بنے ہیں مدحت سلطان دو جہاں کے لیے

 عارفانہ کلام حمد نعت منقبت

بنے ہیں مدحتِ سلطان دو جہاں کے لیے

سخن زباں کے لیے اور زباں دہاں کے لیے

گھر اس کا مورد قرآن و مہبط جبریل

در اس کا کعبہ مقصود انس و جاں کے لیے

وہ شاہ جس کا محب امن و عافیت میں مدام

محبت اس کی حصار حصیں اماں کے لیے

اے خاصہ خاصان رسل وقت دعا ہے

 عارفانہ کلام حمد نعت منقبت

اے خاصۂ خاصانِ رُسلؐ وقتِ دعا ہے

اُمت پہ تیری آ کے عجب وقت پڑا ہے

جو دین بڑی شان سے نکلا تھا وطن سے

پردیس میں وہ آج غریب الغرباء ہے

جس دین کے مدعو تھے کبھی قیصر و کسرٰی

خود آج وہ مہمان سرائے فقراء ہے

دل آپ پر تصدق جاں آپ پر سے صدقے

 عارفانہ کلام نعتیہ کلام

دل آپﷺ پر تصدق،۔ جاں آپﷺ پر سے صدقے

آنکھوں سے سر ہے قرباں، آنکھیں ہیں سر سے صدقے

کہتے ہیں گرد عارض،۔۔ باہم یہ دونوں گیسو

میں ہوں اِدھر سے صدقے، تُو بھی اُدھر سے صدقے

کہتا ہے مہر؛ مہ سے، رُخ دیکھ کر نبیﷺ کا

تُو شام سے ہے قرباں، میں ہوں سحر سے صدقے

کل مدعی کو آپ پہ کیا کیا گماں رہے

کل مدعی کو آپ پہ کیا کیا گماں رہے

بات اس کی کاٹتے رہے اور ہمزباں رہے

یارانِ تیز گام نے محمل کو جا لیا

ہم محوِ نالۂ جرسِ کارواں رہے

یا کھینچ لائے دیر سے رندوں کو اہلِ وعظ

یا آپ بھی ملازمِ پیرِ مغاں رہے

آگے بڑھے نہ قصۂ عشق بتاں سے ہم

 آگے بڑھے نہ قصۂ عشقِ بتاں سے ہم

سب کچھ کہا مگر نہ کھُلے رازداں سے ہم

اب بھاگتے ہیں سایۂ عشقِ بتاں سے ہم

کچھ دل سے ہیں ڈرے ہوئے کچھ آسماں سے ہم

خود رفتگیِ شب کا مزا بھولتا نہیں

آئے ہیں آج آپ میں یارب کہاں سے ہم

پیش از ظہور عشق کسی کا نشاں نہ تھا

پیش از ظہورِ عشق کسی کا نشاں نہ تھا

تھا حسن میزبان، کوئی میہماں نہ تھا

ہم کو بہار میں بھی سرِ گلستاں نہ تھا

یعنی خزاں سے پہلے ہی دل شادماں نہ تھا

ملتے ہی ان کے بھول گئیں کلفتیں تمام

گویا ہمارے سر پہ کبھی آسماں نہ تھا

چھیڑ اب نہ اے تصور مژگان یار بس

چھیڑ اب نہ اے تصورِ مژگانِ یار بس

کافی ہے خار خار غمِ روزگار بس

یہ غم نہیں ہے وہ جسے کوئی بٹا سکے

غمخواری اپنی رہنے دے اے غمگسار بس

ہر داغ فصلِ گل کی نشانی ہے اے صبا

گل گشت کو بہت ہے دلِ داغدار بس

جب یہ کہتا ہوں بس دنیا پہ اب تف کیجیے

جب یہ کہتا ہوں بس دنیا پہ اب تُف کیجیئے

نفس کہتا ہے ابھی چندے توقف کیجیئے

وہاں رسائی ہے صبا کی اور نہ قاصد کو ہے بار

اس سے آخر کس طرح پیدا تعارف کیجیئے

ضبط کیجیئے دردِ دل تو ضبط کی طاقت نہیں

اور کھلا جاتا ہے رازِ دل اگر اف کیجیئے

کہیں خوف اور کہیں غالب ہے رجا اے زاہد

کہیں خوف اور کہیں غالب ہے رجا اے زاہد

تیرا قبلہ ہے جدا،۔ میرا جدا اے زاہد

درگزر گر نہیں کرتا وہ گنہگاروں سے

تو تِرا اور کوئی ہو گا خدا اے زاہد

ہم دکھاویں گے کہ زہد اور ہے نیکی کچھ اور

کچھ بہت دور نہیں روزِ جزا اے زاہد

میں تو میں غیر کو مرنے سے اب انکار نہیں

میں تو میں غیر کو مرنے سے اب انکار نہیں

