عشق سنت ہے خدا کی عشق میراث ازل

 عشق سنت ہے خدا کی، عشق میراثِ ازل

عشق کا بانی مُبانی، لَا یَمُوتُ و لَمْ یَزَلْ

عشق تنہائی پسند از روزِ اول تا ابد

عشق یکتائی کا طالب، لَم یَلِد سے لَم یُو لَد

عشق نے چاہا کہ اب ہو دل لگی کا بندوبست

عشق کی تحریک پر برپا ہوا یومِ الست

کوئی وار مجھ پہ ہو کارگر مرے دشمنوں کے حساب سے

 کوئی وار مجھ پہ ہو کارگر، مِرے دشمنوں کے حساب سے 

اسی انتظار میں مر گئے کئی درجنوں کے حساب سے

مِری چھت ٹپکنے لگی تو پھر مجھے ان خیالوں نے آ لیا 

کہ یہ بارشیں ذرا تیز ہیں مِرے برتنوں کے حساب سے

وہاں اک دوپٹہ تھا ریشمی، یہاں ایک رسی تھی بان کی

یہی گھر سے جلدی میں مل سکا انہیں گردنوں کے حساب 

یہ لال ڈبیا میں جو پڑی ہے وہ منہ دکھائی پڑی رہے گی

 یہ لال ڈبیا میں جو پڑی ہے وہ منہ دکھائی، پڑی رہے گی 

جو میں بھی رُوٹھا تو صبح تک تُو سجی سجائی پڑی رہے گی

نہ تُو نے پہنے جو اپنے ہاتھوں میں میری ان انگلیوں کے کنگن

تو سوچ لے، کتنی سُونی سُونی تِری کلائی پڑی رہے گی

ہمارے گھر سے یوں بھاگ جانے پہ کیا بنے گا، میں سوچتا ہوں

محلے بھر میں کئی مہینوں تلک دُہائی پڑی رہے گی

وہ روٹھی روٹھی یہ کہہ رہی تھی قریب آؤ مجھے مناؤ

 وہ روٹھی روٹھی یہ کہہ رہی تھی قریب آؤ، مجھے مناؤ

ہو مرد تو آگے بڑھ کے مجھ کو گلے لگاؤ، مجھے مناؤ

میں کل سے ناراض ہوں قسم سے، اور ایک کونے میں جا پڑی ہوں

ہاں میں غلط ہوں، دِکھاؤ پھر بھی تمہی جھکاؤ، مجھے مناؤ

تمہارے نخروں سے اپنی ان بن تو بڑھتی جائے گی، سن رہے ہو

تم ایک سوری سے ختم کر سکتے ہو تناؤ، مجھے مناؤ

بھلے وہ بے اصول ہے قبول ہے

 بھلے وہ بے اصول ہے، قبول ہے 

کوئی بھی اس کی بھول ہے قبول ہے 

گلاب پاؤں ہیں تِرے، نہ پیار کر

یہ راستہ ببول ہے، قبول ہے؟

وہ جھونکتا ہے میری آنکھ میں تو کیا

ذرا سی ہی تو دھول ہے، قبول ہے

حسین ہونٹ اگر ہیں تو گال اپنی جگہ

 حسین ہونٹ اگر ہیں تو گال اپنی جگہ

ہیں تم پہ نصب سبھی خد و خال اپنی جگہ

میرے غرور نے آتے ہی گھٹنے ٹیک دئیے

تھا حسنِ یار کا جاہ و جلال اپنی جگہ

نظریہ ایک تھا پر ہم تھے مختلف جیسے

جنوب اپنی جگہ ہو شمال اپنی جگہ

وہ بھی اب یاد کریں کس کو منانے نکلے

 وہ بھی اب یاد کریں کس کو منانے نکلے

ہم بھی یوں ہی تو نہ مانے تھے سیانے نکلے

میں نے محسوس کیا جب بھی کہ گھر سے نکلا

اور بھی لوگ کئی کر کے بہانے نکلے

آج کی بات پہ میں ہنستا رہا، ہنستا رہا

چوٹ تازہ جو لگی درد پرانے نکلے

تجھ کو اپنا کے بھی اپنا نہیں ہونے دینا

 تجھ کو اپنا کے بھی اپنا نہیں ہونے دینا

زخمِ دل کو کبھی اچھا نہیں ہونے دینا

میں تو دشمن کو بھی مشکل میں کمک بھیجوں گا

اتنی جلدی اسے پسپا نہیں ہونے دینا

تُو نے میرا نہیں ہونا ہے تو پھر یاد رہے

میں نے تجھ کو بھی کسی کا نہیں ہونے دینا

دیکھ کر گستاخیاں اپنے بہاؤ کے خلاف

دیکھ کر گستاخیاں اپنے بہاؤ کے خلاف

ایک دریا ہو گیا چھوٹی سی ناؤ کے خلاف

مجھ کو روکا پیار سے لوگوں نے، سو کرنا پڑا

یہ مِرا ردِ عمل تھا اس دباؤ کے خلاف

زخم سے مرہم ہٹا دو، تاکہ یہ بھی سانس لے

مجھ کو نفرت ہے دوا سے جو ہو گھاؤ کے خلاف

نہ غور سے دیکھ میرے دل کا کباڑ ایسے

 نہ غور سے دیکھ میرے دل کا کباڑ ایسے

کہ میں کبھی بھی نہیں رہا تھا اجاڑ ایسے

برا ہو تیرا جو بند رکھے تھے میں نے گھر کے

تو کھول آیا بغیر پوچھے کواڑ ایسے

