سبک رفتار لمحوں کی حدیں ترتیب دیتا ہوں

سُبک رفتار لمحوں کی حدیں ترتیب دیتا ہوں

سحر کے سانس گِنتا ہوں شبیں ترتیب دیتا ہوں

مِرے لوگوں کی فطرت میں یزیدی وصف شامل ہے 

وہی مجھ کو مٹاتے ہیں جنہیں ترتیب دیتا ہوں 

خزاں نے خشک پتّوں میں صدائیں بانٹ رکھی ہیں 

میں ان کی سرسراہٹ سے دُھنیں ترتیب دیتا ہوں 

مرے وہم و گماں سے بھی زیادہ ٹوٹ جاتا ہے

 مِرے وہم و گماں سے بھی زیادہ ٹوٹ جاتا ہے

یہ دل اپنی حدوں میں رہ کے اتنا ٹوٹ جاتا ہے

میں روؤں تو در و دیوار مجھ پر ہنسنے لگتے ہیں

ہنسوں تو میرے اندر جانے کیا کیا ٹوٹ جاتا ہے

میں جس لمحے کی خواہش میں سفر کرتا ہوں صدیوں کا

کہیں پاؤں تلے آ کر وہ لمحہ ٹوٹ جاتا ہے

دل کے مندر میں سجاتے تری پوجا کرتے

 دل کے مندر میں سجاتے تِری پوجا کرتے

تیری خواہش تھی تو کہتا تجھے سجدہ کرتے

ہم نہ ہوتے تو کوئی اور محبت کرتا

تُو نہ ہوتا بھی تو ہم تیری تمنا کرتے

اب تجھے روز نہ سوچوں تو بدن ٹوٹتا ہے

عمر گزری ہے تِری یاد کا نشہ کرتے

یہ نور جڑا دل کے نگینے میں رہے گا

عارفانہ کلام نعتیہ کلام

یہ نور جڑا دل کے نگینے میں رہے گا

اب گنبدِ خضرا مِرے سینے میں رہے گا

جو کوئی سلیقے سے چلا جائے گا در تک

پھر چاہے کہیں جائے قرینے میں رہے گا

جب تک مِری پلکوں کو اجازت نہیں ملتی

گریہ کا عمل جاری پسینے میں رہے گا

تجھے کس خدا کی تلاش ہے

عارفانہ کلام حمدیہ کلام

تلاش

تجھے کس خدا کی تلاش ہے

یہاں اور کوئی خدا نہیں

وہی ایک ہے

مجھے آج تک جو ملا نہیں

جو ندیم ہے، جو کریم ہے، جو علیم ہے

یہ جو سینے میں لیے کرب دروں زندہ ہوں

 یہ جو سینے میں لیے کربِ درُوں زندہ ہوں

کوئی امید سی باقی ہے کہ یوں زندہ ہوں

شہر کا شہر تماشائی بنا بیٹھا ہے

اور میں بن کے تماشائے جنُوں زندہ ہوں

میری دھڑکن کی گواہی تو میرے حق میں نہیں

ایک احساس سا رہتا ہے کہ ہوں زندہ ہوں

راہ دیکھوں تو مری تاب نظر جاتی ہے

 راہ دیکھوں تو مِری تابِ نظر جاتی ہے

یہ نظر ہے کہ جو تا حدِ نظر جاتی ہے

میں نے سوچا تھا کہ یہ موج گزر جائے گی

میں سمجھتا تھا کہ ہر موج گزر جاتی ہے

اک مِرا دل کہ سمندر سے نہ سیراب ہوا

اور یہ آنکھ کہ اک اشک سے بھر جاتی ہے