مجھ کو اکیلا کر کے بھی تنہا نہیں کہا

 مجھ کو اکیلا کر کے بھی تنہا نہیں کہا

اپنا سمجھ لیا،۔ مگر اپنا نہیں کہا

بے شک بنایا اس نے ہدف مجھ کو رات دن

جیسا مجھے کہا، اسے ویسا نہیں کہا

راہِ حیات میں کئی چہرے حسیں ملے

جو کوئی بھی ملا اسے تم سا نہیں کہا

اتنی مدت بعد ملے ہو کچھ تو دل کا حال کہو

 اتنی مدت بعد ملے ہو کچھ تو دل کا حال کہو

کیسے بِیتے ہم بِن پیارے اتنے ماہ و سال کہو

رُوپ کا دھوکا سمجھو نظر کا یا پھر مایا جال کہو

پریت کو دل کا روگ سمجھ لو یا جی کا جنجال کہو

آنکھوں دیکھی کیا بتلائیں حال عجب کچھ دیکھا ہے

دُکھ کی کھیتی کتنی ہری اور سُکھ کا جیسے کال کہو

نئے زمانے کے نت نئے حادثات لکھنا

 نئے زمانے کے نت نئے حادثات لکھنا

اداس پھولوں کی زرد پتوں کی بات لکھنا

فلک دریچوں سے جھانکتے خوشنما مناظر

زمیں پہ بے زاریوں میں لپٹی حیات لکھنا

تھکن کا احساس ہو تو کر لینا یاد اس کو

ادھورے خوابوں کی سر پھری کائنات لکھنا

لا کے چھوڑا ہے مجھے چھوڑنے والے نے کہاں

 لا کے چھوڑا ہے مجھے چھوڑنے والے نے کہاں

چین کا سانس لِیا درد کے پالے نے کہاں

اپنی دھرتی سے ہؤا دور تو احساس ہُؤا

کھینچ کے لایا ہے روٹی کے، نِوالے نے کہاں

جانتا ہوں کہ تُو نادان سمجھتا ہے مجھے

اِک ذرا راز کِیا فاش یہ بالے نے کہاں؟

بے آواز جگراتے کاغذوں میں اترے ہیں

 بے آواز جگراتے

بے آواز جگراتے

کاغذوں میں اترے ہیں

بے زبان جگراتے

کون، کب، کہاں، کیسے

کیا حساب رکھے گا

کون آ کے پوچھے گا

فیصلہ ممکن ہے یوں منصف اگر عادل نہ ہو

 فیصلہ ممکن ہے یوں منصف اگر عادل نہ ہو

قتل تو ہوتے رہیں ثابت،۔ کوئی قاتل نہ ہو

مشکلیں آساں نہ ہوں میری تو مجھ کو غم نہیں

پر جو ہے آساں کم از کم وہ تو اب مشکل نہ ہو

دفن ہیں دفتر کی فائل میں ہزاروں مسئلے

ایسا لگتا ہے کہ جیسے قبر ہو فائل نہ ہو

کام بس ایک یہی شام و سحر ہے اس کا

 کام بس ایک یہی شام و سحر ہے اس کا

جھوٹ کہتا ہے سلیقے سے، ہنر ہے اس کا

سنگ اوروں پہ اٹھانے کی ہے عادت اس کی

بھول جاتا ہے وہ خود کانچ کا گھر ہے اس کا

راس آتے ہیں کہاں دن کے اجالے اس کو

شب کے تاریک سمندر میں سفر ہے اس کا

اس گھر میں مرے ساتھ بسر کر کے تو دیکھو

 اس گھر میں مِرے ساتھ بسر کر کے تو دیکھو

ٹوٹی ہوئی کشتی میں سفر کر کے تو دیکھو

دھرتی سے بچھڑنے کی سزا کہتے ہیں کس کو

طوفاں میں جزیروں پہ نظر کر کے تو دیکھو

خوابوں کو صلیبوں پہ سجا پاؤ گے ہر سُو

آنکھوں کے بیاباں سے گزر کر کے تو دیکھو

شاعری میں ہیر جیسا رنگ واپس آئے گا

 شاعری میں ہیر جیسا رنگ واپس آئے گا 

قافیہ ہو کر غزل میں جھنگ واپس آئے گا 

چھوڑ جا لیکن محبت پر بھروسہ ہے مجھے

تُو مِری یادوں سے ہو کر تنگ واپس آئے گا 

یہ سفر ایسا اچھنبا ہے، کہ راہِ عشق پر

بے نیازی سے گیا جو دنگ واپس آئے گا 

ہمیں ایک دعا تھامنے آئے گی

 تیرے ساتھ گزرے دنوں کی کوئی ایک دھندلی سی تصویر 

جب بھی کبھی سامنے آئے گی

تو ہمیں ایک دعا تھامنے آئے گی

بڑھاپے کی گہرائیوں میں اترتے ہوئے

تیری بے لوث بانہوں کے گھیرے نہیں بھول پائیں گے ہم

ہم کو تیرے توسط سے ہنستے ہوئے جو ملے تھے

تیرے نام سے وحشت ہے بیزاری ہے

 تیرے نام سے وحشت ہے بیزاری ہے

نہ ملنے کی اپنے آپ سے باری ہے

ہار سنگھار کی شرطیں پوری کر ڈالیں

آئینہ دیکھ کے رونے کی تیاری ہے

گریہ گریہ سب تصویریں میری ہیں

قریہ قریہ رونے میں سرشاری ہے

بہت دور گاؤں ہے میرا

 بہت دور ایک گاؤں 

بہت دور گاؤں ہے میرا 

جہاں میرے بچپن کے جگنو 

ابھی تک گھنے پیپلوں پر چمکتے ہیں 

میری زباں سے گِرے توتلے لفظ اب بھی 

کئی سال سے غیر آباد گھر کی 

راہ کے پیڑ بھی فریاد کیا کرتے ہیں

 راہ کے پیڑ بھی فریاد کیا کرتے ہیں

جانے والوں کو بہت یاد کیا کرتے ہیں

گرد جمتی چلی جاتی ہے سبھی چیزوں پر

گھر کی تزئین تو افراد کیا کرتے ہیں

پھول جھڑتے ہیں شفق فام تِرے ہونٹوں سے

ایسی باتیں تو پری زاد کیا کرتے ہیں

وہ ہاتھ بے خیالی میں کاندھے سے ہٹ گئے

 وہ ہاتھ بے خیالی میں کاندھے سے ہٹ گئے

ہم زندگی کی فلم کے پردے سے ہٹ گئے

