شمع دل شمع تمنا نہ جلا مان بھی جا

 شمعِ دل، شمعِ تمنا نہ جلا، مان بھی جا

تیز آندھی ہے مخالف ہے ہوا مان بھی جا

ایسی دنیا میں جنوں ایسے زمانے میں وفا

اس طرح خود کو تماشا نہ بنا مان بھی جا

کب تلک ساتھ تِرا دیں گے یہ دھندلے سائے

دیکھ نادان نہ بن ہوش میں آ مان بھی جا

شدید پیاس تھی پھر بھی چھوا نہ پانی کو

 شدید پیاس تھی پھر بھی چُھوا نہ پانی کو

میں دیکھتا رہا دریا! تِری روانی کو

سیاہ رات نے بے حال کر دیا مجھ کو

کہ طول دے نہیں پایا کسی کہانی کو

بجائے میرے کسی اور کا تقرر ہو

قبول جو کرے خوابوں کی پاسبانی کو

حسین ابن علی کے وارث شہید ہوتے ہیں کربلا میں

عارفانہ کلام منقبت سلام مرثیہ

 ہوا کی زد میں چراغ امید کب نہیں تھا

مگر یہ ہاتھوں کی کپکپاہٹ

لبوں پر ریگ سکوت

آنکھوں میں آنسوؤں کے دریا

تم اپنے آبا کے کارناموں سے بے خبر ہو

میں مانتا ہوں تم خواب حسین کے وارث ہو

 میں مانتا ہوں

تم خواب حسینؑ کے وارث ہو

میں جانتا ہوں

تم پیاس کی شدت میں بھی سراب کو دریا نہیں کہنے والے

تسلیم مجھے

جس رہ میں نشیب و فراز نہیں

جہاں میں ہونے کو اے دوست یوں تو سب ہو گا

 جہاں میں ہونے کو اے دوست یوں تو سب ہو گا 

تِرے لبوں پہ مِرے لب ہوں ایسا کب ہو گا 

اسی امید پہ کب سے دھڑک رہا ہے دل 

تِرے حضور کسی روز یہ طلب ہو گا 

مکاں تو ہوں گے مکینوں سے سب مگر خالی 

یہاں بھی دیکھوں تماشا یہ ایک شب ہو گا 

یہ کیا ہے محبت میں تو ایسا نہیں ہوتا

 یہ کیا ہے محبت میں تو ایسا نہیں ہوتا

میں تجھ سے جدا ہو کہ بھی تنہا نہیں ہوتا

اس موڑ سے آگے بھی کوئی موڑ ہے ورنہ

یوں میرے لیے تو کبھی ٹھہرا نہیں ہوتا

کیوں میرا مقدر ہے اجالوں کی سیاہی

کیوں رات کے ڈھلنے پہ سویرا نہیں ہوتا

آنکھوں سے خوں چھلکتا رہا دل دکھا رہا

 آنکھوں سے خوں چھلکتا رہا، دل دُکھا رہا

اور اس پہ بھی کسی سے نہ مجھ کو گِلا رہا

یا عشق تھا اداسی و تنہائی سے مجھے

یا وقت ایک موڑ پہ صدیوں رکا رہا

کیا رات شہرِ درد میں آئی نہ تھی ہوا

کیوں چاند تیرگی کے بھنور میں پھنسا رہا

زخموں کو رفو کر لیں دل شاد کریں پھر سے

 زخموں کو رفو کر لیں دل شاد کریں پھر سے

خوابوں کی کوئی دنیا آباد کریں پھر سے

مدت ہوئی جینے کا احساس نہیں ہوتا

دل ان سے تقاضا کر، بیداد کریں پھر سے

مجرم کے کٹہرے میں پھر ہم کو کھڑا کر دو

ہو رسمِ کہن تازہ، فریاد کریں پھر سے

اداس شہر کی گلیوں میں رقص کرتے ہیں

سائے

اداس شہر کی گلیوں میں رقص کرتے ہیں

بلائیں لیتے ہیں آوارہ گرد خوابوں کی

دعائیں دیتے ہیں بچھڑے ہوؤں کو ملنے کی

سنوارتے ہیں خمِ گیسوئے تمنا کو

پکارتے ہیں کسی اجنبی مسیحا کو

پہلے نہائی اوس میں پھر آنسوؤں میں رات

 پہلے نہائی اوس میں پھر آنسوؤں میں رات

یوں بوند بوند اتری ہمارے گھروں میں رات

کچھ بھی دکھائی دیتا نہیں دور دور تک

چبھتی ہے سوئیوں کی طرح جب رگوں میں رات

وہ کھردری چٹانیں، وہ دریا، وہ آبشار

سب کچھ سمیٹ لے گئی اپنے پروں میں رات

عکس کو قید کہ پرچھائیں کو زنجیر کریں

عکس کو قید کہ پرچھائیں کو زنجیر کریں

