کی فصل کاٹی جا رہی ہے 

وہ دیکھو سرخ آندھی آ رہی ہے 

ہٹا لو صحن سے کچے گھڑوں کو 

کہیں ملہار سوہنی گا رہی ہے 

مِری دستار کیسے بچ سکے گی 

قسم وہ میرے سر کی کھا رہی ہے 

دعاگو دعا کرنے والے

دعاگو

یہ جو حادثوں

اور بیماریوں سے

میں بچتا رہا ہوں

ہیں باقی ابھی کچھ

مِری زندگی کی

جام تہی قبول نہ تھا غم سمو لئے

جام تہی قبول نہ تھا، غم سمو لیے

پھولوں کے انتظار میں کانٹے چبھو لیے

محرومئ دوام بھی کیا لطف دے گئی

یہ سوچ کر ہنسے ہیں کہ اک عمر رو لیے

ہم ہیں وہ سادہ لوح کہ پا کر رضائے دوست

خود اپنے ہاتھ اپنے ہی خوں میں ڈبو لیے

انتباہ مفروضے کی بنا پر خود فیصلہ سنا کر

انتباہ

مفروضے کی بِنا پر خود فیصلہ سنا کر

ماضی نے جو دیا تھا اس درس کو بھلا کر

اک فرد کے بہانے

تم قوم کو مٹانے کا عزم کر چکے ہو

آبادیوں کو یکسر مسمار کر رہے ہو

وطن اہل زمیں میں بٹ گیا ہے

کراچی کرچیوں میں بٹ گیا ہے

یہ اپنے آئینے سے کٹ گیا ہے

تسلط کی کشا کش میں بالآخر

یہ چشمہ خاروخس سے پٹ گیا ہے

ملی ہے یوں بھی دادِ تشنہ کامی

جو ہم پہنچے تو دریا ہٹ گیا ہے

واعظ وعظ فرما کے وہ گارڈ کے ساتھ

واعظ

وعظ فرما کے وہ

گارڈ کے ساتھ

اپنی پجیرو میں کب کے چلے بھی گئے

اور میں سات نمبر کے اسٹاپ پر

ڈیڑھ گھنٹے سے ہوں

غلط تھے وعدے مگر میں یقین رکھتا تھا

غلط تھے وعدے مگر میں یقین رکھتا تھا

وہ شخص لہجہ بڑا دل نشین رکھتا تھا

اتر گیا ہے رگوں میں میری لہو بن کر

وہ زہر ذائقہ بڑا انگبین رکھتا تھا

گزرنے والے نہ یوں سرسری گزر دل سے

مکاں شکستہ سہی، پر مکین رکھتا تھا

تسلسل ٹوٹ جائے گا

تسلسل ٹوٹ جائے گا

نہ چھیڑو کھلتی کلیوں ہنستے پھولوں کو

ان اڑتی تتلیوں آوارہ بھونروں کو

تسلسل ٹوٹ جائے گا

فضا محو سماعت ہے

حسیں ہونٹوں کو نغمہ ریز رہنے دو

ہے وجہ تماشائے جہاں دل شکنی بھی

ہے وجہ تماشائے جہاں دل شکنی بھی

منظور ہے اے دوست! یہ نیزے کی انی بھی

شاداب درختوں کے بھی سائے ہیں گریزاں 

اک جرم ہوئی میری غریب الوطنی بھی

پیتے ہی رہے گردش ایام کے ہاتھوں 

صہبائے ملامت بھی، غمِ طعنہ زنی بھی

چمن چمن اسی رنگیں قبا کو دیکھتے ہیں

چمن چمن اسی رنگیں قبا کو دیکھتے ہیں

ہر ایک جلوے میں جلوہ نما کو دیکھتے ہیں

تیرے مزاج سے ہم اس قدر ہوئے مانوس

کہ شاخ گل میں بھی تیری ادا کو دیکھتے ہیں

کلی پہ تیرے لبوں کا گماں گزرتا ہے

گلوں میں ہم تِرے رنگ حنا کو دیکھتے ہیں