کچھ روز تجھ کو دیکھنے آئے گلی میں ہم

اک روز آپ ہی تِرے رستے سے ہٹ گئے

وقتِ وصال ایک بُری یاد کی طرح

سینے سے لگ کے ہم تِرے سینے سے ہٹ گئے

حیرت سے تکتا ہے صحرا بارش کے نذرانے کو

 حیرت سے تکتا ہے صحرا بارش کے نذرانے کو

کتنی دور سے آئی ہے یہ ریت سے ہاتھ ملانے کو

سات سروں کی لہروں پہ ہلکورے لیتے پھول سے ہیں

اک مدہوش فضا سنتی ہے اک چڑیا کے گانے کو

بولتی ہو تو یوں ہے جیسے پھول پہ تتلی ڈولتی ہو

تم نے کیسا سبز کیا ہے اور کیسے ویرانے کو

مرے اشکوں کو اپنے درد کی تعبیر مت دینا

 مِرے اشکوں کو اپنے درد کی 

تعبیر مت دینا

کہ میں جس درد کی 

مدھم شمع کی آنچ سے

کچھ موم کے قطرے بناتی ہوں

میرا دل موم ہے پگھلا کے

کیا خبر جو نظر آتا ہے وہ منظر ہی نہ ہو

 کیا خبر جو نظر آتا ہے وہ منظر ہی نہ ہو

یہ سمندر کہیں سچ مچ میں سمندر ہی نہ ہو

جس کی امید پہ سر پھوڑ رہی ہے دنیا

کہیں اس آہنی دیوار میں وہ در ہی نہ ہو

جان کر پھول جسے دل سے لگائے ہوئے ہیں

غور سے دیکھ لیں چُھو کر اسے پتھر ہی نہ ہو

ترے خیال کو دل سے کبھی مٹا نہ سکے

 تِرے خیال کو دل سے کبھی مٹا نہ سکے

تجھے بھلانا بھی چاہا مگر بھلا نہ سکے

نہ جانے کون سی ایسی تھی دل پہ مجبوری

ہنسی بھی آئی لبوں پر تو مسکرا نہ سکے

دئیے ہیں زخم جو دل پر غمِ محبت نے

ہم آنسوؤں سے بھی ان کو کبھی مٹا نہ سکے

دھرتی پہ فلک سے نہ سمندر سے گرا ہوں

 دھرتی پہ فلک سے نہ سمندر سے گِرا ہوں

جھرنے کی طرح میں کسی پتھر سے گرا ہوں

غیروں کی مجال اتنی کبھی ہو نہیں سکتی

لگتا ہے کہ میں اپنوں کی ٹھوکر سے گرا ہوں

اک پھول کی پتی نے جگر کاٹ دیا ہے

شبنم کی طرح میں بھی گل تر سے گرا ہوں

اب اداسی کا سبب اس کے سوا کیا رہ گیا

 اب اداسی کا سبب اس کے سوا کیا رہ گیا 

تُو بھی تنہا رہ گیا اور میں بھی تنہا رہ گیا 

رات کے پچھلے پہر جب لکڑیاں جل بُجھ گئیں 

برف پڑنے لگ گئی  قصہ ادھورا رہ گیا 

چاند شب بھر جھیل کے پانی میں غوطہ زن رہا 

دور اک سہما ستارہ جلتا بجھتا رہ گیا 

میں نے اے کشمیر تیری بستی کے ہر شخص سے

 کشمیر

میں نے اے کشمیر تیری

بستی کے ہر شخص سے جا کر

تیرا پتہ جو پوچھا تو

سب کے لب پر، چپ کی اک رات سی تھی

خاموشی کی بات بھی تھی

تیز لہجے کی انی پر نہ اٹھا لیں یہ کہیں

 تیز لہجے کی انی پر نہ اٹھا لیں یہ کہیں

بچے نادان ہیں پتھر نہ اٹھا لیں یہ کہیں

جن جزیروں کو یہ جاتے ہیں قناعت کر لو

سوچتے رہنے میں لنگر نہ اٹھا لیں یہ کہیں

اعتماد ان پہ کرو خدشہ ہے یہ بھی ورنہ

دستِ ساحل سے سمندر نہ اٹھا لیں یہ کہیں

کچھ بھی نہیں ہے پاس تمہاری دعا تو ہے

 کچھ بھی نہیں ہے پاس تمہاری دعا تو ہے

اس شہرِ بے چراغ میں اک آسرا تو ہے

ہاتھوں میں میرے چاند ستارے نہیں تو کیا

دل میں تِرے یقین کا روشن دیا تو ہے

رستے کی مشکلوں سے ہراساں ہے کس لیے

جس کا نہیں ہے کوئی بھی اس کا خدا تو ہے

لے جا رہا ہے عشق مرا اب کدھر مجھے

 أفکار پریشاں

لے جا رہا ہے عشق مِرا اب کدھر مجھے

اپنے سوا کوئی بھی نہ آئے نظر مجھے

پہلے تو منجدھار بھی ہوتا تھا ہمسفر

ساحل سے بھی ہے لگنے لگا اب تو ڈر مجھے

لایا کہاں ہے مجھ کو جنوں راہِ عشق میں

خود کا ہے کچھ خیال نہ تیری خبر مجھے

اک درد مسلسل کا اثر کاٹ رہا تھا

 اک دردِ مسلسل کا اثر کاٹ رہا تھا

میں پھول سے ہیرے کا جگر کاٹ رہا تھا

بے لوث محبت کا ثمر کاٹ رہا تھا

چپ چاپ پڑا شام و سحر کاٹ رہا تھا

رشتوں کی اذیت کا سفر کاٹ رہا تھا

کاٹے نہیں کٹتا تھا مگر کاٹ رہا تھا

جن کو اس کار محبت میں کمال آتے ہیں

 جن کو اس کارِ محبت میں کمال آتے ہیں

ایسے لوگوں ہی پہ حد درجہ زوال آتے ہیں

صاف بچ جاتے ہیں وہ لوگ جو دل توڑتے ہیں

ٹوٹے دل والوں پہ ہی سارے سوال آتے ہیں

رفتہ رفتہ ہی تحمل سے لیا جاتا ہے کام

پہلے پہلے تو طبیعت میں ابال آتے ہیں

کچے گھر کی دیواروں پر نقش بناتا رہتا ہوں

 کچے گھر کی دیواروں پر

اپنے کچھ موہوم خیالوں کے خامے سے

نقش بناتا رہتا ہوں

کچھ بے معنی سے نقش

جنہیں منظوم کروں تو تاج محل کی چھوٹی سی تصویر بنے

