شب وصل کی بھی چین سے کیوں کر بسر کریں

 شب وصل کی بھی چین سے کیونکر بسر کریں​

جب یوں نگاہبانئ مرغِ سحر کریں​

محفل میں اک نگاہ اگر وہ ادھر کریں​

سو سو اشارے غیر سے پھر رات بھر کریں​

طوفانِ نوح لانے سے اے چشم فائدہ؟​

دو اشک بھی بہت ہیں، اگر کچھ اثر کریں

ہم ہیں اور حسرت دیدار ترے کوچے میں

روز خوں ہوتے ہیں دو چار تِرے کوچے میں

ایک ہنگامہ ہے اے یار! ترے کوچے میں

شعر بس اب نہ کہوں گا کہ کوئی پڑھتا تھا

اپنے حالی مِرے اشعار ترے کوچے میں

تُو ہے اور غیر کے گھر جلوہ طرازی کی ہوس

ہم ہیں اور حسرتِ دیدار ترے کوچے میں

دانائیوں سے اچھے ہیں نادانیوں میں ہم

کم فہم ہیں تو کم ہیں پریشانیوں میں ہم

دانائیوں سے اچھے ہیں نادانیوں میں ہم

شاید رقیب ڈوب مریں بحرِ شرم میں

ڈوبیں گے موجِ اشک کی طغیانیوں میں ہم

غیروں کے ساتھ آپ بھی اٹھتے ہیں بزم سے

لو میزبان بن گئے مہمانیوں میں ہم

میں وصل میں بھی شیفتہ حسرت طلب رہا

میں وصل میں بھی شیفتہ حسرت طلب رہا

گستاخیوں میں بھی مجھے پاسِ ادب رہا

تغیر وضع کی ہے، اشارہ وداع کا

یعنی جفا پہ خوگرِ الطاف کب رہا

'میں رشک سے چلا تو کہا، 'بے سبب چلا

'اس پر جو رہ گیا تو کہا، 'بے سبب رہا

رات واں گل کی طرح سے جسے خنداں دیکھا

رات واں گل کی طرح سے جسے خنداں دیکھا

صبح بلبل کی روش ہمدمِ افغاں دیکھا

کوئی بے جان جہاں میں نہیں جیتا، لیکن

تیرے مہجور کو جیتے ہوئے بے جاں دیکھا

میں نے کیا جانیے کس ذوق سے دی جاں دمِ قتل

کہ بہت اس سے ستم گر کو پشیماں دیکھا

اس بزم میں ہر ایک سے کم تر نظر آیا

اس بزم میں ہر ایک سے کم تر نظر آیا

وہ حسن کہ خورشید کے عہدے سے بر آیا

بے فائدہ ہے وہم کہ کیوں بے خبر آیا

اس راہ سے جاتا تھا ہمارے بھی گھر آیا

کچھ دور نہیں ان سے کہ نیرنج بتا دیں

کیا فائدہ گر آنکھ سے لختِ جگر آیا

دشمن سے ہے میرے دل مضطر کی شکایت

دشمن سے ہے میرے دلِ مضطر کی شکایت

کیوں کر نہ کروں شوخئ دلبر کی شکایت

دیوانۂ الفت ادب آموزِ خرد ہے

سودے میں نہیں زلفِ معنبر کی شکایت

تاخیر نہ کر قتلِ شہیدانِ وفا میں

ہر ایک کو ہے تیزئ خنجر کی شکایت

شوخی نے تیری لطف نہ رکھا حجاب میں

شوخی نے تیری، لطف نہ رکھا حجاب میں

جلوے نے تیرے، آگ لگائی نقاب میں

آ، نغمہ گر ہو، چرخ میں لا آسمان کو

آ، رقص کر، زمین کو ڈال اضطراب میں

سو مہر کا فروغ ہے واں جلوہ گاہ میں 

سو باغ کی شمیم ہے واں رختِ خواب میں

یوں پاس بوالہوس رہیں چشم غضب سے دور

 یوں پاس بوالہوس رہیں چشمِ غضب سے دور​

یہ بات ہے بڑی دلِ عاشق طلب سے دور​

دیوانہ میں نہیں کہ انا لیلیٰ لب پہ آئے​

