لفظوں میں ان کا نقش کف پا دکھائی دے

 عارفانہ کلام حمد نعت منقبت

لفظوں میں ان کا نقشِ کف پا دکھائی دے

نعتِ نبیﷺ کہوں تو مدینہ دکھائی دے

ہر دم ہو جس کو رحمتِ عالم تیرا خیال

طوفان میں بھی اس کو جزیرہ دکھائی دے

نعتِ نبیؐ کے ساتھ میں پڑھتی رہوں درود

مجھ کو یہی نجات کا رستہ دکھائی دے

یہ زندگی تو ایک بہانہ ہے اور بس

 یہ زندگی تو ایک بہانہ ہے اور بس

کچھ دن کا تجھ سے ملنا ملانا ہے اور بس

ماں تھی شجر تھا اور پرندے تھے بے شمار

اب اس مکاں میں دفن خزانہ ہے اور بس

جب تک تمہاری آنکھ میں موجود ہوں تو ہوں

تم نے مجھے یہاں سے گرانا ہے اور بس

اب کسی اجنبی سے کوئی شکایت کیسی

اب کسی اجنبی سے کوئی شکایت کیسی

جب محبت ہی نہ تھی تجھ سے تو نفرت کیسی

تُو نے تو چھوڑ دیا تھا مجھے مرنے کے لیے

دیکھ چڑیوں سے ہوئی مجھ کو محبت کیسی

مدتوں بعد مِلا ہے تو بتاؤں گی تجھے

مجھ پہ گزری ہے تِرے بعد قیامت کیسی

بہے ہیں اشک نہ ابھری ہیں سسکیاں میری

 بہے ہیں اشک نہ ابھری ہیں سسکیاں میری

ہوا سناتی پھری ہے کہانیاں میری

مِری اداسی کا جب بھی انہیں ہوا معلوم

تمہارا پوچھنے آئیں سہیلیاں میری

یہ گھر کے لوگ چلے جائیں گے پہاڑوں پر

تِرے خیال میں گزریں گی چھٹیاں میری

غلط ایگزٹ مگر یہ زندگی کی ہائی وے پہ چلنے والے

 غلط ایگزٹ

مگر یہ زندگی کی ہائی وے پہ چلنے والے کب سمجھتے ہیں

غلط ایگزٹ سے مُڑ جائیں تو منزل چھُوٹ جاتی ہے

مجھے بھی ایک ایگزٹ پہلے مُڑنے کی اذیت ہے

مِرے پیشِ نظر بھی ایک ان دیکھی مسافت ہے

یہاں سے لوٹنا نہ منزل تک پہنچ پانا

کوئی تہمت لگائے تو اذیت کم نہیں ہوتی

 کوئی تہمت لگائے تو اذیت کم نہیں ہوتی

مگر میں جانتا ہوں اس سے عزت کم نہیں ہوتی

یہ وہ دولت ہے جو دل کی بدولت کم نہیں ہوتی

محبت کرتے رہنے سے محبت کم نہیں ہوتی

محبت بد گمانی کو ہمیشہ ساتھ رکھتی ہے

مداوا ہو بھی جائے تو شکایت کم نہیں ہوتی

میں جب بھی یاد کی شمعیں جلا کے رکھتی ہوں

 میں جب بھی یاد کی شمعیں جلا کے رکھتی ہوں

یہ میری ضد ہے کہ آگے ہوا کے رکھتی ہوں

میں ٹوٹ سکتی ہوں لیکن میں جھک نہیں سکتی

شکست ذات میں پہلو انا کے رکھتی ہوں

وہ بادباں ہے اگر کشتیٔ محبت کا

میں بادبان سے رشتے ہوا کے رکھتی ہوں

محبت سے مکر جانا ضروری ہو گیا تھا

 محبت سے مُکر جانا ضروری ہو گیا تھا

پلٹ کے اپنے گھر جانا ضروری ہو گیا تھا

نظر انداز کرنے کی سزا دینی تھی تجھ کو

تیرے دل میں اتر جانا ضروری ہو گیا تھا

میں سناٹے کے جنگل سے بہت تنگ آ گئی تھی

کسی آواز پر جانا ضروری ہو گیا تھا

بیٹھے رہے ہیں سامنے سرکار دیر تک

بیٹھے رہے ہیں سامنے سرکار دیر تک

ہوتا رہا ہے خواب میں دیدار دیر تک

ہے یاد مجھ کو آج بھی وہ شام جب کہ ہم

بیٹھے تھے زیرِ سایۂ اشجار دیر تک

اک بار ہاتھ میرا چھوا اس کے ہاتھ سے

بجتے رہے ہیں دل کے مِرے تار دیر تک