اک چھوٹی سی تصویر

سب لوگ کہانی میں ہی مصروف رہے تھے

 سب لوگ کہانی میں ہی مصروف رہے تھے

دراصل اداکار حقیقت میں مرے تھے

جاتے ہوئے کمرے کی کسی چیز کو چھو دے

میں یاد کروں گا کہ تیرے ہاتھ لگے تھے 

آنکھیں بھی تِری فتح نہ کر پائے ابھی تک

کس لمحۂ بے کار میں ہم لوگ بنے تھے

لہو لہو آرزو بدن کا لحاف ہو گا

لہو لہو آرزو بدن کا لحاف ہو گا

وہ کتنا بُزدل ہے آج یہ انکشاف ہو گا

مِری ہر اک بات تھی حقائق کی روشنی میں

یہ جانتا تھا زمانہ میرے خلاف ہو گا

حقیقتوں کے چراغ ہر سو جلا کے رکھنا

مجھے یقیں ہے کہ جُھوٹ کا انعطاف ہو گا

دیپ جلتا ہوا دامن سے بجھایا ہم نے

 دِیپ جلتا ہوا دامن سے بجھایا ہم نے 

رات کو رقص کیا، ہجر منایا ہم نے 

گھر بنانے کی تمنا تھی ادھوری ہی رہی 

ایک نقشہ تو بہرحال بنایا ہم نے 

روٹھنے والا کسی طور بھی مانا ہی نہیں 

اس کو اک گیت کا مُکھڑا بھی سنایا ہم نے 

تیری یادیں میرے پاس ایک چنگاری سوکھی گھاس

 تیری یادیں میرے پاس

ایک چنگاری سُوکھی گھاس

تیرے بِن اے میرے ساجن

یہ پورا جیون بَن باس

آج کا سورج ڈوب گیا

ٹوٹ گئی پھر میری آس

نم اس لیے آنکھوں میں نمو یاب نہیں ہے

 نم اس لیے آنکھوں میں نمویاب نہیں ہے

مجھ ریت کے دریا میں کہیں آب نہیں ہے

نیندوں کی طلب گار تو ہے آنکھ ہماری

بس مسئلہ یہ ہے کہ کوئی خواب نہیں ہے

بازار میں بھی ہاتھ پکڑ لیتا ہے میرا

یہ عشق ابھی واقفِ آداب نہیں ہے

سنا ہے دل کا ذمہ بس ہے اتنا سا

 سنا ہے دل کا ذمہ بس ہے اتنا سا

اِدھر کے کچھ لہو کو یہ اُدھر دھکا لگاتا ہے

ہزاروں ماہرینِ دل کا اجماع ہے تو ٹھیک ہو گا

مگر کچھ ماہ سے سینے میں حِدت کی کمی سی ہے

لہو کی آنیاں اور جانیاں اب بھی برابر ہیں

جسے وہ بی پی کہتے ہیں وہ حد میں ہے

زہر نبضوں میں زمانے کا بھرا جاتا ہے

 زہر نبضوں میں زمانے کا بھرا جاتا ہے

قہقہے مرتے ہیں تو شعر کہا جاتا ہے

لوگ ہیں حسن کو ترسے ہیں برا مت مانیں

چھوڑئیے دیکھنے دیں آپ کا کیا جاتا ہے

آگ ہو راکھ ہو بارود ہو جن میں ہر وقت

ان ہواؤں میں بتا کیسے اڑا جاتا ہے

ہم تجھ سے کوئی بات بھی کرنے کے نہیں تھے

 ہم تجھ سے کوئی بات بھی کرنے کے نہیں تھے

امکان بھی حالات سنورنے کے نہیں تھے

بھر ڈالا انہیں بھی مِری بیدار نظر نے

جو زخم کسی طور بھی بھرنے کے نہیں تھے

اے زیست ادھر دیکھ کہ ہم نے تِری خاطر

وہ دن بھی گزارے جو گزرنے کے نہیں تھے

سب پہ کھلتا نہیں یہ مسلک ہے

 سب پہ کھلتا نہیں یہ مسلک ہے

عشق والوں کی اپنی بیٹھک ہے

در مقفل ہے زندگانی کا

اور ہاتھوں سے لپٹی دستک ہے

خواب لیٹے ہوئے ہیں پٹڑی پر

آنکھ کی سمت بند پھاٹک ہے

بچھڑ گئے تو یہ دل عمر بھر لگے گا نہیں

 بچھڑ گئے تو یہ دل عمر بھر لگے گا نہیں

لگے گا، لگنے لگا ہے، مگر لگے گا نہیں

نہیں لگے گا اسے دیکھ کر، مگر خوش ہے

میں خوش نہیں ہوں مگر، دیکھ کر لگے گا نہیں

جنوں کا حجم زیادہ، تمہارا ظرف ہے کم

ذرا سا گملا ہے، اس میں شجر لگے گا نہیں

کس جگہ ہم سفر و رخت سفر چھوڑ دیا

 کس جگہ ہم سفر و رختِ سفر چھوڑ دیا

یہ بھی معلوم نہیں خود کو کدھر چھوڑ دیا

جانے والے کے تعاقب میں گیا تھا اک دن

خود پلٹ آیا ہوں آنکھوں کو اُدھر چھوڑ دیا

چاہتا تھا کہ محبت کا نشاں باقی رہے

میں نے سب زخم بھرے، زخمِ جگر چھوڑ دیا

خنک ہوا میں بڑی شعلہ خیز خوشبو ہے

 خنک ہوا میں بڑی شعلہ خیز خوشبو ہے

خیال یار! چنبیلی کی تیز خوشبو ہے

ہوا کے ہاتھ نہ لگ جائے موسموں سے کہو

کہ ایک پھول کا سارا جہیز خوشبو ہے

چُرا گئے ہیں تِری انگلیوں کا لوچ حروف

عجیب خط ہے عجب عطر بیز خوشبو ہے

اس کے بدن کا لمس ابھی انگلیوں میں ہے

  اس کے بدن کا لمس ابھی انگلیوں میں ہے

خوشبو وہ چاندنی کی مِرے ذائقوں میں ہے

میں سوچ کے بھنور میں تھا جس شخص کے لیے

وہ خود بھی کچھ دنوں سے بڑی الجھنوں میں ہے

اس کا وجود خامشی کا اشتہار ہے

لگتا ہے ایک عمر سے وہ مقبروں میں ہے

مبہم تخیلات کے پیکر تراشنا

مُبہم تخیّلات کے پیکر تراشنا

ہے مشغلہ خلاؤں میں منظر تراشنا

لڑنا ہر ایک لمحہ سمندر سے رات کے