جو میری روح و بدن کے ٹانکے ادھیڑ ڈالے

تو میری نظروں پہ اپنی نظروں کو گاڑ ایسے

بجائے کوئی شہنائی مجھے اچھا نہیں لگتا

بجائے کوئی شہنائی، مجھے اچھا نہیں لگتا

محبت کا تماشائی، مجھے اچھا نہیں لگتا

وہ جب بچھڑے تھے ہم تو یاد ہے گرمی کی چھٹیاں تھیں؟

تبھی سے ماہِ جولائی، مجھے اچھا نہیں لگتا

وہ شرماتی ہے اتنا کہ ہمیشہ اس کی باتوں کا

قریباً ایک چوتھائی، مجھے اچھا نہیں لگتا

عشق میں نے لکھ ڈالا قومیت کے خانے میں

عشق" میں نے لکھ ڈالا "قومیت" کے خانے میں"

‎اور "تیرا دل" لکھا "شہریت" کے خانے میں

‎مجھ کو تجربوں نے ہی باپ بن کے پالا ہے

‎سوچتا ہوں کیا لکھوں "ولدیت" کے خانے میں؟

‎میرا ساتھ دیتی ہے، میرے ساتھ رہتی ہے

‎میں نے لکھا "تنہائی"، "زوجیت" کے خانے میں

گناہ کیا ہے حرام کیا ہے حلال کیا ہے سوال یہ ہے

گناہ کیا ہے، حرام کیا ہے، حلال کیا ہے، سوال یہ ہے 

مجھے محبت سے کوئی روکے مجال کیا ہے، سوال یہ ہے 

وفا بھی میری، ادا بھی میری، دغا بھی میری، جفا بھی میری 

تو پھر محبت میں یار تیرا کمال کیا ہے، سوال یہ ہے 

ہیں بال بکھرے، ہے چال بہکی، یہ کون ہے آئینے میں میرے  

اور اس سے بڑھ کر کہ اسکے گالوں پہ لال کیا ہے، سوال یہ ہے

بغاوتیں بھی بہت بے وفائیاں بھی بہت

بغاوتیں بھی بہت، بے وفائیاں بھی بہت

محبتیں یوں تمہاری نباہیاں بھی بہت

وہی جو ہم نے سہی بے وفائی وہ سہتا

مِرے رقیب سے ہیں میری بھلائیاں بھی بہت

بہت سی حسرتیں بوڑھی ہوئی ہیں گھر بیٹھے

مگر کہ وقت پہ ہم نے بیاہیاں بھی بہت

لگا ہے جان کو جو روگ جانے والا نہیں

لگا ہے جان کو جو روگ جانے والا نہیں

مجھے پتہ ہے کہ اب تُو منانے والا نہیں

مکانِ دل میں کوئی آ کے بس گیا آسیب

وہ جانتا ہے یہاں کوئی آنے والا نہیں

مجھے لگا تھا وہ سب کچھ بھلا کے آئے گا

مجھے نہیں تھا پتہ وہ بھلانے والا نہیں

محبت برملا ہے یہ اشاروں سے نہیں ہوتی

محبت برملا ہے یہ اشاروں سے نہیں ہوتی 

سمندر کیا ہے، آگہی کناروں سے نہیں ہوتی 

مِری قسمت ہے میرے ہاتھ میں، ہے کون جو بدلے 

کہ یہ جرأت تو خود میرے ستاروں سے نہیں ہوتی 

کسی اُمت، کسی مِلت کی اونچائی حقیقت میں 

معیاروں سے تو ہوتی ہے مِناروں سے نہیں ہوتی 

دل کو وہی آزار ہے کچھ کرنا پڑے گا

دل کو وہی آزار ہے کچھ کرنا پڑے گا

پھر عشق سے دو چار ہے کچھ کرنا پڑے گا

ہے نام یا عزت یا محبت یا کمائی

ہر کام ہی دشوار ہے کچھ کرنا پڑے گا

یہ حکم ہے بولوں وہی جو حکم ہو اس کا

یہ شاہ کا دربار ہے، کچھ کرنا پڑے گا

جھوٹا ہوں دھوکے باز ہوں اچھا نہیں رہا

جھوٹا ہوں دھوکے باز ہوں، اچھا نہیں رہا

میں ہو گیا جوان اب بچہ نہیں رہا

اب رو کہ عشق راس تو آتا ہے مگر کم

دیکھا میں بارہا تجھے کہتا نہیں رہا

یہ کہہ رہا تھا آئینہ جھوٹا نہیں ہوں میں

میں کہہ رہا تھا، آئینہ سچا نہیں رہا

کام کو آدھا کر لیتے ہیں

کام کو آدھا کر لیتے ہیں

عشق زیادہ کر لیتے ہیں

درد سے جب بھر جائے دل تو

اور کشادہ کر لیتے ہیں

پیار تو ہم بھی کرتے ہیں پر

وہ کچھ زیادہ کر لیتے ہیں

جدائیوں کے زمانے کب تک نجانے کب تک

جدائیوں کے زمانے کب تک، نجانے کب تک 

تم آؤ گے یہ بتانے کب تک، نجانے کب تک

میں روٹھ بیٹھا ہوں جب سے، تم سے یہ سوچتا ہوں 

کہ آ رہے ہو منانے کب تک، نجانے کب تک

اب آ بھی جاؤ کہ تازگی زندگی میں آئے 

میں غم سنبھالوں پرانے کب تک، نجانے کب تک