یہ حسیں جواں نظارے یہ بہار یاد رکھنا

 گیت/غزل

یہ حسیں جواں نظارے یہ بہار یاد رکھنا

او دور جانے والے میرا پیار یاد رکھنا

تجھے راہ چلتے چلتے کوئی اجنبی ملے جب

تیری سُونی زندگی میں کوئی پھول سا کھلے جب

میری زندگی کی پہلی یہ بہار یاد رکھنا

یہ حسیں جواں نظارے یہ بہار یاد رکھنا

یہ حسیں جواں نظارے 

مجھے موت کیوں نہ آئی تری بے رخی سے پہلے

مجھے موت کیوں نہ آئی تِری بے رخی سے پہلے

کوئی غم نہیں تھا مجھ کو غمِ عاشقی سے پہلے

نہ ملا تھا پیار سے تُو کسی اجنبی سے پہلے

نہ کوئی تھا میرا دشمن تِری دوستی سے پہلے

میرے دل کو تُو نے توڑا نہ کہیں کا مجھ کو چھوڑا

میری زندگی میں آیا بڑی سادگی سے پہلے

پہلے ہمدرد بنے گا مجھے معلوم نہ تھا

پہلے ہمدرد بنے گا مجھے معلوم نہ تھا

پھر جفائیں بھی کرے گا مجھے معلوم نہ تھا

میرا ہمدرد، مِرا دوست، مِرا ہمراہی

کبھی دشمن بھی بنے گا مجھے معلوم نہ تھا

دیکھ کر جو مِری صورت کو جیا کرتا تھا

میرے سائے سے بچے گا مجھے معلوم نہ تھا

مرے پیار کو تم بھلا تو نہ دو گے

گیت

میرے پیار کو تم بھلا تو نہ دو گے

کہیں دوست بن کے دغا تو نہ دو گے

تمہیں دیکھنے کو ترستا رہوں میں

محبت میں ایسی سزا تو نہ دو گے

کسی اور کا نام تم دل پہ لکھ کے

میرا نام دل سے مٹا تو نہ دو گے

اے صنم تجھ سے میں جب دور چلا جاؤں گا

گیت

اے صنم تجھ سے میں جب دور چلا جاؤں گا

یاد رکھنا کہ تجھے یاد بہت آؤں گا

یہ ملن اور یہ حسین رات نہ جانے کب ہو

آج کے بعد ملاقات نہ جانے کب ہو

اب ترے شہر، مسافر کی طرح آؤں گا

یاد رکھنا کہ تجھے یاد بہت آؤں گا