اور خواب کے جزیرے میں اک گھر تراشنا

آنکھوں کو میری آپ نے سونپا ہے خوب کام

جگنو اُچھالنا،۔ کبھی گوہر تراشنا

گھیرے ہوئے کشتی کو ہے طوفاں بھی بھنور بھی

گھیرے ہوئے کشتی کو ہے طوفاں بھی بھنور بھی

حاصل ہے مجھے گھر بھی یہاں لُطفِ سفر بھی

جن آنکھوں سے دیکھا تھا اِدھر دیکھ اُدھر بھی

کیا چیز ہے ظالم تِری دُزدیدہ نظر بھی

اتنا ہے ادب آمدِ گُل رو کا چمن میں

خاموش ہیں بیٹھے ہوئے مرغان سحر بھی

ٹپکی جو شوخیوں کی ادا سر سے پاؤں تک

 ٹپکی جو شوخیوں کی ادا سر سے پاؤں تک

ڈوبی عرق میں ان کی حیا سر سے پاؤں تک

خدا بچائے تمہاری نشیلی آنکھوں سے

کہ اک نظر جسے دیکھا وہ پھر سنبھل نہ سکا

یہ بھی تھی اک ادا کہ وہ آئے کسی کے پاس

اوڑھے ہوئے ردائے حیا سر سے پاؤں تک

جہیز بھاری قسمیں بوجھل رسمیں

 جہیز

بھاری قسمیں، بوجھل رسمیں

سستے راگ ملہار کے

درپن زیور، گھائل پیکر

بڑھتے روگ سنگھار کے

پگڑی اتری، آنگن گروی

اپنی انا کی آج بھی تسکین ہم نے کی

 اپنی انا کی آج بھی تسکین ہم نے کی

جی بھر کے اس کے حسن کی توہین ہم نے کی

لہجے کی تیز دھار سے زخمی کیا اسے

پیوست دل میں لفظ کی سنگین ہم نے کی

لائے بروئے کار نہ حسن و جمال کو

موقع تھا پھر بھی رات نہ رنگین ہم نے کی

تمام خوشیوں کو بس ایک غم نے گھیر لیا

 تمام خوشیوں کو بس ایک غم نے گھیر لیا

عجیب ہے کہ زیادہ کو کم نے گھیر لیا

کنیزیں، مالِ غنیمت کے ساتھ آتی رہیں

محل کا نصف، کم از کم، حرم نے گھیر لیا

پتہ تھا اس سے بچھڑتے ہی دوست گھیریں گے

وہی ہوا، مجھے رنج و الم نے گھیر لیا

ہنسی کاٹ کے بھیڑ سے نکل آیا

 صحرا نورد کا قصہ

ہنسی کاٹ کے بھیڑ سے نکل آیا

گاڑی کی رفتار، خون کی گردش یکساں تیز ہوئی

صحرا نورد شہر کی جانب بڑھا

مٹی کے اونچے ٹیلوں پر 

اس نے ایک دن یونہی خواب دیکھا تھا

کوئی وار مجھ پہ ہو کارگر مرے دشمنوں کے حساب سے

 کوئی وار مجھ پہ ہو کارگر، مِرے دشمنوں کے حساب سے 

اسی انتظار میں مر گئے کئی درجنوں کے حساب سے

مِری چھت ٹپکنے لگی تو پھر مجھے ان خیالوں نے آ لیا 

کہ یہ بارشیں ذرا تیز ہیں مِرے برتنوں کے حساب سے

وہاں اک دوپٹہ تھا ریشمی، یہاں ایک رسی تھی بان کی

یہی گھر سے جلدی میں مل سکا انہیں گردنوں کے حساب 

ہم جب بھی شش جہات کا نقشہ بنائیں گے

 ہم جب بھی شش جہات کا نقشہ بنائیں گے

یہ طے رہا کے آپ سے اچھا بنائیں گے

جد و جہد جو شوق کی دے دی تو بادشاہ

یہ کاٹ کر پہاڑ کو رستہ بنائیں گے

ہم رنج خور لوگ تو ایسے حریص ہیں

میت سے ماں کی نظم کا نطفہ بنائیں گے

عجیب درد کی شدت سے ہمکنار ہے دل

 عجیب درد کی شدت سے ہمکنار ہے دل

کسی نے پھر سے پکارا ہے بے قرار ہے دل

شدید دکھ ہے کہ تجھ کو پرکھ نہیں پائے

تمہارے ساتھ تعلق پہ شرمسار ہے دل

یہ آنکھ نم ہے تو مطلب کہ آنکھ زندہ ہے

یہ دل دھڑکتا ہے مطلب کہ تار تار ہے دل

ملو مجھ سے زمیں کی موت واقع ہو رہی ہے

 ملو مجھ سے

زمیں کی موت واقع ہو رہی ہے اور میں اب تک

اسی سرحد پہ بیٹھا ہوں 

جہاں تم نے بٹھایا تھا

مِری آنکھوں کی چھاگل میں کوئی آنسو نہیں باقی

مجھے رونے کی حسرت ہو رہی ہے 

صبر کے جتنے تقاضے تھے وہ پورے رکھے

 صبر کے جتنے تقاضے تھے وہ پورے رکھے

پھر بھی سینے میں کوئی کتنے کلیجے رکھے

ہم نے بہنے دیا ظالم کی بغاوت میں لہو

حاکمِ وقت کی چوکھٹ پہ جنازے رکھے

تو قضا کرتا رہا ہم کو نمازوں کی طرح

ہم نے عیدوں پہ تِرے نام کے روزے رکھے

میں بام و در پہ جو اب سائیں سائیں لکھتا ہوں

 میں بام و در پہ جو اب سائیں سائیں لکھتا ہوں

تمام شہر کی سڑکوں کی رائیں لکھتا ہوں

طویل گلیوں میں خاموشیاں اگی ہیں مگر

ہر اک دریچے پہ جا کر صدائیں لکھتا ہوں

سفید دھوپ کے تودے ہی جن پہ گرتے ہیں

انہی اداس گھروں کی کتھائیں میں لکھتا ہوں

مجھے تم سے محبت ہے

 ہار جیت

کسی بیدرد لمحے میں

کہا تھا اس نے یہ مجھ سے

مجھے تم سے محبت ہے

محبت ہے بڑی طاقت

محبت جیت جائے گی

زمانہ ہار جائے گا

ذرا سی چوٹ لگی تھی کہ چلنا بھول گئے

ذرا سی چوٹ لگی تھی کہ چلنا بھول گئے

شریف لوگ تھے گھر سے نکلنا بھول گئے