باتیں خلافِ وضع ہیں اہلِ ادب سے دور​

مجھ کو سنا کے کہتے ہیں ہمدم سے، یاد ہے​

اک آدمی کو چاہتے تھے ہم بھی اب سے دور

اٹھے نہ چھوڑ کے ہم آستان بادہ فروش

 اٹھے نہ چھوڑ کے ہم آستانِ بادہ فروش

طلسمِ ہوش ربا ہےدکانِ بادہ فروش

کھلا جو پردہ روئے حقائقِ اشیاء

کھلی حقیقتِ رازِ نہانِ بادہ فروش

فسردہ طینتی و کاہلی سے ہم نے کبھی

شباب میں بھی نہ دیکھی دکانِ بادہ فروش

گور میں یاد قد یار نے سونے نہ دیا

گور میں یادِ قدِ یار نے سونے نہ دیا

فتنۂ حشر کو رفتار نے سونے نہ دیا

واہ اے طالعِ خفتہ! کہ شبِ عیش میں بھی

وہم بے خوابئ اغیار نے سونے نہ دیا

وا رہیں صورتِ آغوش، سحر تک آنکھیں

شوقِ ہم خوبئ دلدار نے سونے نہ دیا

روز غم میں کیا قیامت ہے شب عشرت کی یاد

روزِ غم میں کیا قیامت ہے شبِ عشرت کی یاد

اشکِ خوں سے آ گئیں رنگینیاں صحبت کی یاد

میری حالت دیکھ لو تغیر کتنی ہو چکی

وصل کے دن دم بہ دم کیوں شیشۂ ساعت کی یاد

میں ہوں بیکس اور بیکس پر ترحم ہے ضرور

حسنِ روز افزوں دلا دینا مِری حالت کی یاد

جی داغ غم رشک سے جل جائے تو اچھا

جی داغِ غمِ رشک سے جل جائے تو اچھا

ارمان عدو کا بھی نکل جائے تو اچھا

پروانہ بنا میرے جلانے کو وفادار

محفل میں کوئی شمع بدل جائے تو اچھا

کس چین سے نظارۂ ہر دم ہو میسر

دل کوچۂ دشمن میں بہل جائے تو اچھا

اس جنبش ابرو کا گلہ ہو نہیں سکتا

اس جنبشِ ابرو کا گِلہ ہو نہیں سکتا

دل گوشت ہے، ناخن سے جدا ہو نہیں سکتا

کچھ تُو ہی اثر کر، تِرے قربان خموشی

نالوں سے تو کچھ کام مِرا ہو نہیں سکتا

گر غیر بھی ہو وقفِ ستم تو ہے مسلّم

کچھ تم سے بجز جور و جفا ہو نہیں سکتا

ہائے اس برق جہاں سوز پر آنا دل کا

ہائے اس برقِ جہاں سوز پر آنا دل کا

سمجھے جو گرمئ ہنگامہ جلانا دل کا

ہے تِرا سلسلۂ زُلف بھی کتنا دل بند

پھنسنے سے پہلے بھی مشکل تھا چھٹانا دل کا

دیکھتے ہم بھی کہ آرام سے سوتے کیوں کر

نہ سنا تم نے کبھی ہائے فسانہ دل کا

شیفتہ ہجر میں تو نالۂ شب گیر نہ کھینچ

شیفتہؔ! ہجر میں تو نالۂ شب گیر نہ کھینچ

صبح ہونے کی نہیں خجلتِ تاثیر نہ کھینچ

اے ستمگر! رگِ جاں میں ہے مری پیوستہ

دَم نکل جائے گا سینے سے مِرے تیر نہ کھینچ

حور پر بھی کوئی کرتا ہے عمل دنیا میں

رنجِ بے ہودہ بس اے عاملِ تسخیر نہ کھینچ

پابندئ وحشت میں زنجیر کے مشتاق

پابندئ وحشت میں زنجیر کے مشتاق

دیوانے ہیں اس زلفِ گِرہ گیر کے مشتاق

بے رحم نہیں جرمِ وفا قابلِ بخشش

محروم ہیں کس واسطے تعزیر کے مشتاق

رہتے تھے بہم جن سے مثالِ ورق و حرف

اب ان کی رہا کرتے ہیں تحریر کے مشتاق