دل کہیں مُبتلا نہ ہو جائے
بے خطا ہی سزا نہ ہو جائے
عرضِ مطلب بھی کہہ نہیں سکتا
بات اپنی خطا نہ ہو جائے
درد کو بھی چُھپا کے رکھتا ہوں
خوف یہ ہے شفا نہ ہو جائے
مہربانی بھی جُرم ہے میرا
آشنائے وفا نہ ہو جائے
رازِ اُلفت بھی کیا کہوں اس سے
کہیں پر پر خفا نہ ہو جائے
فکر رہتی ہے یوں مجھے ہر دم
درد بڑھ کر دوا نہ ہو جائے
اس کو لاؤ نہ تم خُدا کے لیے
رُوحِ دُشمن فنا نہ ہو جائے
بزمِ یاراں میں آ گیا نیرنگ
کوئی طُوفاں بپا نہ ہو جائے
نند لال نیرنگ سرحدی
مندھرا، ڈیرہ اسماعیل خان، ریواڑی گوڑگاؤں
کریڈٹ یوٹیوب وڈیو
https://www.youtube.com/watch?v=jsxvP1n0j5o&list=RDjsxvP1n0j5o&start_radio=1
No comments:
Post a Comment