تِری امید پہ شاید نہ اب کھرے اتریں

ہم اتنی بار بجھے ہیں کہ جلنا بھول گئے

تمہیں تو علم تھا بستی کے لوگ کیسے ہیں

تم اس کے بعد بھی کپڑے بدلنا بھول گئے

آنکھ سے ہجر گرا دل نے دہائی دی ہے

 آنکھ سے ہجر گرا دل نے دہائی دی ہے

عشق والوں کی کہاں چیخ سنائی دی ہے

رات کی شاخ ہلی اور گرے پیلے پھول

درد کے پیڑ نے یوں ہم کو کمائی دی ہے

شور اتنا کہ سنائی نہ دیا تھا کچھ بھی

آنکھ کھولی ہے تو آواز دکھائی دی ہے

طائر اشک جو آنکھوں میں اتارا جاتا

 طائرِ اشک جو آنکھوں میں اتارا جاتا

دشت کا دشت تمناؤں پہ وارا جاتا

خواہشِ وصل، شبِ تار گلے ملتے ہی

دل کی بستی سے تِرا ہجر گزارا جاتا

اپنا جو کچھ تھا درِ یار پہ چھوڑ آیا ہوں

جاں بچا لیتا مگر یار کا یارا جاتا

یوں جھکاتے ہی ترے در پہ جبیں کانپتی ہے

 یوں جھکاتے ہی تِرے در پہ جبیں کانپتی ہے

جیسے بھونچال میں کچھ پل کو زمیں کانپتی ہے

جب بھی ڈرتا ہوں مِرا جھوٹ نہ پکڑا جائے

ہائے، کم بخت! یہ آواز وہیں کانپتی ہے

اس نے دیکھا ہے معلم کی جو آنکھوں میں شرر

چھپ کے بیٹھی ہے وہ مکتب میں کہیں، کانپتی ہے

دل خراب کے احکام ٹھیک لگنے لگے

 دل خراب کے احکام ٹھیک لگنے لگے

لیے جو فیصلے ناکام، ٹھیک لگنے لگے

مِرا شمار ان ہی سر پھروں میں ہوتا ہے

جنہیں اداسی سرِ شام ٹھیک لگنے لگے

سماعتوں کو خموشی کی وہ اذیت دو

کہ ارد گرد کا کُہرام ٹھیک لگنے لگے

خزاں بہار کا جھگڑا کھڑا نہ ہونے دیا

 خزاں بہار کا جھگڑا کھڑا نہ ہونے دیا

شجر لگایا بھی خود، خود ہرا نہ ہونے دیا

یوں فرض اپنا نبھاتے رہے طبیب سبھی

کسی کو تیرے مرض کی دوا نہ ہونے دیا

ہر ایک بار کئے وعدے جاں فزا تجھ سے

ہر ایک بار مگر کچھ نیا نہ ہونے دیا

لگتا ہے اپنے عہد و بیاں سے مکر گئے

 لگتا ہے اپنے عہد و بیاں سے مکر گئے

اے شہر وہ دلوں کے جواری کدھر گئے

کوئی مکالمہ ہی نہیں رات سے مِرا

میں چُپ ہوں میرے روشنیوں والے مر گئے

محسوس کر کے سوچا مجھے ایک شخص نے

میرے دل و دماغ چراغوں سے بھر گئے

میں دلگرفتہ ہوں تازہ غموں کی کن من سے

 میں دلگرفتہ ہوں تازہ غموں کی کِن مِن سے

تمہاری یاد بھی آئی نہیں کئی دن سے

ملا کے دیکھ چکی وہ پری سبھی نمبر

کُھلا نہ لاک مِرے دل کا تو کسی پِن سے

بہت سے خواب سجائیں گے تیری قربت کے

ستم کی مشق کریں گے دماغِ کمسن سے

گلاب زرد پڑے ہیں سب انتظار کے دوست

 گلاب زرد پڑے ہیں سب انتظار کے، دوست 

خزاں میں آ کے ملے ہیں مجھے بہار کے دوست

تمہیں نشانہ لگانا سِکھا رہے ہیں جو لوگ

تمہاری صف میں کھڑے ہیں مِری قطار کے دوست

مِرے نصیب میں خوشیاں وہ لوگ بھر رہے ہیں 

جو لوگ پھول کے دشمن ہیں اور خار کے دوست 

کہاں گئے وه رابطے وه ضابطے

 مخملی غلاف میں

ریشمی لباس میں

سانچے ہیں جو خاک کے

یہ پربتوں میں ره چکے

گیت سبھی یہ کہہ چکے

مٹھی بھر سکون سے

کرتا میں اب کسی سے کوئی التماس کیا

کرتا میں اب کسی سے کوئی التماس کیا

مرنے کا غم نہیں ہے تو جینے کی آس کیا

جب تجھ کو مجھ سے دور ہی رہنا پسند ہے

سائے کی طرح رہتا ہے پھر آس پاس کیا

تجھ سے بچھڑ کے ہم تو یہی سوچتے رہے

یہ گردش حیات نہ آئے گی راس کیا

حادثے پر کتر گئے شاید

حادثے پر کتر گئے شاید

حوصلے دل کے مر گئے شاید

خُود میں ڈُوبے تو یُوں ہُوا محسوس

ہم کنوئیں میں اُتر گئے شاید

سخت لہجے میں گُفتگو ہم سے

دن تمہارے بھی بھر گئے شاید

جھوٹ کے آب میں پکاتا ہوں

جُھوٹ کے آب میں پکاتا ہوں

دال کو اس طرح گلاتا ہوں

شاعری مُبتدانہ کرتا ہوں

خُود کو باون گزا سمجھتا ہوں

کام سے جان میں بچاتا ہوں

ٹیڑھا آنگن سدا بتاتا ہوں

مجھ سے تنہائی میں وحشت یوں جڑی رہتی ہے

 مجھ سے تنہائی میں وحشت یوں جڑی رہتی ہے

جیسے دِیوار سے تصویر لگی رہتی ہے

ہم فرشتہ ہی کہیں گے اسے، انسان نہیں

آنکھ جس کی تِری محفل میں جُھکی رہتی ہے

میں تمہیں دل میں جگہ دے دوں مگر ایک سوال

کہیں شیشے کے قفس میں بھی پری رہتی ہے؟

درد میں ڈوب کے پھر درد کا درماں نہ رہا

 درد میں ڈوب کے پھر درد کا درماں نہ رہا

"زندگی! اب تِرا کوئی بھی عنواں نہ رہا"

