غم آئیں تو آنے دو ہم ڈرتے نہیں غم سے

عارفانہ کلام نعتیہ کلام

غم آئیں تو آنے دو ہم ڈرتے نہیں غم سے

لَو ہم نے لگا لی ہے سرکارِ دو عالمﷺ سے

کیا پیاس بُجھے میری ساگر ہیں سبھی کھارے

اِک بُوند کا طالب ہوں، اس وادیٔ شبنم سے

پرواز خیالوں نے، ہر دل نے نظر پائی

کیا کیا نہ ملا ہم کو اس حسنِ مجسمﷺ سے

مالی اداس ہے نہ یہ گلشن اداس ہے

 مالی اداس ہے نہ یہ گلشن اداس ہے

آندھی میں صرف ایک نشیمن اداس ہے

جمنا کے تیر بجتی ہے نیرو کی بانسری

رانجھے کا دیش ہیر کا مدھوبن اداس ہے

مجھ کو سکھی کا امتحاں لینا تھا لے لیا

میری بلا سے گر مِرا دامن اداس ہے

دعا کیجے وہ برگد اور بھی پھولے پھلے برسوں

 دعا کیجے وہ برگد اور بھی پھولے پھلے برسوں

کہ جس کی چھاؤں میں ہم آپ سے ملتے رہے برسوں

کوئی جگنو بھٹکتا آ گیا تو آ گیا، ورنہ

چراغِ قبر بن کر ہم اکیلے ہی جلے برسوں

یہ سنگِ میل بھی پہلے کوئی بھٹکا مسافر تھا

جسے اپنی ہی منزل ڈھونڈنے میں لگ گئے برسوں

ہم فقیری مزاج رکھتے ہیں

 ہم فقیری مزاج رکھتے ہیں

اپنی ٹھوکر میں تاج رکھتے ہیں

ہاتھ میں کاسہ اور مِرے حاکم

سر پہ سونے کا تاج رکھتے ہیں

سارے دنیا میں قاتل و مقتول

اپنا اپنا مزاج رکھتے ہیں

اپنی ماں کی دعائیں پاتا ہوں

اپنی ماں کی دعائیں پاتا ہوں

اس لیے ہی تو مسکراتا ہوں

پیار کی بھوک جب ستاتی ہے

دوستوں سے فریب کھاتا ہوں

یہ بھی میرے لیے عبادت ہے

راستوں میں دِیے جلاتا ہوں

دے کے دستک شباب آتا ہے

 دے کے دستک شباب آتا ہے

بن بلائے حجاب آتا ہے

پہلے آنکھوں میں خواب آتا ہے

تب کہیں انقلاب آتا ہے

پھر تو رہتی نہیں ندی بیوہ

جب پہاڑوں سے آب آتا ہے