اپنوں کے کرم سے یا قضا سے

 اپنوں کے کرم سے یا قضا سے

مر جائیں تو آپ کی بلا سے

گرتی رہی روز روز شبنم

مرتے رہے روز روز پیاسے

اے رہ زدگاں کہیں تو پہنچے

منہ موڑ گئے جو رہنما سے

مٹا کے انجمن آرزو صدا دی ہے

مٹا کے انجمنِ آرزو، صدا دی ہے

چلے بھی آؤ کہ ہر روشنی بجھا دی ہے

گر اتفاق سے پایا ہے قطرۂ 💧 شبنم

سمندروں کو مِری پیاس نے دعا دی ہے

ہجومِ راہرواں، روند کر گزرتا ہے

بساط دل کی کہاں ہم نے یہ بچھا دی ہے

تعلق مجھ میں تم میں کیا ہے

تلازم

تعلق مجھ میں تم میں کیا ہے 

تم مانو نہ مانو 

تم اسے ٹھکراؤ یا جھٹلاؤ، لیکن یہ حقیقت ہے 

تمہیں میری ضرورت ہے 

بہت خوش دید ہیں آنکھیں تمہاری 

خوش نظر بھی ہیں 

ہر آنکھ لہو ساگر ہے میاں ہر دل پتھر سناٹا ہے

ہر آنکھ لہو ساگر ہے میاں ہر دل پتھر سناٹا ہے

یہ گنگا کس نے پاٹی ہے یہ پربت کس نے کاٹا ہے

چاہت نفرت، دنیا عقبیٰ، یہ خیر خرابی، درد دوا

ہر دھندہ جی کا جوکھم ہے ہر سودا جان کا گھاٹا ہے

کیا جوگ سمادھی و رسدھی کیا کشف و کرامت جذب و جنوں

سب آگ، ہوا، پانی، مٹی، سب دال، نمک اور آٹا ہے

والہانہ مرے دل میں مری جاں میں آ جا

والہانہ مِرے دل میں مِری جاں میں آ جا 

میرے ایماں میں مِرے وہم و گماں میں آ جا 

موند ان آنکھوں کو صاحب نظراں میں آ جا 

حدِ نظارگیٔ کون و مکاں میں آ جا 

آیتِ رحمتِ یزداں کی طرح دل میں اتر 

ایک اک لفظ میں ایک ایک بیاں میں آ جا 

آئینہ سے

آئینہ سے

آئینے! کچھ تو بتا ان کا تو ہمراز ہے تُو

تُو نے وہ زلف وہ مکھڑا وہ دہن دیکھا ہے

ان کے ہر حال کا بے ساختہ پن دیکھا ہے

وہ نہ خود دیکھ سکیں جس کو نظر بھر کے کبھی

تُو نے جی بھر کے وہ ہر خطِ بدن دیکھا ہے

ان کی تنہائی کا دلدار ہے دمساز ہے تُو

آئینے! کچھ تو بتا ان کا تو ہمراز ہے تُو

اپنا تو ابد ہے کنج مرقد

ازل ۔ ابد

اپنا تو ابد ہے کنجِ مرقد

جب جسم سپرد خاک ہو جائے

مرقد بھی نہیں وہ آخری سانس

جب قصۂ زیست پاک ہو جائے

وہ سانس نہیں شکستِ امید

جب دامن دل ہی چاک ہو جائے

میں جانتا ہوں کہ آنسو فنا کا لمحہ ہے

داد گر

میں جانتا ہوں کہ آنسو فنا کا لمحہ ہے
اسے تِری نگۂ جاوداں سے ربط نہیں
میں جانتا ہوں کہ تُو بھی شکار دوراں ہے
متاعِ جاں کے سوا اس قمار خانے میں
ہر ایک نقد نفس ہار کر پشیماں ہے
مگر یہ ربط ہے کیسا یہ کیا تعلق ہے

آپ کو دیکھ کر دیکھتا رہ گیا

آپ کو دیکھ کر دیکھتا رہ گیا

کیا کہوں اور کہنے کو کیا رہ گیا

ان کی آنکھوں میں کیسے چھلکنے لگا

میرے ہونٹوں پہ جو ماجرا رہ گیا

ایسے بچھڑے سبھی راہ کے موڑ پر

آخری ہم سفر راستہ رہ گیا

الجھاؤ کا مزہ بھی تیری بات ہی میں تھا

الجھاؤ کا مزا بھی تیری بات ہی میں تھا

تیرا جواب تیرے سوالات ہی میں تھا

سایہ کسی یقین کا بھی جس پر نہ پڑ سکا

وہ گھر بھی شہرِ دل کے مضافات ہی میں تھا

الزام کیا ہے، یہ بھی نہ جانا تمام عمر

ملزم تمام عمر حوالات ہی میں تھا

آہ بے اثر نکلی نالہ نارسا نکلا

آہ بے اثر نکلی نالہ نارسا نکلا
اک خدا پہ تکیہ تھا وہ بھی آپ کا نکلا
کاش وہ مریض غم یہ بھی دیکھتا عالم
چارہ گر یہ کیا گزری درد جب دوا نکلا
اہل خیر ڈوبے تھے نیکیوں کی مستی میں
جو خراب صہبا تھا بس وہ پارسا نکلا

یہ رات رات بھی ہے اوڑھنا بچھونا بھی

یہ رات رات بھی ہے اوڑھنا بچھونا بھی
اس ایک رات میں ہے جاگنا بھی سونا بھی
وہ حبس دم ہے زمیں آسماں کی وسعت میں
کہ ایسا تنگ نہ ہو گا لحد کا کونا بھی
انہیں سوال ہی لگتا ہے میرا رونا بھی
عجب سزا ہے جہاں میں غریب ہونا بھی