زخم رستے ہی رہے خوگر نہ ہوئی میں ان کی

اس کی چارہ گری کا کوئی بھی امکاں نہ رہا

کہکشاں جب سے بچھائی ہے تِری راہوں میں

پھر جہاں بھر میں کوئی تم سا تو ذیشاں نہ رہا

پھر چاہے تو نہ آنا او آن بان والے

پھر چاہے تو نہ آنا او آن بان والے

جھوٹا ہی وعدہ کر لے سچی زبان والے

موجود دل جگر ہیں دے ابروؤں کو جنبش

دہرہ نشانہ بھی ہے دوہری کمان والے

یہ چپکے چپکے باتیں نظریں بچا بچا کر

رکھتے ہیں آنکھ ہم بھی ہم بھی ہیں کان والے

اب گرچہ نہیں اس سے ملاقات مسلسل

 اب گرچہ نہیں اس سے ملاقات مسلسل

برسوں سے تسلسل میں ہے وہ رات مسلسل

حیران ہوں کیوں اتنا مجھے چاہا ہے تم نے

دوہراتی رہی وہ یہی اک بات مسلسل

ہے آج بھی تنہائی مِری ذات کا حصہ

اس لمحے تلک ہیں وہی حالات مسلسل

وہ مجھ سے جل کے یہ بولے کہ ہو ترقی میں

 وہ مجھ سے جل کے یہ بولے کہ ہو ترقی میں

ہضم یہ بات نہ ہو تم رہو ترقی میں

انہیں زوال کا کھٹکا کبھی نہیں ہوتا

خدا کی یاد جگاتے ہیں جو ترقی میں

یقین ہے کہ عقِیدت عروج پائے گی

نگاہیں پائیں گی جب آپ کو ترقی میں

جن سے پردہ نہیں ان لوگوں سے پردہ کر کے

 جن سے پردہ نہیں ان لوگوں سے پردہ کر کے

دیکھتی تھی وہ مجھے آئینہ ترچھا کر کے

میں نے اتنی کسی ویرانی کی خدمت کی ہے

مجھ کو یہ بُڑھیا بلانے لگی بیٹا کر کے

خالی خطرے سے نہیں ہے یہ فقیری کی گلی

اک طوائف بھی یہاں رہتی ہے دنیا کر کے

موت سے بھی بڑی قیامت ہے

 موت سے بھی بڑی قیامت ہے

سچ کہوں؛ زندگی قیامت ہے

دُکھ سے کُھلتی نہیں ہیں آنکھیں اب

خواب کی یہ گھڑی قیامت ہے

صاف دِکھنے لگے سبھی چہرے

اب یہی روشنی قیامت ہے

کاغذی گھر سے نکلنا ہے مجھے

 کاغذی گھر سے نکلنا ہے مجھے

اپنی تصویر بدلنا ہے مجھے

جس نے پرچھائیں کو خوشید کیا

اسی شعلے میں پگھلنا ہے مجھے

ہے تِرے لمس کی خواہش مجھ میں

زرد موسم کو بدلنا ہے مجھے

ہے یہ پیری بھی اک خوشی مجھ میں

 ہے یہ پیری بھی اک خوشی مجھ میں

لوٹ آئی ہے کم سِنی مجھ میں

بات شیریں سخن کی کرتا ہوں

گُھلتی جاتی ہے چاشنی مجھ میں

تیری یادوں کے ساتھ آتی ہے

تیرے قدموں کی چاپ سی مجھ میں

نئے کچھ بھی نہیں اقدام اپنے

 نئے کچھ بھی نہیں اقدام اپنے

وہی معمول کے ہیں کام اپنے

وہ مہکاتے ہیں صبح و شام اپنے

بہت پُر نور ہیں گُلفام اپنے

نگاہیں ہو گئی تھیں اس پہ صدقے

نہارے اس نے یوں اندام اپنے

خلش زخم تمنا کو مٹانے آئے

 خلشِ زخمِ تمنا کو مٹانے آئے

بہتے پانی میں کوئی پھول بہانے آئے

اس سے پہلے کہ تِرا دکھ مجھے پتھر کر دے

اپنی آواز سے کہہ مجھ کو رُلانے آئے

پھر میں دیکھوں گا مِرے ساتھ کوئی کتنا ہے

راہ میں جب کبھی دُشوار زمانے آئے

غموں کی دل پہ آرائش بہت ہے

 غموں کی دل پہ آرائش بہت ہے

محبت! تیری فہمائش بہت ہے

اُداسی گُھل چکی ہے روح میں شاید

بدن پر اس کے زیبائش بہت ہے

محبت کیسے اپنا گھر بسائے

یہاں ہر سمت آلائش بہت ہے

کیا کہوں اپنے ہی دیس میں ہم ہوئے دربدر

 کیا کہوں

اپنے ہی دیس میں ہم ہوئے دربدر

سازشیں ظالموں کی ہوئیں کارگر

اپنے اپنے گھروں سے نکالے گئے

کھولتی آگ میں لوگ ڈالے گئے 

خوب ماتم کروں ایسی تعلیم پر

تو ہر زوائیے سے دیکھ لے سمجھ لے

 قوتِ خیال

تُو ہر زوائیے سے دیکھ لے

سمجھ لے

قوتِ خیال

شعور کو پلٹ کر کبھی

لا شعور میں ذرا جھانک

مل کر یار بنا دیتے ہیں

 مل کر یار بنا دیتے ہیں

دن تہوار بنا دیتے ہیں

ہوتے ہیں کچھ کام ایسے بھی

جو بے کار بنا دیتے ہیں

جادوگر ہیں دنیا والے

دو کو چار بنا دیتے ہیں

اس دنیا میں تنہا ہوں

 اس دنیا میں تنہا ہوں

میں بے نام سا چہرہ ہوں

کیسی باتیں کرتے ہو

میں بھی تمہارا حصہ ہوں

اس کی گلی تک جو جائے

میں اک ایسا رستا ہوں

نور چراغ راہ سے آگے کی بات کر

 نورِ چراغِ راہ سے آگے کی بات کر

یعنی حدِ  نگاہ سے آگے کی بات کر

منصب کے اور سلسلے بھی گفتگو میں لا

