اے باد خوش خرام تمہاری وجہ سے ہے

 اے بادِ خوش خرام تمہاری وجہ سے ہے

پھولوں کا احترام تمہاری وجہ سے ہے

پھرتے ہیں اپنے کام سے بستی میں بادہ خوار

ہم کو بھی ایک کام تمہاری وجہ سے ہے

ہر طاق میں چراغ ہے ہر شاخ پر گلاب

کس درجہ اہتمام تمہاری وجہ سے ہے

موت ایک خدشہ ہے

 خدشہ

یوں نہ ہو کہ اب کی بار

کرسیوں کی لرزش میں

زلزے کا جھٹکا ہو

جوتیوں کے ڈبے میں

سانپ چھپ کے بیٹھا ہو

جا نکلے عجب دشت میں اوراق پلٹ کر

جا نکلے عجب دشت میں اوراق پلٹ کر، اطراف سے کٹ کر

اور خواب سے ابھر ے ہیں بدن خاک سے اٹ کر، بیٹھے ہیں سمٹ کر

ہم اس کو ستارہ تو نہیں جانتے لیکن، ہر چند ہے ممکن

ٹکڑا سا گرے صحن میں افلاک سے کٹ کر، نظروں سے نمٹ کر

بے اسم بھی ہوتا ہے طلسم ایسا کہیں پر؟ موقع ہی یہیں پر

دکھلائیے جام آپ ان آنکھوں کے الٹ کر، دل وِل رہیں پھٹ کر

یہ کس نے لوٹا ہے آشیاں کو

یہ کس نے گلشن پہ قہر ڈھایا، یہ کس نے لوٹا ہے آشیاں کو

بہار ماتم کناں کلی پر، زمین روئے ہے آسماں کو

ابھی بھی موقع ہے رقصِ موجِ جنوں کر لے سکوں کر لے

ذرا سا ساون نے چال بدلی یہ مور ترسے گا بارشاں کو

یہ لوگ واضح دلیلِ صُمٌّ بُكْمٌ عُمْیٌ بنے ہوئے ہیں

یہ دورِ لا يَرْجِعُونَ کیونکر سمجھ سکے گا مری فغاں کو

اک شور مرے باہر اک شور مرے اندر

اک شور مِرے باہر، اک شور مِرے اندر

اک عصر مرے آگے، اک دور مرے اندر

اس دیدۂ ظاہر کو حاصل کہاں بینائی؟

میں بھید کی بستی ہوں، کچھ اور مرے اندر

تدفینِ تمنا کی حاجت ہوئی سینے کو

درکار ہے کچھ مٹی فی الفور مرے اندر

کیوں مجھے چور سمجھتے ہیں نہ جانے سارے

کیوں مجھے چور سمجھتے ہیں نہ جانے سارے

میں نے خود گھڑ کے سنائے ہیں فسانے سارے

کتنی مشکل سے ملایا ہے پری کو جِن سے

کتنی محنت سے لڑائے ہیں زمانے سارے

دشت در دشت گھمایا کئی کرداروں کو

کس مہارت سے چھپائے ہیں خزانے سارے

گھر کے اشجار تھے سو ظرف کشادہ نہ کیا

گھر کے اشجار تھے سو ظرف کشادہ نہ کیا

پاؤں کٹوا لیے، ہجرت کا ارادہ نہ کیا

یہ ہے منظر میں اترنے کا سلیقہ، اس نے

عکسِ "رنگیں" سرِ "آئینۂ" سادہ نہ کیا

وہ ندی تھی سو ذرا پیر بھگو کر نکلے

استفادہ مگر اک حد سے زیادہ نہ کیا

ستارہ گھر میں تھا اور روشنی سفر میں تھی

ستارہ گھر میں تھا اور روشنی سفر میں تھی

اک انتظار کی لَو چشمِ کم نظر میں تھی

الگ ہیں رابطہ اور ربط، تُو نے سمجھی نہیں

