چاند نگریا دھوکا دے گی شاعر کو معلوم نہ تھا

 چاند نگریا دھوکا دے گی شاعر کو معلوم نہ تھا

نظم و غزل کی جوت جلے گی ایسا تو مقسوم نہ تھا

شہرِ ستم میں رہنے والے جانے کہاں روپوش ہوئے

ہاتھ میں سب کے تیغِ ستم تھی جہاں کوئی مظلوم نہ تھا

دل دے کے چاہت پا لینا، چاہت دے کر کربِ جہاں

لیکن وہ نادان نہیں تھا میں بھی کچھ معصوم نہ تھا

اشک گرنے لگے آنکھوں میں گل تر اترا

 اشک گرنے لگے آنکھوں میں گُلِ تر اُترا

پھر مِرے سینۂ احساس میں خنجر اترا

کوئی کوچہ نہ سڑک، گھر نہ محلہ کوئی

چاند کیا دیکھ کے اس شہر کے اندر اترا

دور تک جس کے تعاقب میں گئے تھے ہم بھی

شہ سوار ایسا نہ جانے کہاں جا کر اترا

جب سے شہر دل کا رکھوالا گیا

 جب سے شہر دل کا رکھوالا گیا

مجھ کو ٹکڑے ٹکڑے کر ڈالا گیا

کوششیں سب رائیگاں ہوتی گئیں

ٹُوٹ کر ہی پاؤں کا چھالا گیا

سانپ سے نیندوں میں لہراتے رہے

خواب کے پنجرے میں کیا پالا گیا

جلے گا چاند ستارے دھواں اڑائیں گے

جلے گا چاند ستارے دُھواں اُڑائیں گے 

ہمارے خواب تِری آنکھ میں جب آئیں گے

مِری نظر سے وہ چہرے اُتر نہیں سکتے 

جنہیں یہ اہلِ نظر جلد بھُول جائیں گے

غزل سناؤ، بہلنا بہت ضروری ہے 

ہنسیں گے لوگ ہم آنسو اگر بہائیں گے