چپ گزر جاتا ہوں حیران بھی ہو جاتا ہوں

 چپ گزر جاتا ہوں حیران بھی ہو جاتا ہوں

اور کسی دن تو پریشان بھی ہو جاتا ہوں

سیدھا رستہ ہوں مگر مجھ سے گزرنا مشکل

گمرہوں کے لیے آسان بھی ہو جاتا ہوں

فائدہ مجھ کو شرافت کا بھی مل جاتا ہے

پر کبھی باعث نقصان بھی ہو جاتا ہوں

ہمارے درد کی جانب اشارہ کرتی ہیں

 ہمارے درد کی جانب اشارا کرتی ہیں

فقط کہانیاں ہم کو گوارا کرتی ہیں

یہ سادگی یہ نجابت جو عیب ہیں میرے

سنا تھا ان پہ تو نسلیں گزارا کرتی ہیں

خود اپنے سامنے ڈٹ جاتی ہیں جو شخصیتیں

وہ جیتتی ہیں کسی سے نہ ہارا کرتی ہیں

بد دعا اس نے مجھے دی تھی دعا دی میں نے

بد دعا اس نے مجھے دی تھی دعا دی میں نے

اس نے دیوار اٹھائی تھی، گرا دی میں نے

خانۂ خواب سے نکلا تھا، مگر وحشت میں

پھر سے زنجیرِ درِ خواب ہلا دی میں نے

شہر سے میرے تعلق کا سبب پوچھا گیا

سادگی میں تِری تصویر بنا دی میں نے

ملتے ہیں نقوش پا نقش پا نہیں ملتا

ملتے ہیں نقوشِ پا، نقشِ پا نہیں ملتا

راستے تو ملتے ہیں، راستا نہیں ملتا

تاریخ اب بنے کیسے کیا لکھے مؤرخ بھی

حادثے تو ملتے ہیں، واقعہ نہیں ملتا

دُکھ کی داستاں ہے یہ اور اس کا دُکھ یہ ہے

ایک لفظ بھی اس میں دُکھ بھرا نہیں ملتا

نہ آنکھ اٹھی کسی لفظ بے ضرر کی طرف

نہ آنکھ اٹھی کسی لفظِ بے ضرر کی طرف

نہ سنگ آئے کبھی شاخِ بے ثمر کی طرف

مجھے بھی لمحۂ ہجرت نے کر دیا تقسیم

نگاہ گھر کی طرف ہے، قدم سفر کی طرف

اِس ایک وہم میں چپ چپ ہیں سُوکھتی شاخیں

طیور🕊 لوٹ نہ آئیں کہیں شجر کی طرف

کہاں کوئی جو زباں بھی جگر بھی رکھتا ہو

کہاں کوئی جو زباں بھی جگر بھی رکھتا ہو

پھر اپنے ہاتھ بھی گردن بھی سر بھی رکھتا ہو

خموش ہونٹ بھی عرضِ ہنر بھی رکھتا ہو

تغیرات پہ گہری 👀نظر بھی رکھتا ہو

کئی امیدیں بجھاتا ہو ایک جنبش میں

کئی چراغ🪔 سرِ رہگزر بھی رکھتا ہو

واقعوں کو بھول دامن سے ہوا کرتے رہے

واقعوں کو بھول، دامن سے ہوا کرتے رہے

داستاں بننے کی سب رسمیں ادا کرتے رہے

ہم کہ جو درخواست لکھنے پر کبھی مائل نہ تھے

جانے کن مجبوریوں میں "التجا" کرتے رہے

پھول کھلتے اور بکھر کر ٹوٹتے گرتے رہے

غنچے اپنے شاد رہنے کی دعا کرتے رہے

پھر سے وہی حالات ہیں امکاں بھی وہی ہے

پھر سے وہی حالات ہیں، امکاں بھی وہی ہے

ہم بھی ہیں وہی، مسئلۂ جاں بھی وہی ہے

کچھ بھی نہیں بدلا ہے یہاں، کچھ نہیں بدلا

آنکھیں بھی وہی، خوابِ پریشاں بھی وہی ہے

یہ جال ⽹ بھی اس نے ہی بچھایا تھا، اسی نے

خوش خوش بھی وہی شخص تھا، حیراں بھی وہی ہے

دور تک دھند دھواں ہے سب کچھ

دور تک دھند، دھواں ہے سب کچھ

وہ جو سب کچھ تھا، کہاں ہے سب کچھ

اک جہاں، بس یہ جہاں، بس یہ جہاں

واقعی، کیا یہ جہاں ہے سب کچھ؟

پیش معنی ہیں بلا کے اسرار

اور پسِ لفظ عیاں ہے سب کچھ

سخن کیا جو خموشی سے شاعری جاگی

سخن کیا جو خموشی سے شاعری جاگی

چراغ لفظوں کے جل اٹھے روشنی جاگی

ضد ملال و مسرت میں عمر بیت گئی

یہ دیو سویا نہ وہ خواب کی پری جاگی

تو برف درد سمندر میں اضطراب آیا

تو خشک چشم جزیرے میں کچھ نمی جاگی

دل میں شعلہ تھا سو آنکھوں میں نمی بنتا گیا

دل میں شعلہ تھا سو آنکھوں میں نمی بنتا گیا

یاد کا بے نام جگنو🌟 روشنی بنتا گیا

ایک آنسو اجنبیت کا ندی بنتا گیا

ایک لمحہ تھا تکلف کا صدی بنتا گیا

کیا لبا لب روز و شب تھے اور کیا وحشی تھا میں

زندگی سے دور ہو کر آدمی بنتا گیا

خوش یقینی میں یوں خلل آیا

خوش یقینی میں یوں خلل آیا

کچھ نکلنا تھا، کچھ نکل آیا

سر سرِ خشک پانی پانی ہوئی

جل بجھی شاخ پر جو پھل آیا

میں نے بھی دیکھنے کی حد کر دی

وہ بھی تصویر سے نکل آیا

شکل بھی بھلی پائی دل بھی آئینہ پایا

پھیلتا خموشی میں نقطۂ صدا پایا

اک سفید صفحے سے لفظ کا پتا پایا

تم سا اس زمانے میں کس نے معجزہ پایا

شکل بھی بھلی پائی، دل بھی آئینہ پایا

فکر تھی بلند اپنی اور قدم خلا میں تھے

جب زمیں پر آئے تب ہم نے راستہ پایا

میری نظر کا مدعا اس کے سوا کچھ بھی نہیں

میری نظر کا مدعا اس کے سوا کچھ بھی نہیں

اس نے کہا کیا بات ہے؟ میں نے کہا کچھ بھی نہیں

ہر ذہن کو سودا ہوا،۔ ہر آنکھ نے کچھ پڑھ لیا 

لیکن سرِ قرطاسِ جاں میں نے لکھا کچھ بھی نہیں

دیوارِ شہرِ عصر پر کیا قامتیں چسپاں ہوئیں 

کوشش تو کچھ میں نے بھی کی لیکن بنا کچھ بھی نہیں

ہم زندگی شناس تھے سب سے جدا رہے

ہم زندگی شناس تھے سب سے جدا رہے

بستی میں ہول آیا، تو جنگل میں جا رہے

کمرے میں میرے دھوپ کا آنا بوقت صبح

آنکھوں میں کاش ایک ہی منظر بسا رہے

پھر آج میرے درد نے مجھ کو منا لیا

کوئی کسی عزیز سے کب تک خفا رہے