اس جُبہ و کلاہ سے آگے کی بات کر

افلاک سے بھی پار کا درپیش ہے سفر 

تاروں کی اس سپاہ سے آگے کی بات کر

چھ دن چھ راتوں کی کہانی

 چھ دن چھ راتوں کی کہانی

اس پہ کُن فیکوں کا دعویٰ

کس کو چھوڑیں

کون سی مانیں

کس چھلنی میں دعویٰ چھانیں

سچ کو پرکھیں

دل ہے اپنا نہ اب جگر درپیش

 دل ہے اپنا نہ اب جگر درپیش

ہے تِری چشم معتبر درپیش

لوگ بیمار کیوں نہ پڑ جاتے

جب کہ تھا حسن چارہ گر درپیش

میں ہوا چاہتا تھا بے قابو

زندگی ہو گئی مگر درپیش

اک میں ترے درباد میں اکثر نہیں آتا

 اک میں تِرے درباد میں اکثر نہیں آتا

آتا ہوں تو اس دن مِرا نمبر نہیں آتا

پہلے تو زرا ہنستا ہوں اس نام کو سن کر

فوراً ہی مِرے ذہن میں خنجر نہیں آتا

یارو مجھے اس چشمِ تغافل میں نہ ڈھونڈو

گھر کی کسی تصویر میں نوکر نہیں آتا

یہ شب مجھ سے کنارہ کر رہی ہے

 یہ شب مجھ سے کنارہ کر رہی ہے

بڑا گھاٹے کا سودا کر رہی ہے

نہ پوچھو میری رُسوائی کا عالم

چلو، خلقت تماشا کر رہی ہے

ہجومِ شہرِ نا پُرساں میں ہم کو

محبت کیسے  تنہا کر رہی ہے

کسی طرح سے جہاں میں نہ غم کی بات چلے

 کسی طرح سے جہاں میں نہ غم کی بات چلے

رہِ وفا میں اگر تُو بھی میرے ساتھ چلے

تمہارے ساتھ سفر میں بہاریں ساتھ رہیں

ہمارے ساتھ مگر صرف حادثات چلے

تمام عمر چلی ہوں اجل کے سائے میں

خدا کرے کہ مِرے ساتھ اب حیات چلے

ہر اک سمت ظلم و ستم دیکھتے ہیں

 ہر اک سمت ظلم و ستم دیکھتے ہیں

ہم انسانیت کے الم دیکھتے ہیں

جو پرچم اٹھائے ہیں انسانیت کا

ہم ان میں بھی انسان کم دیکھتے ہیں

سسکتی ہے انسانیت آج پھر بھی

کسی کو کسی کا نہ ہم دیکھتے ہیں

رات بھر گردشِ افلاک کو تکتے رہنا

 رات بھر گردشِ افلاک کو تکتے رہنا

یار کے نام کی تسبیح کو جپتے رہنا

ایک درویش نے بولا تھا یہ غم ٹھیک نہیں

ایک لیلیٰ نے دعا دی تھی، تڑپتے رہنا

میں کہ اس شخص کے صدقے کا دیا ہوں مولا

اور مِرا عشق ہے محراب میں جلتے رہنا

یہ دنیا کا چلن ہے اور میں ہوں

 یہ دنیا کا چلن ہے، اور میں ہوں

عجب سی اک گھٹن ہے اور میں ہوں

شبِ فرقت ہے، تیری یاد بھی ہے

غموں کی انجمن ہے, اور میں ہوں

جو ہیں پردیس میں، دولت کمائیں

یہاں حُب وطن ہے, اور میں ہوں

نہ جانے کس کا ہو کے ہمسفر گیا ہو گا

 نہ جانے کس کا ہو کے ہمسفر گیا ہو گا

یہ سوچتا ہوں کہ وہ کس نگر گیا ہو گا

جفا کی تیغ کو کاٹا ہو جس نے شہ رگ سے

کمالِ اوج پہ اس کا ہی سر گیا ہو گا

کسی سخن پہ ضرورت نہیں کہ للچائیں

ہمارا کاسہ نجف میں ہی بھر گیا ہو گا

خواب جیسی ہے جو تعبیر میں آئی ہوئی ہے

خواب جیسی ہے جو تعبیر میں آئی ہوئی ہے

تُو مِری وادی کشمیر میں آئی ہوئی ہے

اپنے بچوں کو کفن دیتے ہیں خود ہاتھوں سے

یہ روایت ہمیں جاگیر میں آئی ہوئی ہے

یا تو کشمیر کی اک لختِ جگر ہے جنت

یا وہ جنت ہے جو کشمیر میں آئی ہوئی ہے

ایک اک شعر سنایا اسے تفسیر کے ساتھ

ایک اک شعر سُنایا اُسے تفسِیر کے ساتھ

کل بہت بات ہوئی تھی تِری تصوِیر کے ساتھ

مُدتوں بعد جو آیا ہے مِرے خط کا جواب

اس نے بھیجا ہے مجھے پُھول بھی تحرِیر کے ساتھ

ایک ہی عشق کِیا، اور کِیا ایسا عشق

جیسے غالب نے کِیا میر تقی مِیر کے ساتھ

برا ہوا پر لگا نہیں کہ برا ہوا ہے

 برا ہوا پر لگا نہیں کہ برا ہوا ہے

یہ کس سلیقے سے کوئی ہم سے جدا ہوا ہے

جو وہ نہیں ہے تو اس کی خوشبو کہاں سے آئی

یہاں پہ کوئی ضرور اس سے ملا ہوا ہے

تمہیں اگر آ لگا تو گھائل نہیں کرے گا

یہ تیر پہلے ہمارے دل پر چلا ہوا ہے

کتنے لوگوں کے لیے دست دعا بنتا ہے

 کتنے لوگوں کے لیے دستِ دعا بنتا ہے

حبس ماحول میں جو شخص ہوا بنتا ہے

اتنا جلتا ہوں تِرے ہجر میں شب بھر اے دوست

میرا ہمزاد یہاں صرف دِیا بنتا ہے

میرے مولا تِری دنیا بھی نہیں راس مجھے

جو بھی اٹھتا ہے وہی میرا خدا بنتا ہے

یہ نیا سال کسی اور ہی سمت لے کے جائے گا ہمیں

 یہ نیا سال

