رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
عارفانہ کلام حمد نعت منقبت
کوئی محشر بھی ہوتا، کوئی پُل تلوار ہو جاتا
میں تیراﷺ نام لیتا، پاؤں رکھتا، پار ہو جاتا
اگر سورج اُتر آتا، سوا نیزے کی دُوری پر
وہاں بھی نام تیراﷺ سایۂ دیوار ہو جاتا
اُدھر دیکھا نہیں آقاؐ نے، تو کچھ بھید ہے ورنہ
جہنم پر نظر پڑتی تو وہ گلزار ہو جاتا
چل دیا وہ دیکھ کر پہلو مِری تقصیر کا
دوسرا رخ اس نے دیکھا ہی نہیں تصویر کا
باقی سارے خط پہ دھبے آنسوؤں کے رہ گئے
ایک ہی جملہ پڑھا میں نے تِری تحریر کا
تُو نے کیسے لفظ ہونٹوں کی کماں میں کس لیے
اتنا گہرا گھاؤ تو ہوتا نہیں ہے تیر کا
تعلقات میں یہ ایک سانِحہ بھی ہے
محبتیں بھی ہیں اور درمیاں اَنا بھی ہے
یہ ٹھیک، تجھ کو شکایت بھی ہے، گلہ بھی ہے
تو یہ بتا کہ تجھے میں نے کچھ کہا بھی ہے
کوئی بھی پُل ہو، وہ دو ساحلوں پہ بنتا ہے
گر ایک دل ہے تِرا، ایک دل مِرا بھی ہے
سوئی رہی ہے ساری خدائی تمام شب
دیتا رہا ہے کوئی دُہائی تمام شب
جس کے لیے عدیم سجائی تمام شب
اس نے تو شکل بھی نہ دکھائی تمام شب
شاید پہل اسی کی طرف سے ہو بات کی
اس انتظار میں ہی گنوائی تمام شب
ازل سے جو سروں پر ہے، ہمیشہ وہ سماں کیوں ہو
نئے ہیں ہم زمیں پر تو پرانا آسماں کیوں ہو
ہرا سورج کبھی نکلے، ستارے سرخ ہو جائیں
وہی پیلے سے انگارے، وہی نیلا دھواں کیوں ہو
شمالاً اور جنوباً بھی ستارے چل تو سکتے ہیں
سدا مغرب کی جانب ہی رواں یہ کارواں کیوں ہو
اگر پوچھا کہ مجھ سے کام کیا ہے، کیا کہوں گا میں
کہا اس کام کا انجام کیا ہے؟ کیا کہوں گا میں
مجھے پہچاننے سے اس نے گر انکار کر ڈالا
اگر پوچھا کہ تِرا نام کیا ہے؟ کیا کہوں گا میں
پیامی بن کے جاؤں میں بچھڑنے کا تو کیا بولوں
اگر پوچھا تِرا پیغام کیا ہے؟ کیا کہوں گا میں
پہلے تو دل وفا سے بھی آگے نکل گیا
پھر دل اس انتہا سے بھی آگے نکل گیا
آواز دے کے اس کو بلاؤں میں کس طرح
وہ تو حدِ صدا سے بھی آگے نکل گیا
نکلی ہے روح نور کی رفتار سے بھی تیز
پَل میں کوئی خلا سے بھی آگے نکل گیا
پھر جدائی، پھر جیے، پھر مر چلے
لیکن اپنے دل کی جھولی بھر چلے
بڑھ رہی ہیں خواہشیں دل کی طرف
جیسے حملے کے لیے لشکر چلے
انتظار، اور انتظار، اور انتظار
کیسے کیسے مرحلے سر کر چلے
نذرِ شکیب جلالی
جلتا رہا ہوں رات کی تپتی چٹان پر
سورج تھا جیسے، چاند نہ تھا آسمان پر
اک روگ ہے کہ جاں کو لگا ہے اڑان کا
ٹوٹا ہوا پڑا ہوں پروں کی دکان پر
میں راستوں میں اس کا لگاؤں کہاں سراغ
سو سو قدم ہیں، ایک قدم کے نشان پر
شہرِ برباد میں
شہرِ برباد میں
ایک وحشت کھڑی ہے ہر اک موڑ پر
گردِ ناکامئ عمر کی کوئی سوغات لے کر
ہمارے دلوں کی اداسی
یونہی بے سبب تو نہ تھی
میرے راستے میں پڑاؤ ہے
کسی رائیگانی کے درد کا
کئی گہری گہری اداسیاں
مجھے ڈھونڈ لائی ہیں شہر سے
تیرے بعد دہر میں زندگی
کئی ہجرتوں کی اسیر ہے
کوئی پتھر کوئی گہر کیوں ہے
فرق لوگوں میں اس قدر کیوں ہے
تو ملا ہے تو یہ خیال آیا
زندگی اتنی مختصر کیوں ہے
جب تجھے لوٹ کر نہیں آنا
منتظر میری چشم تر کیوں ہے
پھر بھی بیٹھی ہے خزاں باغ کی دیوار کے ساتھ
جبکہ پتاّ بھی نہیں ہے کوئی اشجار کے ساتھ
کچھ تعلق تو نہیں تھا مِرا بیمار کے ساتھ
پھر بھی دل ڈوب گیا شام کے آثار کے ساتھ
کس نے چمکایا ہے سورج مِری دیوار کے ساتھ
صبح ہوتی ہے مِری تو، ترے دیدار کے ساتھ
