کھل کے آ جائے گی ہر بات ذرا صبر کرو

 کھل کے آ جائے گی ہر بات، ذرا صبر کرو

وقت ہے کاشفِ حالات، ذرا صبر کرو

صبح نکلے گی تو ہو جائے گی ظاہر ہر شے 

چند گھڑیوں کی ہے یہ رات، ذرا صبر کرو 

سامنے کون ہے اور کون پسِ پردہ ہے؟

چھپ سکے گی نہ کوئی بات، ذرا صبر کرو

خدا سے دل ہے بس اتنا دعا گزار مرا

خُدا سے دل ہے بس اتنا دُعا گُزار مِرا

تمہارے چاہنے والوں میں ہو شمار مرا

کھڑے تھے روک کے غم راستہ ہزار مرا

تِری نظر نے نہ گرنے دیا وقار مرا

رہے گا یوں ہی ہمیشہ نہ دل فگار مرا

خدا نے چاہا تو بدلے گا حالِ زار مرا

توانا رکھتی ہے ہر آن آرزوئے رسول

 عارفانہ کلام حمد نعت منقبت

توانا رکھتی ہے ہر آن آرزُوئے رسولﷺ

نڈھال ہونے نہیں دیتی جستجُوئے رسولﷺ

تمام دعوے محبت کے میرے ناقص ہیں

جو میرے طرزِ عمل سے نہ جھلکے خُوئے رسولؐ

مرے لیے ہیں یہ عنبر یہ مشک بے معنی

مجھے تو رکھتی ہے سرمست ایک بُوئے رسولؐ

یہ کائنات جس نے تخلیق کی عدم سے میرا خدا وہی ہے

 عارفانہ کلام حمد نعت منقبت

میرا خُدا وہی ہے

یہ کائنات جس نے تخلیق کی عدم سے

قائم ہے نظمِ ہستی جس ذات کے کرم سے

نورِ ازل سے جس کے دنیا میں روشنی ہے

میرا خُدا وہی ہے، میرا خُدا وہی ہے

سب کی ضرورتوں کا سامان کرنے والا 

سارے جہاں پہ اپنا احسان کرنے والا

میخانۂ حاضر کا نظام اور طرح کا

مے خانۂ حاضِر کا نظام اور طرح کا

مے اور طرح کی ہے تو جام اور طرح کا 

اس دور کے ساقی کا ہے اپنے لیے کچھ اور

اوروں کے لیے بادہ و جام اور طرح کا

اوروں میں لُٹائے ہیں سبُو اور طرح کے

اور مجھ کو دیا اس نے ہے جام اور طرح کا

کاش تجھے دکھائی دے کاش تجھے سنائی دے

 کاش

اے مِرے رہنمائے قوم

کام کرے نہ جب دماغ

منہ کا دیں کان ساتھ کیوں؟

کیسے نہ ڈگمگائیں پیر

کھوئیں نہ ربط ہاتھ کیوں؟

اے مِرے رہنمائے قوم

پھر کوئی بانگ درا خواب گراں تک پہنچے

پھر کوئی بانگِ درا خوابِ گِراں تک پہنچے

کوئی آواز درُوں، خانۂ جاں تک پہنچے 

شرق تا غرب ہر اک پِیر و جواں تک پہنچے

"میرا پیغام محبت ہے جہاں تک پہنچے" 

اس تبسّم کی جھلک قلبِ تپاں تک پہنچے

کِھل اُٹھے غُنچۂ دل مُشک جہاں تک پہنچے 

میری مہجورئ پیہم کا بھی درماں یا رب

قافلے شوق کے اسرارِ نہاں تک پہنچے 

حوصلے نے گُل و گُلزار کیا صحرا کو

پاؤں ہمّت کے سرِ کوہستاں تک پہنچے 

مر گئے گُھٹ کے دم اپنے ہی نہاں خانے میں

دل کے ارمان بہت کم ہی زباں تک پہنچے 

پیار کہتے ہیں جسے نام ہے قُربانی کا

وہ تجارت ہے کہ جو سُود و زیاں تک پہنچے 

اتنا آسان نہ تھا عشق کی منزل کا سفر

زندگی ہم نے لُٹائی تو یہاں تک پہنچے 

تُو نے جو آگ لگائی تھی مِرے آنگن میں

اس کے شُعلے ہیں جو یہ تیرے مکاں تک پہنچے 

میرا کردار بھی ہے گردشِ ایّام کے ساتھ

بے سبب نغمے نہیں آہ و فُغاں تک پہنچے 

زندگی پُھونک چُکی آتشِ فُرقت دلدار

آگے یہ دُشمنِ جاں جانے کہاں تک پہنچے 

دلدار احمد علوی