اک قیامت ہے تِرے ہاتھ میں تلوار نہیں

کچھ پتا منزلِ مقصود کا پایا ہم نے 

جب یہ جانا کہ ہمیں طاقتِ رفتار نہیں

چشمِ بددور بہت پھرتے ہیں اغیار کے ساتھ

غیرتِ عشق سے اب تک وہ خبردار نہیں

وصل کا اس کے دل زار تمنائی ہے

وصل کا اس کے دلِ زار تمنائی ہے

نہ ملاقات ہے جس سے نہ شناسائی ہے

قطع امید نے دل کر دئیے یکسُو، صد شکر

شکل مدت میں یہ اللّٰہ نے دکھلائی ہے

قوتِ دستِ خدائی ہے شیکبائی میں 

وقت جب آ کے پڑا ہے یہی کام آئی ہے

سنگ گراں ہے راہ میں تمکین یار کا

سنگِ گراں ہے راہ میں تمکین یار کا

اب دیکھنا ہے زور دلِ بے قرار کا

اک خُو سی ہو گئی ہے تحمل کی ورنہ

وہ حوصلہ رہا نہیں صبر و قرار کا

آؤ، مٹا بھی دو خلشِ آرزوئے قتل

کیا اعتبار زندگیِ مستعار کا

حقیقت محرم اسرار سے پوچھ

حقیقت محرمِ اسرار سے پوچھ

مزا انگور کا مے خوار سے پوچھ

وفا اغیار کی اغیار سے سن

مِری الفت در و دیوار سے پوچھ

ہماری آہِ بے تاثیر کا حال

کچھ اپنے دل سے کچھ اغیار سے پوچھ

ملنے کی جو نہ کرنی تھی تدبیر کر چکے

ملنے کی جو نہ کرنی تھی تدبیر کر چکے

آخر کو ہم حوالۂ تقدیر کر چکے

افسوں شبِ وصال کے واں کارگر نہیں

نالے شبِ فراق کے تاثیر کر چکے

اے دل اب آزمائشِ تقدیر کا ہے وقت

وہ امتحانِ برشِ شمشیر کر چکے

دھوم تھی اپنی پارسائی کی

دھوم تھی اپنی پارسائی کی

کی بھی اور کسی سے آشنائی کی

کیوں بڑھاتے ہو اخلاط بہت

ہم کو طاقت نہیں جدائی کی

منہ کہاں چھپاؤ گے ہم سے

تم کو عادت ہے خود نمائی کی

کچھ ہنسی کھیل سنبھلنا غم ہجراں میں نہیں

کچھ ہنسی کھیل سنبھلنا غمِ ہجراں میں نہیں

چاک دل میں ہے مِرے جو کہ گریبان میں نہیں

عشق نے مصر میں سو بار زلیخا سے کہا

فتنۂ دہر ہے جو حسن وہ کنعاں میں نہیں

یاں بھی ہے کون و مکاں سے دلِ وحشی آزاد

جس کو ہم قید سمجھتے ہیں وہ زنداں میں نہیں

یہ ہیں واعظ سب پہ منہ آتے ہیں آپ

یہ ہیں واعظ، سب پہ منہ آتے ہیں آپ

ناصحِ قوم اس پہ کہلاتے ہیں آپ

بس بہت طعن و ملامت کر چکے

کیوں زباں رِندوں کی کھلواتے ہیں آپ

ہے صراحی میں وہی لذت کہ جو

چڑھ کے منبر پر مزا پاتے ہیں آپ

کل مدعی کو آپ پر کیا کیا گماں رہے

کل مدعی کو آپ پر کیا کیا گماں رہے

بات اس کی کاٹتے رہے اور ہمزباں رہے

یارانِ تیز گام نے محمل کو جا لیا

ہم محوِ نالۂ جرسِ کارواں رہے

یا کھینچ لائے دہر سے رِندوں کو اہلِ وعظ

یا آپ بھی ملازمِ پیر مغاں رہے

ہے جستجو کہ خوب سے ہے خوب تر کہاں

ہے جستجو کہ خوب سے ہے خوب تر کہاں

اب ٹھہرتی ہے دیکھیے جا کر نظر کہاں

یارب اس اختلاط کا انجام ہو بخیر

تھا اس کو ہم سے ربط مگر اس قدر کہاں

اک عمر چاہیے کہ گوارا ہو نیشِ عشق

رکھی ہے آج لذتِ زخمِ جگر کہاں

جنوں کار فرما ہوا چاہتا ہے

جنوں کار فرما ہوا چاہتا ہے

قدم دشت پیماں ہوا چاہتا ہے

دمِ گریہ کس کا تصور ہے دل میں

کہ اشکوں سے دریا بہا چاہتا ہے

خط آنے لگے شکوہ آمیز ان کے

مِلاپ ان سے گویا ہوا چاہتا ہے