بلا کی دھوپ میں بھی نخل سایہ دار ہوں میں

بلا کی دھوپ میں بھی نخلِ سایہ دار ہوں میں

زمیں پہ تیری محبت کا اعتبار ہوں میں

سلگ رہا ہے محبت کی آگ میں وہ شخص

اور اس پہ گرتی ہوئی کوئی آبشار ہوں میں

تمہارے ہاتھ سے نکلوں تو بے کس و مجبور

تمہارے ہاتھ میں آؤں تو اختیار ہوں میں

زندگی اصل میں آسان بھی دشوار بھی ہے

زندگی اصل میں آسان بھی، دشوار بھی ہے

ایک دیوار کہ دیوار کے اس پار بھی ہے

کیا کہوں تجھ سے کہ اس عشق سرائے کی فضا

سہم گوں بھی ہے، طلسمی بھی، پراسرار بھی ہے

دستِ قدرت نے بنایا ہے ہر اک پیکر کو

بھلا انسان سے بڑھ کر کوئی شہکار بھی ہے

پوری طرح کسی پہ ابھی کب عیاں ہوں میں

پوری طرح کسی پہ ابھی کب عیاں ہوں میں

خود اپنے واسطے کوئی رازِ نہاں ہوں میں

کھلنے لگے ہیں مجھ پہ سب اسرارِ کائنات 

حیرت سرائے عشق کی جانب رواں ہوں میں

نکلی تھی ایک روز خود اپنی تلاش میں 

یہ بھی خبر نہیں ہے مجھے اب کہاں ہوں میں

بادشاہا تیرے اعصاب پہ طاری میں تھی

بادشاہا! تیرے اعصاب پہ طاری میں تھی

وہ بھی دن تھے کہ تِری راج کماری میں تھی

درد کب تھا، وہ تِرے دل میں جنوں تھا میرا

اشک کب تھے وہ تِری آنکھ سے جاری میں تھی

یہ بھی سچ ہے کہ مجھے مار دیا ہے تُو نے

یہ بھی سچ ہے کہ تجھے جان سے پیاری میں تھی

پھولوں سے بھری راہ گزر کچھ بھی نہیں ہے

پھولوں سے بھری راہگزر کچھ بھی نہیں ہے

تم ساتھ نہیں ہو تو سفر کچھ بھی نہیں ہے

یہ چوڑیاں یہ پھول یہ وعدوں سے بھرے کارڈ

یہ کیا ہیں تِرے دل میں اگر کچھ بھی نہیں ہے

خوش ہوں کہ تِرے حرفِ تسلی کے مقابل

غم کچھ بھی نہیں، دیدۂ تر کچھ بھی نہیں ہے

کھڑکیاں مت بجا میں نہیں بولتی

کھڑکیاں مت بجا میں نہیں بولتی
جا او جھوٹی ہوا! میں نہیں بولتی
چھوڑ دے، میری دہلیز کو چھوڑ دے
تجھ سے کہہ جو دیا، میں نہیں بولتی
مجھ سے اب میٹھے لہجے میں باتیں نہ کر
میرا دل بجھ چکا، میں نہیں بولتی

سب کا احسان اٹھانے کی ضرورت کیا ہے

سب کا احسان اٹھانے کی ضرورت کیا ہے
ساتھ ہو تم، تو زمانے کی ضرورت کیا ہے
مسئلہ دونوں کا ہے، طے بھی کریں گے دونوں
شہر کو بیچ میں لانے کی ضرورت کیا ہے
دل سے طے کر کے کسی روز الگ ہو جاؤ
چھوڑنا ہے، تو بہانے کی ضرورت کیا ہے

دیکھوں گی گھر کے خواب نہ ہجرت لکھوں گی میں

دیکھوں گی گھر کے خواب نہ ہجرت لکھوں گی میں
اس بار، کوئی اور مسافت لکھوں گی میں
اس زندگی نے جو بھی مجھے دکھ دیئے، دیئے
لیکن، انہیں بھی تیری عنایت لکھوں گی میں
میری غزل میں ذکرِ زمانہ نہ آئے گا
طے یہ ہوا ہے صرف محبت لکھوں گی میں

بچپن کی وہ محرومی چلی آئی کہاں سے

بچپن کی وہ محرومی چلی آئی کہاں سے
روتی ہوئی نکلی میں کھلونوں کی دکاں سے
تم دونوں محاذوں پہ میرا ساتھ نبھانا
اِک جنگ میری خود سے ہے، اک جنگ جہاں سے
یہ گھر ہے، مگر اس کا دریچہ نہیں کوئی
اب دیکھنا یہ ہے، میں نکلتی ہوں کہاں سے