کسی اور ہی سمت

لے کے جائے گا ہمیں

یہ نیا دور

کسی شخص کا بننا بھی نہیں

اس نئے دور میں

کوئی بھی جرم ہو اس سے بہم نکلتا ہے

 کوئی بھی جرم ہو، اس سے بہم نکلتا ہے

وہ ایک شخص جو گھر سے بھی کم نکلتا ہے

کسی کی آنکھ تو روئی ہے غم زدہ ہو کر

کہیں بھی دشت ہو، ذروں سے نم نکلتا ہے

ادھر ہوا کی سلاست، مکاں اڑاتی ہے

ادھر وہ حبس کا عالم، کہ دم نکلتا ہے

وقت کا کیا ہے مرے یار بدل جاتا ہے

 وقت کا کیا ہے مرے یار، بدل جاتا ہے

آگ لگتی ہے تو بازار بدل جاتا ہے

ہم درختوں کے تو پھل بھی نہیں بدلے اب تک

ان پرندوں کا تو گھر بار بدل جاتا ہے

خواب ہر بار صدائیں دئیے رہ جاتے ہیں

اک ارادہ ہے کہ ہر بار بدل جاتا ہے

یہ اپنا شہر جو ہے دشت بے اماں ہی تو ہے

 یہ اپنا شہر جو ہے دشت بے اماں ہی تو ہے

اس اعتبار سے دل درد کا مکاں ہی تو ہے

نہیں ہے پرسش احوال کے لیے کوئی

بس ایک مجمع ارواح رفتگاں ہی تو ہے

یہ داستان تمنا عجب سہی پھر بھی

بھلا ہی دے گا زمانہ کہ داستاں ہی تو ہے

اس نے کہا تھا مجھ کو جانا ہے

 ایک اتفاقی موت کی روداد

سراسر اتفاقی موت تھی

اس نے کہا تھا مجھ کو جانا ہے

سو وہ ایسے گیا جیسے زمیں سے گھاس جاتی ہے

سراسر اتفاقاً

پاؤں چلنے کے لیے ہوتے ہیں

ہجوم غم ہے ابھی اور خوشی ہے تھوڑی سی

 ہجومِ غم ہے ابھی اور خوشی ہے تھوڑی سی

چلے بھی آئے کہ اب زندگی ہے تھوڑی سی

خزاں کا دور سہی پھر بھی اے چمن والو

فسردہ گُل ہیں مگر تازگی ہے تھوڑی سی

ہمارے غم کا مداوا تو ہو نہیں سکتا

یہ اور بات خوشی بھی ملی ہے تھوڑی سی

اسے بھلانے کے جتن بھی رائیگاں معلوم ہوتے ہیں

 جتن

میں نے عمر بھر

جسے یاد کیا 

اب عمر کے 

ان لمحوں  میں 

اسے بھلانے کے 

جہاں وہم و گماں ہو جائے گا کیا

جہاں وہم و گماں ہو جائے گا کیا

یہاں سب کچھ دھواں ہو جائے گا کیا

ستارے دھول اور مٹی بنیں گے

سمندر آسماں ہو جائے گا کیا

تمہارا عشق تو لا حاصلی ہے

یہ غم بھی رائیگاں ہو جائے گا کیا

اب جدھر بھی جاتے ہیں آدمی کو پاتے ہیں

 اب جدھر بھی جاتے ہیں

پہلے ایسا ہوتا تھا

بھانت بھانت کے بندر

شہر کی فصیلوں پر

محفلیں جماتے تھے

گھر میں کود آتے تھے

شکریہ یار دل دکھانے کا

 شکریہ یار! دل دُکھانے کا

پہلے یہ کام تھا زمانے کا

روز ہوتا ہے سامنا دکھ سے

جیسے اک فرد ہو گھرانے کا

تو مجھے گنگنا اکیلے میں

انترا ہوں اداس گانے کا

سال شروع ہونے پر میں نے سنی تری آواز

 سال شروع ہونے پر میں نے 

سُنی تری آواز 

اور کیا آغاز

رات تِری آواز کی سرسبز و شاداب فضا میں 

وصل تِرے کے دِیپ جلے 

کچھ ایسے تیز ہوا میں 

ہجر میں جتنا فاصلہ ہو گا

 ہجر میں جتنا فاصلہ ہو گا

اک دِیا پھر بھی جل رہا ہو گا

کس قدر شوقِ خود نمائی ہے

آئینہ خود پہ ہنس رہا ہو گا

حادثہ کل کوئی ہوا تو تھا

شور مٹی میں دب گیا ہو گا

لوٹ آئے گا دیکھنا مرے دوست

 لوٹ آئے گا دیکھنا مِرے دوست

جگمگائے گا راستہ مرے دوست

حضرتِ داغ کے میں سائے میں ہوں

حضرتِ جون ایلیا مرے دوست

کچھ گنہ گار بھی ہیں یار مِرے

اور ہیں چند پارسا مرے دوست

دھو لیا داغ ہم نے دامن کا

 دھو لیا داغ ہم نے دامن کا

شکریہ، آنسوؤں کے ساون کا

زندگی بھر نہ ہو سکا پورا

خواب اس آرزو کی دلہن کا

جس سے ملے وہ خود میں الجھا ہے

ہر کوئی ہے شکار الجمن کا

بدن میں چبھن اور دل جل رہا ہے

 بدن میں چبھن اور دل جل رہا ہے

کہ سینے میں کوئی ستم پل رہا ہے

نہیں شے کو حاصل زمانے میں دائم

تغیّر جہاں میں مسلسل رہا ہے

چلو گھر چلیں ہم کہ اب رات آئی

جوانی کا سورج بھی اب ڈھل رہا ہے

گزرے جو حوادث نہیں آئیں گے گماں میں

 گزرے جو حوادث نہیں آئیں گے گماں میں

ہے خاک بدن چاک جگر عشق بتاں میں

استاد کسی اور کو خاطر میں نہ لائے

اِترائے سرِ عام کہ ہوں اہلِ زباں میں

ہر لفظ ہے اشعار کا آواز دلوں کی

ہے نقص کہیں بول مِرے طرزِ بیاں میں