وہ اک کمی، جو ملاقاتِ مختصر میں تھی

خرام 'ٹھہرا' ہوا 'زینۂ چمن' پر تھا

نگاہ 'الجھی' ہوئی 'شاخِ نیلوفر' میں تھی

مٹتے ہوئے حروف کو پڑھنے کی خو کیا کریں

مٹتے ہوئے حروف کو پڑھنے کی خو کیا کریں

سطریں کریدتے ہوئے پوریں لہو کیا کریں

نو واردانِ عشق سے، کہہ دیجیۓ کہ دشت میں

وحشت سے قبل ریت سے جا کر وضو کیا کریں

انجیلِ دل میں درج ہوں آیاتِ نقرئی تو پھر

ہم بھی سخن کے باب میں، کچھ ہاؤ ہو کیا کریں

سیر بازارِ جہاں کرتے ہوئے ہم کو چلا

سیرِ بازارِ جہاں کرتے ہوئے ہم کو چلا

دل کی قیمت کا پتہ، پھول کی ارزانی سے

کن ستاروں نے جڑیں پکڑیں سفالِ نم میں

شب گزیدوں کی سماوات میں گل بانی سے

قافلے مثلِ صبا دل سے گزر جاتے ہیں

کون ملتا ہے بھری بھیڑ میں آسانی سے

اے باد خوش خرام تمہاری وجہ سے ہے

اے بادِ خوش خرام، تمہاری وجہ سے ہے

پھولوں کا احترام، تمہاری وجہ سے ہے

پھرتے ہیں اپنے کام سے بستی میں بادہ خوار

ہم کو بھی ایک کام، تمہاری وجہ سے ہے

ہر طاق میں چراغ ہے، ہر شاخ پر گلاب

کس درجہ اہتمام، تمہاری وجہ سے ہے

پلٹنے والوں نے دشنام جب تمہارا دیا

پلٹنے والوں نے دُشنام جب تمہارا دیا

اجل  کے ہاتھ نے خود بام سے اتارا دیا

جوابی کاپی میں لکھی ہوئی غزل پہ مجھے

کسی نے ہنستے ہوئے سرخ سا ستارا دیا

چمن کی اوٹ سے رخ پھیر کر پری وش نے

ہوائے شام کو "تھم" جانے کا اشارہ دیا

جنہیں گلے ہوں وہ آئیں اور آ کے بات کریں

جنہیں گِلے ہوں وہ آئیں اور آ کے بات کریں

دلوں💗 کی میز پہ بیٹھیں، "مذاکرات" کریں

عجیب ہے کہ 🙏عبادت کے نام پر ہم لوگ

خدا سے غیر مناسب "مطالبات" کریں

خزانہ مل چکا، خیر اس سے "سندباد" کو کیا

سلوک جو بھی سمندر سے "حادثات" کریں

مچا ہوا ہے خداؤں کی ان کہی کا شور

مچا ہوا ہے خداؤں کی ان کہی کا شور 

مگر وہ گونج کہ کھا جائیگی سبھی کا شور 

تمام "رات مہکتا" تھا اس کی "ٹیبل" پر

گلابِ تازہ کی خوشبو میں فروری کا شور

شجر کی تابِ سماعت پہ "داد" بنتی ہے

یہ سنتا آیا ہے صدیوں سے آدمی کا شور

پرانی ناؤ کے تختے پہ دل بناتے ہوئے

پرانی ناؤ کے تختے پہ 💗 دل بناتے ہوئے 

وہ رو پڑے گا کوئی خواب گنگناتے ہوئے 

سہولت ایسی نہیں ہے کہ تم بھی ہم بھی ملیں 

افق کے خط پہ زمیں آسماں ملاتے ہوئے

جزیرے والوں نے دیکھا ہے اپنی آنکھوں سے  

تمہارا نام "سمندر" میں "کام" آتے ہوئے