ساعتِ ہجر! تجھے کیسے جہانگیر کریں

پاؤں کے نیچے کوئی شے ہے زمیں کی صورت

چند دن اور اسی وہم کی تشہیر کریں

شہرِ امید حقیقت میں نہیں بن سکتا

تو چلو اس کو تصور ہی میں تعمیر کریں

بہت بھیڑ تھی جب اکیلے ہوئے

ہوا تُو کہاں ہے؟ زمانے ہوئے

سمندر کے پانی کو ٹھہرے ہوئے

لہو سب کا سب آنکھ میں آ گیا

ہرے پھول سے جسم پیلے ہوئے

جنوں کا ہر اک نقش مِٹ کر رہا

ہوس کے سبھی خواب پورے ہوئے

آندھی کی زد میں شام تمنا جلائی جائے

آندھی کی زد میں شامِ تمنا جلائی جائے

جس طرح ہو لاج جنوں کی بچائی جائے

بے آب و گیاہ ہے یہ دل کا دشت بھی

اک نہر آنسوؤں کی یہاں بھی بہائی جائے

عاجز ہیں اپنے طالعِ بیدار سے بہت

ہر رات ہم کو کوئی کہانی سنائی جائے

جہاں تک ہو گا جب تک ہو گا دل بہلائیں گے ہم بھی

جہاں تک ہو گا جب تک ہو گا دل بہلائیں گے ہم بھی

کسی دن تو تجھے بھولے سے یاد آ جائیں گے ہم بھی

کریں گے ہم کہاں تک دور کی آواز کا پیچھا

ابھی اک موڑ ایسا آئے گا، پچھتائیں گے ہم بھی

کہیں بھی زیست کے آثار دکھلائی نہیں دیتے

یہی صورت رہی جو چند دن، گھبرائیں گے ہم بھی

تجھ کو کھو کر کیوں یہ لگتا ہے کہ کچھ کھویا نہیں

تجھ کو کھو کر کیوں یہ لگتا ہے کہ کچھ کھویا نہیں

خواب میں آئے گا تُو، اس واسطے سویا نہیں

آپ بیتی پر جہاں ہنسنا تھا جی بھر کے ہنسا

ہاں جہاں رونا ضروری تھا، وہاں رویا نہیں

موسموں نے پچھلی فصلوں کی نگہبانی نہ کی

اس لیے اب کے زمینِ دل میں کچھ بویا نہیں

جاگتا ہوں میں ایک اکیلا دنیا سوتی ہے

جاگتا ہوں میں ایک اکیلا دنیا سوتی ہے 

کتنی وحشت ہجر کی لمبی رات میں ہوتی ہے

یادوں کے سیلاب میں جس دم گھِر جاتا ہوں 

دل دیوار ادھر جانے کی خواہش ہوتی ہے

خواب دیکھنے کی حسرت میں تنہائی میری

آنکھوں کی بنجر دھرتی میں نیندیں بوتی ہے

مشعل درد پھر اک بار جلا لی جائے

مشعلِ درد پھر اک بار جلا لی جائے

جشن ہو جائے، ذرا دھوم مچا لی جائے

خون میں جوش نہیں آیا، زمانہ گزرا

دوستو! آؤ، کوئی بات نکالی جائے

جان بھی میری چلی جائے تو کچھ بات نہیں

وار تیرا نہ مگر ایک بھی خالی جائے

دوست احباب کی نظروں میں برا ہو گیا میں

دوست احباب کی نظروں میں برا ہو گیا میں

وقت کی بات ہے کیا ہونا تھا، کیا ہو گیا میں

دل کے دروازے کو وا رکھنے کی عادت تھی مجھے

یاد آتا نہیں ۔۔ کب، کس سے جدا ہو گیا میں

کیسے تُو سنتا؟۔۔ بڑا شور تھا سناٹوں کا

دور سے آتی ہوئی ایسی صدا ہو گیا میں

سورج کا سفر ختم ہوا رات نہ آئی

سورج کا سفر ختم ہوا ۔۔۔ رات نہ آئی

حصے میں مِرے خوابوں کی سوغات نہ آئی

موسم ہی پہ ہم کرتے رہے تبصرہ تا دیر

دل جس سے دُکھے ایسی کوئی بات نہ آئی

یوں ڈور کو ہم وقت کی پکڑے تو ہوئے تھے

ایک بار مگر چھُوٹی ۔۔ تو پھر ہاتھ نہ آئی

عجیب سانحہ مجھ پر گزر گیا یارو

عجیب سانحہ مجھ پر گزر گیا یارو

میں اپنے سائے سے کل رات ڈر گیا یارو

ہر ایک نقش تمنا کا ہو گیا دھندلا

ہر ایک زخم میرے دل کا بھر گیا یارو

بھٹک رہی تھی جو کشتی وہ غرقِ آب ہوئی

چڑھا ہوا تھا جو دریا ۔۔۔ اتر گیا یارو