وہ گھر چراغ تھا اور تیرگی یزید کی فوج

 عارفانہ کلام حمد نعت منقبت

وہ گھر چراغ تھا اور تیرگی یزید کی فوج

علیؑ کے نُور میں کیا دیکھتی یزید کی فوج

فُرات فرطِ نِدامت سے منہ چُھپاتا ہوا

اور اپنی پیاس چُھپاتی ہوئی یزید کی فوج

لڑائی آج بھی جاری ہے آب و تاب کے ساتھ

وہی حسینؑ کا کنبہ وہی یزید کی فوج

دوستوں بھائیوں کے ہوتے ہوئے

 دوستوں بھائیوں کے ہوتے ہوئے

گر گئے ہم جڑوں کے ہوتے ہوئے

خشک سالی سمجھ سے باہر ہے

اس قدر بارشوں کے ہوتے ہوئے

پانی گلیوں میں بہہ گیا سارا

اتنے خالی گھڑوں کے ہوتے ہوئے

ترے کیے کا زمانہ مجھ سے حساب لے گا

 تِرے کیے کا زمانہ مجھ سے حساب لے گا

کہ تیرا کیا ہے تجھے تو کوئی بھی بخش دے گا

میں اپنے بچوں کو خود پڑھاؤں گا اور ایسے

کہ کچھ کتابوں کا کوئی مطلب نہیں رہے گا

ہمارے پہلے بنانے والے تو مٹ گئے ہیں

ہمیں دوبارہ بنانے والوں کا کیا بنے گا

فون تو دور وہاں خط بھی نہیں پہنچیں گے

 فون تو دور وہاں خط بھی نہیں پہنچیں گے

اب کہ یہ لوگ تجھے ایسی جگہ بھیجیں گے

زندگی! دیکھ چکے تجھ کو بڑے پردے پر

آج کے بعد کوئی فلم نہیں دیکھیں گے

مسئلہ یہ ہے میں دشمن کے قرِیں پہنچوں گا

اور کبوتر مِری تلوار پہ آ بیٹھیں گے

یہ جو تکرار ہے ہمارے بیچ

 یہ جو تکرار ہے ہمارے بیچ

آخری بار ہے ہمارے بیچ

تازہ سرخی ہے اس کے ہونٹوں پر

کل کا اخبار ہے ہمارے بیچ

سال میں ایک دو ملاقاتیں

کس قدر پیار ہے ہمارے بیچ

اس طرح کوئی خود کو سنوارا نہیں کرتا

 اس طرح کوئی خود کو سنوارا نہیں کرتا

میں یونہی تو مڑ مڑ کے نظارا نہیں کرتا

دریا کو ابھی علم نہیں میری انا کا

میں ڈوب تو جاتا ہوں کنارا نہیں کرتا

دیوار بنا رہتا ہوں اس جسم کے آگے

جب تک کہ وہ خود کوئی اشارا نہیں کرتا

اب بس اس کے دل کے اندر داخل ہونا باقی ہے

 اب بس اس کے دل کے اندر داخل ہونا باقی ہے

چھ دروازے توڑ چکا ہوں اک دروازہ باقی ہے

دولت شہرت بیوی بچے اچھا گھر اور اچھے دوست

کچھ تو ہے جو ان کے بعد بھی حاصل کرنا باقی ہے

میں برسوں سے کھول رہا ہوں اک عورت کی ساڑی کو

آدھی دنیا گھوم چکا ہوں،۔ آدھی دنیا باقی ہے

میرے کمرے میں اک ایسی کھڑکی ہے

 میرے کمرے میں اک ایسی کھڑکی ہے

جو ان آنکھوں کے کھلنے پر کھلتی ہے

ایسے تیور دشمن ہی کے ہوتے ہیں

پتا کرو یہ لڑکی کس کی بیٹی ہے؟

رات کو اس جنگل میں رکنا ٹھیک نہیں

اس سے آگے تم لوگوں کی مرضی ہے

وقت ہی کم تھا فیصلے کے لیے

 وقت ہی کم تھا فیصلے کے لیے

ورنہ میں آتا مشورے کے لیے

تم کو اچھے لگے تو تم رکھ لو

پھول توڑے تھے بیچنے کے لیے

گھنٹوں خاموش رہنا پڑتا ہے

آپ کے ساتھ بولنے کے لیے

تم نے بھی ان سے ہی ملنا ہوتا ہے

 تم نے بھی ان سے ہی ملنا ہوتا ہے

جن لوگوں سے میرا جھگڑا ہوتا ہے

اس کے گاؤں کی ایک نشانی یہ بھی ہے

ہر نلکے کا پانی میٹھا ہوتا ہے

میں اس شخص سے تھوڑا آگے چلتا ہوں

جس کا میں نے پیچھا کرنا ہوتا ہے

آخری آندھی نے سب کچھ پہلے جیسا کر دیا

 آخری آندھی نے سب کچھ پہلے جیسا کر دیا

پردے میلے کر دئیے، قالین گندا کر دیا

میرے سارے لوگ رفتہ رفتہ اس کے ہو گئے

مجھ کو اس کی محفلوں نے اور تنہا کر دیا

آسمانوں سے ستارے، اور قبروں سے گلاب

مجھ سے پوچھو میں نے اس کو کیا نہیں لا کر دیا

بول پڑتے ہیں ہم جو آگے سے

 بول پڑتے ہیں ہم جو آگے سے

پیار بڑھتا ہے اس رویے سے

میں وہی ہوں یقیں کرو میرا

میں جو لگتا نہیں ہوں چہرے سے

ہم کو نیچے اتار لیں گے لوگ

عشق لٹکا رہے گا پنکھے سے

کوئی بھی رستہ بہت سوچ کر چنوں گا میں

 کوئی بھی رستہ بہت سوچ کر چنوں گا میں

اور اب کی بار اکیلا سفر کروں گا میں

اسے لکھوں گا کہ وہ رابطہ کرے مجھ سے

اور اختتام پہ نمبر نہیں لکھوں گا میں

میں اور ہجر کے صدمے نہیں اٹھا سکتا

وہ اب جہاں بھی ملا ہاتھ جوڑ لوں گا میں

کس طرح ایمان لاؤں خواب کی تعبیر پر

 کس طرح ایمان لاؤں خواب کی تعبیر پر

چھپکلی چڑھتے ہوئے دیکھی ہے اس تصویر پر

میرا دل بھی بچ گیا اور اس کا دل بھی بچ گیا

کیونکہ میں نے تیر کھینچا تھا عدو کے تیر پر

اس نے ایسی کوٹھری میں قید رکھا تھا ہمیں

روشنی آنکھوں پہ پڑتی تھی یا پھر زنجیر پر

اسی ندامت سے اس کے کندھے جھکے ہوئے ہیں

 اسی ندامت سے اس کے کندھے جھکے ہوئے ہیں

کہ ہم چھڑی کا سہارا لے کر کھڑے ہوئے ہیں

یہاں سے جانے کی جلدی کس کو ہے تم بتاؤ؟

کہ سوٹ کیسوں میں کپڑے کس نے رکھے ہوئے ہیں

کرا تو لوں گا علاقہ خالی میں لڑ جھگڑ کر

مگر جو اس نے دلوں پہ قبضے کیے ہوئے ہیں